Kapu 24

1 Lumbu kia ntete kia lumingu, ayenda ku ndiamu muna nsiuka, anata maza momo ma akubika. 2 Ayenda wana vo tadi diatulua vana muelo andiamu dia nengumuka. 3 Ye va akota, ka amona nitu a Mfumu Yisu ko. 4 Diayiza luaka vo alembakana mu zaya ma afuiti vanga mu diambu dia mambu momo ye nakibiu, mbasi zole zaku avayikila va lueka mu minlele mia lezima beni. 5 Wakina vo akento abakama wonga, ayinama luse va ntoto, kansi aku akamba: Mu nkiama luna tombela wuna moyo mu afua e? 6 Kena vava ko, kansi yandi fulukidi. Nubambuka moyo mu mpila yika kunu vovisila, va kateka kala yeno ku Ngalili, 7 va kakala kambanga: " Muana muntu kafuiti yekulua va moko ma asumuki, kakomua vana kulunsi, ye ka fuluka mu lumbu kiokio kiantatu." 8 Akento abambuka moyo mu mambu momo ye asla katuka kuna ndiamu. 9 Azayikisa mambu momo mamonsono kua minlongoki kumi ye mosi ye kua awonsono ankaka. 10 wowo akamba mambu momo kua zintumua i Malia muisi Mangadala, Zani, Malia ngudi a Yakobi ye ankaka akala yawu. 11 Kansi nsamu wowo wakala kua zintumua nkievo wa wuzengi, ye ka akuikila mu akento ko. 12 Kansi, Petel watelama, ye wazawula kuna ndiamu, va kayinama ye tala, wamona ya beni minlele mia lino. Petelo wayenda ku nzo andi, waki dia yuvu mu zaya nki mambu mabuidi. 13 Ye mboki tala, muna lumbu kiakina kaka, nzole va kati kuawu ayenda vata diayikua Emawusi, dialambuka ye mbanza Yelusalemi fisidi makuma sambanu ma zikilometa. 14 Ayele mokaningi yawu ye yawu mu ma monsono mameni vioka. 15 Diayiza kala vo va akala bindanga mpaka ye kuyiyuvula, Yisu yani beni waku afinamana ye wadiata yawu nzila mosi. 16 Kansi meso mawu makakudukusua mu kunzayidila. 17 Yisu waku azayisa: "Nkie mambu kuandi lueti kuale vivala yeno awole wuwu nueti kuele diati e? Atelama mu kiadi kiakio, 18 Wumosi mu yawu, wayikua Kelewopasi, wamvutudila: "I ngeye kuani kaka, wukundanga ku mbanza Yelusalemi lembolo zaya mameni vioka lumbu yayi e? 19 "Nkia mambu" Yisu waku ayuvula. Ye amvutudila: "Mambu matadidi Yisu muisi Nazaleti, wakala mbikudi wangolo mu mavanga ye mu mpeve va ntadisi a Nzambi ye va ntadisi a nkangu wawonsono. 20 Ye tala konso akuluntu a zingaga ye mintuadisi mieto anyekole mu kunvondisa ye ankomene va kulunsi. 21 Tuakala ye vuvu vo i yandi wuna kuiza mu kula Isaeli. Inga, ye va lueka lua mama mamonsono, i wunu kiaki lumbu kia ntatu tuka mambu momo mamonsono mameni vioka. 22 Mboki mpe vena ye anketo amosi va kati kueto, atomene kutu yitukusua, ayele nsiuka nsiuka ku ndiamu. 23 Va alembolo kuele wana nitu ani, ezidi mu zayisa vo zimbasi zaku avayikidi ye ziku akembi nsangu vo wena moyo. 24 Ankaka akezi yeto ayele ku ndiamu, ye ayele wana mambu konso wu azayisulua mo kua anketo kansi tu yani, ka asidi kun'mona ko." 25 Mboki Yisu waku akamba: "Oh mayakala makondua diala, ye mboki mintima miena ye fuki mu kuikila mamonsono mavova mimbikudi! 26 Nga kadia kal'ani mfumu ko vo Klisto kamona mpasi u momo mambu e? ye kakota mu nkembo andi e? 27 Ye, watona tuka kua Mose nate ye kua mimbikudi miamio nsono, waku a bangudila mu masonukua mamonsono, momo mantadidi. 28 Va aluaka lukufi ye vata diodio di akala kuendanga, yani wasa konso vo weti kuenda kua kula. 29 Kansi antatimisa, mukunhkamba: Tatamana mu kala yeto kadi nkokila yeka lukufi ye kuma se ku fua." Ye wakota mu kala yawu. 30 Diayiza monika vo, va kakala va meza ye yawu, wabonga dimpa ye va kamana vutula matondo, wabukuna dio ye waku avana. 31 Mboki meso mawu maziuka ye ambakusa, kansi wazimbala va ntadisi awu. 32 Ye awonsono yawu ye yawu: "Ntima mieto mieti ka miakezi tiya tiya mu kati kueto va kakezi kutu vovila mu nzila ye kutu bangudila masonukua kue e? 33 Va avumbuka muna ntangu yayina kaka, avutukisa kuna mbanza Yelusalem, ye awanana ye minlongoki kumi ye mosi ye awonsono akala akutakana ye yawu. 34 Avova: Mfumu wena mu kedika wafuluka ye wamonekene kua Simoni." 35 Ye akamba momo maku aluakila mu nzila, ye konso Yisu kaku yisunzudila mu ntangu yi kamana bukina dimpa. 36 Va akala vovilanga mambu momo, Yisu yandi beni wakuki monikisa va kati kuawu, ye waku akamba: "Yenge kiakala ye yeno." 37 Kansi wau kina vo azakama ye azola kua wonga, abanzila vo amona mpeve yimosi. 38 Yisu waku akamba: Mu nkiama nueti vuzukila ntima, ye mu nkiamamu yiuvu yeti nangumuka mu ntima mueno e? 39 Nutala moko mami ye malu mami; mbe i mono. Nukunsimba ye nutala. Mpeve kayina ye nsuni evo yivisi ko, konso wu nueti kumbuena ngienina ye yo." 40 Ye wau keti mo vova, waku asonga moko mani ye, 41 Wana ka atomenieti kuikila ko ye kiese ye yitukua, Yisu waku akamba: 42 "Nulenda kala vava ye kina kiandia e? Anvana mbizi ya maza yayamgua. 43 Yisu wabaka yo, ye wadia va ntadisi awu. 44 Waku akamba: "I wawuna wowo yakunu kamba, va yakala yeno yakunu kamba vo nga mafuiti lungana mamonsono ma sonukua mu diambu diame mu minsiku mia Mose, mu mimbikudi, ye mu minkunga." 45 Mboki waku aziula mpeve, kidivo abakusa masonukua. 46 Waku akamba: "I diau masonukua vo Klisto wuna mona mpasi, ye wuna fuluka mu fua muna lumbu kiantatu." 47 Ye mboki mpilulu a ntima ye ngiambudulu a masumu yena samunua mu nkumbu ani muna makanda mamonsono, yantikila tuka muna Yelusalemi. 48 Yeno nu zimbangi za mambu momo. 49 Ye tala, ngina kunu fidisa va ntandu eno momo s'ami kasila kansi yeno, nukala muna mbanza nate ye muna vuikua lulendo lua mu mazulu." 50 Mboki Yisu waku anata nate ye muna mbanz'a Betania. 51 Va kamana zangula moko, waku asakumuna. iayiza luaka vo va kakala ku asakumunanga, waku asisa ye wa zangulua ku zulu. 52 Mboki va amana kunsambidila, avutua ku Yelusalemi ye kiese kiayingi. 53 Atatamana mu kala mu nzo ya linlongo, mu zitisa ye sakumuna Nzambi.