¹ Zaba ti na bilumbu ya nsuka yake vuanda bilumbu ya mpasi. ² Mpamba ve batu ke kuma miyimi, nzola ya mbongo, mutu yaki mbanzila, mutu ya luyanu, mintiaki, mambeni ya bibuti na bau, mutu ke vutulaka matondo ve, batu ke sambilaka ve, ³ Ku kondua kimutu, ku kondua ku zitisa mi nsiku, mvuezi, ku kondua mpeve ya mbote, mvondi, mbeni ya batu ke salaka mambu ya mbote, ⁴ Mi nyekudi, ba kinzakila, batu ya kukitupidika, batu kezonaka nkembo ya inza kulutisa Tata Nzambi. ⁵ Kemonisaka ku vuanda batu ya kusonga, kasi ke mangaka mambu yina ke pesa ngolo. Tina batu ya mutindu yina. ⁶ Yakele kati na bau bayina ke kotisaka na ba yi nzo, pe bakaka ba nketo yina ikele na mpeve ya kulebakana pe ya suka, kele na mfuna ya ma masumu, ke natukaka na na ba nsatu ya nzutu ya mutindu na matindu. ⁷ Bayina ke longukaka ntangu nionso, kasi bake kokaka ve kuzaba ba mambu ya kedika. ⁸ Mutindu mosi na Zane pe Zambesi Ba teliminaka Mose, mutindu mosi na bantu yina vuandaka ku telimina ba mambu ya kedika. Bake batu yina mabanza na bau kele yaku kua, pe bi minu na bau kele yaku fua. ⁹ Kasi bake kuendaka ntama ve, samuna buzoba na bau yake monana na meso ya batu nionso, na mutindu yina monini naka na batu yayi zole. ¹⁰ Kasi nge, ngeyo me zaba mbote malongi ya munu, kifu ya munu, mabanza na munu, kiminu ya munu, mutindu ya kanga ntima na munu, nzola ya munu, pe ki siama ya munu, ¹¹ Nkuamusu pe mpasi na munu. Nge me zaba mambu nionso yina kuminaka munu na Antiokia, na Iconi, na Listeya ? nkuamusu ya mutindu ya inki mu lendaka ve ku koka ? Pe Mfumu vukisaka munu na nionso.

¹² Samuna, mutu nionso yina me zola ku vuanda na luzingu yina ke kundima Tata Nzambi kati na Yesu Klisto, monaka mpasi mingi. ¹³ Kasi mutu ya yimbi pe batu yina ke tubaka luvunu bake tatamana kaka ku kota na ba mambu ya yimbi, ku zimbisaka batu ya nkaka pe ku zimbana bau mosi. ¹⁴ Kasi ngeyo, simbidila kaka ba mambu yina ke longu kaka, pe yina kele yaku zamana ya kedika, naku zaba na nani nge longukilaka yau. ¹⁵ Kubanda ki muana na nge, nge zaba mikanda ya nlongo, yina lenda pesaka nge nduenga na mpulusu na kiminu na Yesu Klisto. ¹⁶ Masonukwa nionso bakamaka na Tata Nzambi, kele ndandu samuna ku longisa, ku nungisa, ku kolusa, na lunungu. ¹⁷ Samu, mutu ya Tata Nzambi vuanda yaku fuana pe samuna na kusala mambu nionso ya mbote.