¹ Yesu, bakaka ndinga, yandi tubilaka bau diaka na bingana mpe yandi me tuba : ² «Kimfumu ya mazulu kele mutindu ya ntinu sadisaka nkembo ya mwana nandi. ³ Yandi fidisaka bisadi ya yandi ba bokila bantu nionso bakaka lubokolona nkembo ; kansi ba zolaka ku kwiza ve. ⁴ Yandi fidisaka diaka bisadi ya nkaka , tubaka : «Tala, me kubika nkembo, ba ngombe mpe bibulu ya nene yame ku fwa, ya me kubama, beno kwiza na nkembo.» ⁵ Kansi, ata nge ke na lubokosolo ve, ba kwendaka , ya nkaka na bilanga n’andi, yina ya nkaka na kutekisa bima n’andi ; ⁶ Mpe ba ya nkaka ba kangaka bisadi, ba bulaka mpe kufwa bau. ⁷ Ntinu fwemaka ; yandi fidisaka binuani mpe kufwaka mimvondi nionso mpe ba yokaka mbanza ya bau. ⁸ Bosi yandi me tuba na bisadi n’andi : Ndambisa me kubama ; kansi bayina ba bkilaka ba kuizaka ve. ⁹ Bana kuenda bisika nionso, mpe beno bokila bantu nionso benoke mona. ¹⁰ Bisadi n’andi kuendaka na ba nzila, ba kutikisaka bantu nionso ba monaka, bantu ya yimbi mpe ya mbote, mpe kivinga ya ndambisa vulukaka. ¹¹ Ntinu kotaka na ku tala ba yina vuandaka na meza, mpe yandi monaka kuna muntu mosi vuandaka na bilele ya ndambisa ve. ¹² Yandi me zabis’andi : Nkundi ya munu, wapi mutindu nge me kotila awa ku kondwa bilele ya ndambisa kele ve ? Muntu yina kangamaka yinua. ¹³ Na yau, Ntinu me tuba na bisadi n’andi : Beno kanga yandi makulu mpe maboko, mpe beno loza yandi na nganda ke kitombe, ke vuanda kudila mpe nkuetoso ya meno. ¹⁴ Bantu bokuluaka mingi kansi yaku solua fioti. ¹⁵ Kuna ba falisi kuendaka solola na mutindi yaku bakila Yesu na mambu yandi mosi kena ku tuba. ¹⁶ Ba tindaka na yandi ba minlongoki ya bau na ba helodi, ba tubaka : «Nlongi, beto mezaba ke nge ke kedika mpe nge ke longisaka nzila ya Nzambi mutindu ya kedika, kondua ku sala muntu mpasi, na ku tala muntu na nganda ve ! ¹⁷ Tubila beto na nge, ya kele mbote to ve na ku futa mpaku na cezale ?» ¹⁸ Yesu, na ku zabaka yimbi ya bau, yandi vutulaka : «Samuna yinki na ku ntota munu ? Bantu ya disu na yinsi ya lukaya ? ¹⁹ Beno monisa munu mbongo beno ke futilaka mpaku.» Mpe ba monisaka yandi denali mosi. ²⁰ Yandi yuvusaka bau: «ki zizi mpe bisono ya nani kena mbongo yayi?» ²¹ « Ya cezale», ba vutudilaka yandi, na yau, yandi tubaka : «Beno pesa ya Cezale na Cezale mpe ya Nzambi na Nzambi.» ²² Ba yitukuaka na yina bakuwaka, ba katukaka na meso n’andi mpe ba kuendaka. ²³ Na kilumbu yina kaka, ba sadoki, ba tubaka, mvulukulu yi kele ve, ba kuizaka na Yesu mpe ba yuvulak’andi kiuvu yayi : ²⁴ «Nlongi, Mose tubaka : Kana muntu me kufua yandi buta ve, mpangi n’andi ke kuela nketo yandi me bika, mpe ku pesa nkuna na mpangi ya yandi. ²⁵ Kansi ya vuandaka na beto ba mpangi nsambuadia. Ya ntete me kuela, mpe yandi me kufua, na ntangu ya vuandaka na muana ve, yandi bikaka nketo n’andi na mpangi. ²⁶ Ya vuandaka mutindu mosi na yin aya zole, landila ya tatu, ti na yina na nsambuadia. ²⁷ Ku landila bau nionso, nketo me kufua yandi mpe. ²⁸ Na mvulukulu, yandi ke vuanda nketo ya nani na bau nsambuadia; Samuti yandi vuandaka nketo ya bau nionso?» ²⁹ Yesu vutudilaka bau : «Beno kele na nzimbala, samuti beno ke bakusaka ni masonukua, ni lulendo ya Nzambi. ³⁰ Samuti na mvulukulu, bakala ke baka diaka nketo ve, mutindu mosi mpe nketo ke baka diaka bakala ve. Kansi ba ke vuanda mutindu ba mbasi ya Nzambi na dizulu. ³¹ Na yina metadila mvulukulu ya bayina kufuaka, beno tangaka ve yina Nzambi tubaka : ³² Mu kele Nzambi ya Abalami, Nzambi ya Isaki mpe Nzambi ya Yakobi ? Nzambi kele ve Nzambi ya bantu ya kufua, nkasi ya bantu ya moyo.» ³³ Ndonga ya bantu, vuandaka kuwa, ba yitukuaka na malongi ya Yesu. ³⁴ Ba falisi, nantangu ba kuwaka eti yandi kangaka ba yinua ya ba sadoki, ba kutakanaka. ³⁵ Mpe mosi na bau zole, dokotolo ya nsiku, me yuvusa yandi ngiuvula yayi, na kukonda yandi : ³⁶ «Nlongi, wapi meluta nene na ba nsiku?» ³⁷ Yesu vutulaka : «Nge ke zola Nzambi’ange na ntima y ange ya mvimba, na muela na nge ya mvimba, mpe na mabanza nge ya mvimba. ³⁸ Ya ntete mpe meluta nene na ba ntumunu. ³⁹ Mpe tala yina melanda : Nge ke zola mpangi ya nge yina ke pene pene na nge mutindu nge ke kuki zodilaka. ⁴⁰ Na ba ntumunu zole yayi kena ku dedikisa nsiku nionso mpe yina tubaka mimbikudi.» ⁴¹ Mutindu ba falisi kutakanaka, Yesu meyuvusa bau, ⁴² Na kutuba : Yinki beno kena ku kanisa samuna Klisto ? Yandi kele muana ya nani ? Ba vutulaka : «Mwana ya Davidi.» ⁴³ Mpe Yesu tubaka na bau : «Wapi mutindu, Davidi tuadusuaka na Mpeve na kubokidila Mfumu, na ntangu yandi kena tuba : ⁴⁴ Mfumu tubakana Mfumu : Vuanda nge na diboko ya munu ya lu bakala. Ti na ntangu mu sala ba mbeni y ange bidiatulu ?» ⁴⁵ Kana ti Davidi kena kubokila yandi Mfumu, wapi mutindu yandi kele muana nandi ?» ⁴⁶ Muntu mosi ve vutula diambu. Mpe, banda kilumbu yina, muntu diaka ve sosaka na kuyuvula diaka yandi diambu.