¹ Bosi nge muana na munu, baka ngolo kena na nge kati na nlemvo yina kele na Yesu Klisto. ² Pe mambu yina nge kuwaka na munu na ntuala ya ba mpangi mingi, pesa yau na batu ngeke tutudila ntima, bayina ya kufuana na longila na mantu ya nkaka. ³ Nge ke mona mpasi kintuadi na munu, neti mpilusi ya mbote ya Yesu Klisto. ⁴ Mpolusi mosi ve kena ke kangamaka na bima na mambu ya luzingu, samu yandi sepidisa mfumu na yandi. ⁵ Mutindu mosi, mutu ya ba tsaka lenda baka impu ya lulendo ve sikana yandi zawula nsualu ve namutindu kena ku lombila. minsiku ⁶ Samuna yina me kuna na bilanga yandi ke yangalala na nbutu yau yina yandi ke sala tete kisalu ya ngolo. ⁷ Toma visa mambu yina mukena ku tuba, samuna Tata Nzambi ke pesa nge ngolo nge zaba ba mambu nionso. ⁸ Bambuka moyo ti Yesu Klisto, biminaka na dikanda ya Davidi, yandi vutumukaka na kati ya batu ya kufua, mutindu nsangu ya mbote longaka, ⁹ na yawu mukena ku mona mpasi ti na kukangama na ba singa neti mutu ke kuvuaka batu. Kasi Nsangu ya mbote ya Tata Nzambi ya kele yaku kangama ve na ba singa. ¹⁰ Yau yina mukena ku kanga ntima na mambu nionso samu na batu yina ponamaka, samu bawu diaka ba baka mpulusu yikele na kele na Klisto Yesu, kintuadi na kiese ya mvula na mvula. ¹¹ Samuna na mambu yayi ikele ya kedika «sikana beto me kufua kintuadi na yandi beto ke vuanda pe na luzingu na yandi. ¹² Sikana beto me tatamana, beto ke vuanda pe kintuadi na Yandi. Kasi beto me beto me manga yandi, yandi pe yandi ke manga beto. ¹³ Sikana beto kele yaku kuikama ve, yandi ke vuandakaka ya kuikama, samu yandi lenda kukimanga yandi mos ive» ¹⁴ Bambula bau ntima na ba mambu yayi, na ntuala ya Tata Nzambi ba bika ku tula ba mpaka na yina me tala ba mpova, na yau ya kele na nsendo ata mosi ve, kasi yake nataka kivonza na bayina ke nataka yau. ¹⁵ Nuana na kusala ngolo nge ke lenda sala samuna nge kukimonikisa na ntuala ya Tata Nzambi, samuna mutu yina ba me ntota neti ntumua yina ke monakansoni ve na kisalu na yandi pe yina kena ku longa mambu ya kedika nionso. ¹⁶ Beno bika ba mambu ya mpamba pe ya nsoni, pe yina ke vuezaka ba mambu ya Tata Nzambi, samuna batu yina bame kukipesa, mambu yina ke nataka bau na nzila manga ku tumama na ba mambu ya tata Nzambi. ¹⁷ Malongi na bau ke kudiaka nzutu neti mputa yina kena mafina, kati na bau kele Imene na Filete. ¹⁸ Bau bame bikaka nzila ya mambu ya kedika, bake tubaka ti luvutumuku me kuizaka, pe bake buizaka kiminu ya batu ya nkaka. ¹⁹ Yau yina lufulu ya ngolo yina Tata Nzambi tuluka yau kena kutelimisa ngui ; na mpova yina me sonama na zulu na yau « Mfumu me zaba batu na yandi», pe «mutu nionso yina kele na ku kuikila nkumbu ya Mfumu ya wina ba bikaka yimbi.» ²⁰ Na kati ya inzo ya nnene beto vuanda kaka na nzungu ya wola na palata ve, kasi beto ke vuandaka ba nzungu yina bame sala na ba yi nti pe na ntoto yin aya ntete bake lundaka yau samuna ba nkinzi, pe ya nkaka bake sadilaka yawu ntangu nionso. ²¹ Sikana mutu me kukilunda yaku vedila na mambu yina me katuka kutuba yandi ke vuanda mvungu kina bake banda ku sadilaka na nkinzi, yina me kuma yaku vedila, yina Mfumu ke banda ku sadila, pe yina ke vuanda ku bongama samu na kudila misalu nionso ya mbote. ²² Tina ba nsatu ya yimbi ya kintuenia, pe sosa ba nsatu ya nnene ya kiedika, kuikama, nzola pe kimpombo, kintuadi na bayina Mfumu bokilaka na ntima ya kuvedila. ²³ Manga ba mpaka yabuzoba pe ya mpamba mpamba, samu yake nataka minzonzi. ²⁴ Pe, ya kele mbote kisadi ya Mfumu yandi vuanda mutu ke nuakana na batu. Kasi yandi vuanda mutu ya bumpombo na batu nionso, na mutu yina kele na kitezo samuna malongi pe na kanga ntima. ²⁵ Yandi fuana sungika na nlembami nionso, ba mbeni na kivuvu yina Tata Nzambi ke kuiza pesa bau na ku vilula ma diela samuna na ku zaba mambu ya kedika. ²⁶ Na yau bake vutukila ba ngindu na bau ya mbote, pe bakukikatusa na mintambu ya satana yina ke kangaka bau samu bake salaka luve na yandi.