¹ Ngizulu yayi ya tatu mu kena kuiza, na beno. Beto ke bongisa mambu nionso na ntuala ba mbangi tatu. ² Ntangu mu vuandaka kuna mbala ya zole, mu tubaka, mpe bubu yayi mu kele na beno ve mu kena kutuba na diaka na ba yina tuamaka kusumuka mpe na ba yankaka ti, kana me vutukila beno, mu ke sala ata kima mosi ve. ³ samu beno kena kusosa kidimbu ti Klisto tuba kati na munu, yandi kele ya kulebakana ve na ntadisi na beno, kansi yandi kele na kilendo kati na beno. ⁴ Samu yandi komuaka na dikulunsi na kulebakana na yandi, kansi yandi kele moyo na kilendo ya Tata Nzambi, beto mpe, beto kele ya kulebakana na yandi, mpe beto kele moyo kintuadi na yandi na kilendo ya Tata Nzambi samuna beno. ⁵ Beno kitonta beno mosi, samuna kuzaba ti beno kele na kiminu; beno kifiongunina beno mosi. Beno kena kuzaba ve ti Klisto kele na beno? kana ve, beno tontua diaka samuna kuzaba kedika. ⁶ Kansi me tula kivuvu ti beno me zaba ti beto tontuaka ve. ⁷ Na yau, beto kena kusambila Tata Nzambi ti beno sala imbi ve, samuna kumonana ya kufuana beto mosi ve, kansi samu beno sala yina kele ya bote mpe beto vuanda bonso bantu ya kutontua. ⁸ Samu beto kele na kilendo ya ku kakidila kedika ve; kansi beto ke sadilaka kedika. ⁹ Beto ke yangalalaka ntangu bekele ya kulebakana, kensi beno kele ngolo; mpe yina beto kena ku lomba na tusambulu na beno, kele ku sungama na beno. ¹⁰ Yau yina, lokola me tatukila beno, me sonikina beno mambu yina samu mu vuanda kibakala ve mutindu kele kilendo mu bakaka na Mfumu samuna kutunga kansi kutulula ve. ¹¹ Ba mpangi, yankaka ya kutuba, beno yangalala, beno sungama, beno bombua, beno vuanda diela mosi, beno zinga na yenge, mpe Tata kele Nzambi ya zola ke vuanda na beno. ¹² Beno pesana mbote ya mfibulu ya nlongo beno na beno. ¹³ Ba nlongo nionso me pesa beno mbote. ¹⁴ Bika nlemvo ya Mfumu Yesu Klisto, zola ya Tata Nzambi, mpe kintuadi na Mpeve ya Nlongo vuanda na beno nionso!