¹ Paulu, kele ntumua, ya katukaka na bantu ve, na muntu ve, kansi na Yesu Klisto mpe na tata Nzambi, yayi fulukisaka yandi na bafua, ² mpe na ba mpngi kele kintuadi na munu, na dibundu ya Ngalatia: ³ Bika nlemvo mpe luvuvamuvuanda na beno na nkumbu ya Tata Nzambi mpe ya Mfumu na beto Yesu Klisto, ⁴ yayi kipesaka samuna masumu na beto, mpe kukula beto na ntangu yayi ya imbi, mutindu kele luzolo ya Nzambi mpe Tata na beto, ⁵ na yandi nkembo ba mvula na ba mvula! Ameni ⁶ Mu kena kuyituka ti na nsualu beno me balukila muntu yina bokilaka beno na nlemvo ya Klisto, samuna kuluta na Nsangu ya Mbote yankaka. ⁷ Samuna ku vuanda na Nsangu ya Mbote ya nkaka ve, kansi ya kele na bantu kena ku tula mvualanganina mpe ba kena kuzola ku buisa Nsangu ya Mbote. ⁸ Kansi, bika yandi singua, konso muntu ke samuna Nsanu ya Mbote yankaka mpe ke bangika yina beto samunaka beto mosi to mbasi ya dizulu! ⁹ Mutindu beto tubaka yau na ntete, mpe mu kena kutuba diaka yau na ntangu yayi: Kana muntu me longa beno Nsangu ya mbote yina beno kuwaka ve, yandi singua! ¹⁰ Mpe na ntangu yayi, inki mu kena kusosa, mu zolakana na bantu to na Tata Nzambi e? Mu kena kusosa ku sepedisa bantu e? Kana mu lendaka sepedisa bantu, mu ke vuanda kisielo ya Klisto ve. ¹¹ Ba mpangi, mu kena kuzabisa beno ti, Nsangu ya Mbote mu samunaka vuandaka ya bantu ve; ¹² samu mu bakilaka mpe mu longukaka yau na muntu mosi ve, kansi na nzayikusu ya Yesu Klisto. ¹³ Na yau, beno bakusaka inki kikadulu vuandaka na munu na kiyudeyo, inki mutindu mu vuandaka toma zoma mpe kufuasa dibundu ya Tata Nzambi, ¹⁴ mpe na kiyudeyo, mu lutaka bantu mingi ya nkubu na munu mpe ya dikanda na munu, mu lutaka kuvemina kinkulu ya ba tata na munu. ¹⁵ Kansi, lokola ya sepedisa Tata Nzambi, yandi vambulaka munu ku banda kivumu ya mama na munu, mpe yandi bokilaka munu na nlemvo na yandi, ¹⁶ na ku zabikisa munu Muana na yandi, mpe mu samuna Nsangu ya Mbote na ba pakanu, na yau, mu lombaka nduengoso na nsuni to na menga ve, ¹⁷ mpe mu tombukaka na Yelusalemi ve samuna ku mona ba ntumua yayi tekidilaka munu, kansi mu kuendaka na Alabia. bosi mu vutukaka diaka na Damasiko. ¹⁸ Na manima ba mvula tatu, nde mu tombukaka na Yelusalemi samuna ku zabasana na Kefa, mpe mu vuandaka bilumbu kumi na tanu na inzo na yandi. ¹⁹ Kansi mu monaka ata mosi ya ba ntumua yankaka ve, Kaka Yakobi, mpangi ya Mfumu. ²⁰ Tala, na yina mu kena kusonikina beno, mu kele na ntuala ya Tata Nzambi, mu kena ku vuna ve. ²¹ Mu vuandaka kuenda na ba ndambu Silia mpe ya Kilikia. ²² Nzoka, ilungi na munu zabakanaka ve na mabundu ya Yuda ve, kele na Klisto; ²³ Kansi ba kuwaka kaka bantu ku tuba ti: Yandi yayi, vuandaka zoma beto na ba ntangu lutaka, yandi kena kusamuna ntangu yayi kiminu yandi vuandaka sadila kingolo ya kubunga. ²⁴ Kansi ba zitisaka Tata Nzambi samuna diambu na munu.