¹ Munu Polo ntumua ya Yesu Klisto, na luve ya Tata Nzambi, samuna ku tembikisa nsilulu ya luzingu ikele na Yesu Klisto, ² na Timote muana na munu ya zolua bika nlemvo na lusakumunu pe luvuvamu vuanda na nge na nkumbu ya Tata Nzambi pe na Yesu Klisto ke Mvulusi. ³ Mukena ku vutusa matondo na Tata Nzambi, yina muke sadilaka na ntima yaku vedila, na yau bankaka ya munu vuandaka sadila na mpipa pe na muini. Muke banza k enge na ntangu nionso kaka na lusambulu na munu. ⁴ Mukebanza ku dila na nge mukena nsatu yaku mona nge, samuna mu fuluka na kiese. ⁵ Mubanzaka lu kuikulu ya kedika ikele na nge lukuikilu nkaka ya nge ya nketo Powise pe mama na nge Enise ba vuandaka na bau pe lukuikilu na vuandaka na bau, pe muke ndima ti nge ikele na lukuikilu. ⁶ Yau yina mu ikele na ku siamisa nge, nge lumusa diaka nkayilu yina Tata Nzambi pesaka nge ntangu mu tulaka nge maboko. ⁷ Samuna, mpeve yina Tata Nzambi pesaka beto yakumisaka beto batu ya wonga ve, kasi mpeve yina ke vulukisaka beto na na lulendo, na nzola, pe na kuzaba ku kikenga. ⁸ Yau yina ku vuanda na wonga ve, ya kimbangi ya mfumu na beto, na munu, mutu na yandi ya boloko. Kasi ku mona mpasi kintuadi na munu na malongi ya mbote na mtundu Tata Nzambi kena pesa nge ngolo samuna yau. ⁹ Yandi niakisaka beto pe bokila samu beto vuanda na luzingu yaku kiyala, yau ve samuna kisalu yina beto salaka, kasi samuna ntangu pe na nlemvo na yandi. Nlemvo ke pesaka beto na Klisto Yesu na ntuala ya ntete na ntangu. ¹⁰ Kasi ya kumonisaka na nzila yaku kuiza ya Mvulusi na beto Klisto Yesu. Yina kufuaka lufua pe yandi vengulaka moyo na nzila ya nsangu ya mbote lufua ke vuanda diaka ve. ¹¹ Yau yina samuna kulongila malongi ya mbote ya Tata Nzambi me tula munu kisadi, ntomua pe nlongi. ¹² Bosi samuna yau mukena monina mpasi na mambu yayi. Kasi mukena nsoni na yau ve; samu me zaba na nani mu kuikilaka. Pe mukena ku ndima ti yandi kelenda na lulendo ya kulunda kiminu na munu tii na kilumbu yina. ¹³ Na mambu yin ange kuwaka na munu na nzola kena Klisto Yesu. ¹⁴ Lunda ba mambu ya mbote yina mu pesaka nge lunda yau na lusadusu ya mpeve ya nlongo yina ke vuandaka na kati na beto. ¹⁵ Nge me zaba yau ti bayina nionso ikele na yi nsi ya Aziya kasi bame tina munu. Na kintuadi na bau beto kele Fizele pe Enozele. ¹⁶ Bika Mfumu dukudila nkenda na yandi na inzo ya Onesifole; samu yandi ke bombidila munu ntangu nionso, pe yandi mona nsoni na ba mpanga na munu. ¹⁷ Na mutindu ya nkaka na ntangu yandi kuizaka na Loma, yandi sosaka munu na tsatu na nionso, pe yandi monaka munu. ¹⁸ Bika Mfumu ndima kupesa yandi nkenda na natadisi ya Mfumu na kilumbu yina; nge toma zaba mambu nini ya mbote yandi sadisaka munu na Efeso.