¹ Na ntangu Yesu manisaka malongi na yandi, yandi katukaka na Ngalili, pe yandi kuendaka na kisunga ya Yuda, ntama na Yodani. ² Nkangu ya batu landaka yandi, pe kuna yandi belusaka ba mbevo. ³ Ba palisayi busanaka pe solulaka na yandi, samuna ku monisa yandi, sikana ya ikele diambu ya mbote na kuvukusa nketo na inzo na zulu ya diambu ya mutindu na mutindu ? ⁴ Ba vutusaka : Nge tangaka ve na masunukua ti na mbadukulu, Tata Nzambi salaka bakala na nketo ⁵ Pe yandi tubaka : yawu bakala fuana katuka na inzo ya tata pe mama na yandi, pe yandi ke bundana na nketo na yandi, pe bau nionso zole bake kuiza kuma musuni mosi ? ⁶ Na yau bake diaka zole ve, kasi ba ikele musuni mosi. Na yau mutu mosi lenda kabula ve yina Nzambi me sanzisa. ⁷ Samuna nini, yandi tubilaka bau, Mose sonikaka ti nge fuana pesa mukanda ya luvambanu na nketo sikana nge me vukusa yandi ? ⁸ 8. Yandi vutusilaka bau : samuna mintima ya beno ya kinkesa Mose pesaka beno yinsua na ku vukusa ba keto ; na mbadukulu ya vuandaka mutindu yina ve. ⁹ Kasi, mukena ku zabisa beno yandi yina ke vukusa nketo, sikana ya ikele samuna ku manga ku kuikama, pe yandi me kuela mutu ya nkaka, yandi me sala kinzuza. ¹⁰ Ba longoki na yandi zabisaka yandi : Sikana ya ikele mutindu yina bakala na ntuala ya nketo, ya fuana ve na ku kuela. ¹¹ Yandi vutusilaka bau : batu nionso bakusaka mpova yayi, kasi na bayina kaka pesiminaka yau. ¹² Na yawu ya ikele na ba (euniques) ya ikele ku banda na bivumu ya ba mama na bau ; ya vuanda yina kuizaka na batu ; pe ya vuandaka yina pesakama na mutindu na yau mosi, samuna ki Mfumu ya mazulu. Yandi yina lenda bakusa ya bakusa. ¹³ Batinaka yandi bana fioti, samuna yandi tula bau maboko pe yandi sambidilaka bawu. Kasi ba nlongoki na yandi vuandaka yimina bau na kupasa. ¹⁴ Pe Yesu tubaka : Beno bika bana fioti, pe beno kakidila bau ve ba kuiza na munu ; samu Kimfumu ya mazulu ikele na bayina kele mutindu mosi na bau. ¹⁵ Yandi tulaka bau maboko, pe yandi katukaka na kisika yina. ¹⁶ Pe mutu mosi pusaka, pe yandi tubaka na Yesu : Nlongi, nini mu fuana sala ya mbote samu mu baka luzingu yina ke sukaka ve ? ¹⁷ Yandi vutusilaka bau : Samuna nini nge ikele na kuyuvusila munu yina kele ya mbote ? Mosi kaka ikele ya mbote. Sikana nge zona kota na luzingu, lunda mi nsiku. Yina ikele ? Yandi tubilaka yandi. ¹⁸ Pe Yesu vutusaka : Nge ke kufua mutu ve ; nge ke sala kinzuza ve ; nge ke yiba ve ; nge ke tuba kimbangi ya luvunu ve ; zitisa tata pe mama ; ¹⁹ Pe : Zona mvilangani na nge lokola ngeyo mosi. ²⁰ Ditoko tubilaka yandi : Mulunda mambu yayi nionso ; nini ya nkaka me kondua ? ²¹ Yesu tubaka : Sikana nge zona vuanda yaku fuana, kuenda, tekisa bima yina ikele na nge, pesa yau na ba mputu, pe ngeke baka kima ya ntalu na mazulu. Samu kuiza, pe landa munu. ²² Na manima ya kuwa ba mpova yayi, ditoko kuenda na kiadi nionso ; samu yandi vuandaka na bima ya nene. ²³ Yesu tubilaka ba longoki na yandi : Mukena ku zabisa beno na kieleka, mutu ya mvuama ke kota na mutindu ya mpasi na kimfumu ya mazulu. ²⁴ Mu ikele na kuzabisa beno diaka, yau ikele mpasi ve na dimevua na kukota na dibulu ya ntumbu na ku fuanisa mutu ya mvuama na ku kota na kimfumu ya mazulu ²⁵ Na ntangu ba longoki kuwaka yau, ba yitukaka pe batubaka : nani yina lenda vuka ? ²⁶ Yesu talaka bau, pe yandi tubilaka bau : na batu yalenda salama ve, kasi na Nzambi nionso lenda salama. ²⁷ Petelo, bakaka ndinga be yandi tubaka : tala beto bikaka bima nions ope beto landaka nge, nini ke vuanda mvutu ya beto ? ²⁸ Yesu vutusilaka bau :Mukena kuzabisa beno na kieleka, na ntangu Muana ya mutu ke kitula mambu nionso ya yimpa, beno ke vuanda na kiti ya nkembo, beno batu landaka munu beno ke vuanda beno diaka na bakiti kumi zole, pe beno ke sambisa makumi zole ya makanda ya Isalaeli. ²⁹ Mutu nionso ke katuka, samuna nkumbu ya munu, ba mpangi na yandi ya babakala pe ya ba keto, to mama na yandi, to nketo na yandi, bana na yandi, to mi ntoto na yandi, to ba inzo na yandi, bak e baka makumi ya kulutila pe bake kuiza baka luzingu ke sukaka ve. ³⁰ Batu ya nteti ke simunina, pe batu mingi simuninaka ke vuanda batu ya nteti.