^{1 2} Na manima ba mvula kumi na iya, mu tombukaka diaka na Yelusalemi kintuadi na Banaba, mu nataka mpe Tito; kansi kana mu tombukaka kuna, mu bakaka nzayikusu. Mu bangudilaka bau Masonukua ya Nlongo ti mu vuandaka longa kati ya ba pakanu, mu bangudilaka kaka ba yina ³ Kansi Tito muntu ya Elene vuandaka na munu, yandi tatumusuaka ku zengua ve. ⁴ Na yau, samuna ba mpangi ya luvunu kotaka na kinsueki kati na beto, samuna ku kutonta kimpuanza kele na beto na yesu Klisto, na dibanza ya kukitula beto minanga. ⁵ Beto ndimaka ata fioti ve mpe beto tumamaka na ba nsatu na bau ve, samu kedika ya Masonukua ya Nlongo sikila kati na beto. ⁶ Ba kena kimona mfunu mingi, mutindu ba vuandailaka na ntete, ya tala munu ve: Tata Nzambi ke talaka ilungi ya muntu ve, ba yina kele mfunu mingi tatimisaka munu kima ve. ⁷ Nkutu ntangu ba monaka ti Nsangu ya Mbote pesaminaka munu samuna kulonga ba yina kele ya kuzengua ve, mutindu mosi na Petelo samuna kulonga bayina kele ya kuzengua, ⁸ samu yina kumisaka Petelo ntumua ya bantu ya kuzengua, yandi mpe kaka kitulaka munu ntumua ya ba pakanu, ⁹ kansi ntangu ba bakusaka nlemvo yayi ba pesaka munu, Yakobi, Kefa mpe Yoane, monanaka bonso makunzi, ba pesaka munu na Banaba, diboko ya kuvuanda kintuadi, samu ti beto kuenda kisika kele ba pakanu, mpe bau kisika kele ba yina zenguaka. ¹⁰ Ba sikidikisaka beto na kubambukila ba mputu moyo, samu yau mu vuandaka sala na kimfuzi nionso. ¹¹ Kansi ntangu Kefa kuizaka na Antiokia, mu sembaka yandi, samu yandi vuandaka bamunua. ¹² Na yau, na ntuala ya ngizulu ya ndambu ya bantu Yokobi tindaka, ba vuandaka kudia na ba pakanu; mpe ntangu ba kumaka, yandi suamaka na ndambu, samuna wonga ya bantu ya kuzengua. ¹³ Ba yudeyo yankaka vuandaka kintuadi na yandi vunikisaka, bosi Banaba vunukaka na ki disu na insi ya dititi na bau. ¹⁴ Ntangu ba monaka ti ndiatulu na yandi kele ya kusungama ve na kedika ya Nsangu ya Mbote, mu tubaka na Kefa na ntuala ya bantu nionso: Kana nge nyudayo kena ku diata bonso mupakanu, na mutindu ya ba Yudeyo ve, samuna inki nge kena kutinda ba pakanu ba landa bifu ya ba Yudeyo e? ¹⁵ Beto, beto kele ba Yudeyo ya kubutukila, bantu ya masumu na kati ya ba pakanu ve. ¹⁶ Kansi beto me zaba ti muntu kele ndungunu na mavanga ya nsiku ve, kansi na kutula kiminu na Yesu Klisto, beto mpe beto tulaka kiminu na Yesu Klisto, samu beto nungusua na kiminu kansi na mavanga ya nsiku ve, samu nsunu mosi ve ke nungusua na mavanga ya nsiku. ¹⁷ Kansi na ntangu beto kena kusosa kunungusua na Klisto, kana beto mosi kukimonaka bantu ya masumu, Klisto zolaka vuanda kisielo ya masumu e? Ve kuandi! ¹⁸ Samu, kana me tungulula mambu yina mu tululaka, mu ke kikitula munu mosi mbuisi ya minsiku, ¹⁹ samu ya kele na nsiku mu fuilaka nq nsiku, samu mu kele moyo samuna Tata Nzambi. ²⁰ Mu komuaka kintuadi na Klisto; mpe kana mu kele moyo, munu ve kena kuzinga, Klisto kena kuzinga kati na munu; kana ntangu yayi mu kele moyo na nsuni, mu kena kuzinga na kutula kiminu na Muana Tata Nzambi, yandi zolaka munu mpe kukiyekulaka samuna munu. ²¹ Mu lenda loza nlemvo ya Tata Nzambi ve; samu kana lunungu ke bakamanaka na nsiku, wana mpamba kuandi Klisto fuilaka.