¹ Atumiwi nu aphanji akhalele mu yuda avuile etshi athu a ifutshi ako atshiginine gale nji mbimbi ya Nzambi. ² Ngenyi avutugile petelo gu yelusalema enya yuda akhalele enya gutshina amuhagesele iphapha egi: ³ Mukunda n' atshi wayile gudi jingubegu, wadile n'ajio? ⁴ Hangima petelo wa atele lumene luagasue lua ndaga jia gasue jia balegele. Muene wa zuelele egi: ⁵ "Ngakhalele mu dimbo dia yopha ngakhalele ngakhalele mu kombelela ha nga muenene gishigo gumona. Ngamuenene gima mubulumuga gidi ame: diene dia khalele gifua mulele watewa gu ndemba jiwana mubuluga mu dilu, muza gudi ame. ⁶ Hanga wutalele muabonga moshi, ngamwenene shitu jia maboto awana jia mu foto nu jiana dibulumuna hashi nu njila jia gosa. ⁷ Ngavuile dijui munguwambela egi:petelo zuga ushuye udie! Uvi ame ngazuelele etshi: ⁸ ndo Fumu! Ndaga ya shitu jia gijila nga jitshigo jia tagana khenjijianginginyine gale mukano mukano: ⁹ Uvi dijiu diajile mudilu hugo dia ngiadi egi: umonigo ya buishile gale Nzambi ya tagana egi ishigo ya tagana: ¹⁰ ya khalele ngenyi mahugo a tatu, hangima ima ya gasue ya zanguwe luko mudilu. ¹¹ Ha kumbi dinyi diago mala mutatu ahatele gu inzo gungakhelele. Ene angutumiwe gu kaisalaya. ¹² Givule giabonga gia ngu wambelele egi:" uye n'ayo ukakela go. An'etu awa musamano angaza n'wo, angutualele gu kaisala, tuanginyine monzo ya Koneliyo. ¹³ Muene watuwambelele muho wamuenene muene mwanjelo mumagana monzo yenji muzuela egi: utume athu gu yona aze nu Simona jina diko petelo. ¹⁴ Muene mbawuguwambela mbimbi mba jiguhuishisa monyo, aye nu a mo nzo yaye ya gasue. ¹⁵ Hanga sendesele guzuela, givule giabonga gia bulumugine gifua mu gia tubulumugine esue gu gisendeselo. ¹⁶ Hangima ngawungulugile mbimbi ya Fumu hazuelele muene egi: Yone wabatshijile mu meya uvi enue mbamupatijiwa nu givule giabonga: ¹⁷ Ngenyi gula Nzambi wa huile guhua gungoshi guene guatuhuiwe esue hatuatshiginyine Fumu yesu kilisto, ame dio ngakhalele nanyi ngabandele gutunyisa nzambi?" ¹⁸ Havuile ene mbimbi eji, mitshima ya wo yatulugile, atumbuishile Nzambi egi:" gula idi ngenyi na Nzambi wahuile nji athu a ifutshi iko gu balumuna mitshima ha gukhala nu monyo." ¹⁹ Gusagesewa gwa sendesele mu hugo dia shiyiwe Stefano, gwamwangenesele enya gutshina. Ako a mukati diawo.ayile uu nu gu fenisia nu gu shiphele nu gu Antiokia mulongesa khuta enya yuda. ²⁰ Uvi athu ako mukatshi diawo, enya shiphele nu enya silene, ha hetele ene gu antioka azuelele nji nu enya gelika, mwalongesa lukuma luabonga lua Fumu yesu. ²¹ Ngolo jia Fumu jia khelele n'awo athu avula atshiginyine, abalumuine mitshima yawo gudi Fumu. ²² Lumene lua ndag'eyi luahetele gu matshui a enya ekelezia a muyelusalema. Ene atumine Banaba gu antioka. ²³ Hahetele mwene nu ha mwene muko wa hetesele nzambi enya gutshigina ngasa, wa khalele nu gusuanguluga. Mwene wa akolesele ha ene akhale mu gufubidila gudi Fumu nu gukola mitshima. ²⁴ Ndaga ya Banaba wa khalele muthu wa bonga, wakhalele wa zala pha nu givule gia bonga nu gutshigina. Hene thundu ya koma y'athu ya tualewe gudi Fumu ²⁵ Gungima Banaba wayile gu talese ha gukamba shaula. ²⁶ Ha mumwenene mwene, wayile n'enji gu antioka.muyadi'awo tshima asalele guene a khalele mudibungisa givuo gia mudidi mu ekelezia; alongesele thundu ya koma y'athu. alandudi a muatiokia. ene akhalele athu agudiangela ha gulugiwa egi, enya kilisto. ²⁷ Mu masugu anyi ngambi jia zugile gu yelusalema, jiabulumugile gu antioka. ²⁸ Mungoshi wa jio jina dienji Agalu wazugile mugutuazewa gua givule giabonga, wajiyishile athu nzala ya bala mbayikhala ha mavu agasue.( Ndaga inyi ya buile mu masugu a kolode.) ²⁹ Alandudi abatuile ha muthu nu muthu guhana gukuatesa mu nduedi yenji ha gu tumina aphanji akhalele mukhala muyuda. ³⁰ Ene atshitshile ngenyi, atumine ima inyi nu Banaba nu Shaula gudi malemba.