¹ Vana angumuka yawu dia wonsono, ye anata Yisu va ntadisi a Pilatu. ² Atona mu kufunda, avova: ''tueti wanikisa muntu ndiawu ³ Pilatu wanyuvula, konso ewu: ''ngeye i ntinu a ayudayo e?'' Yisu wamvutudila; "Ngeye vovele dio." ⁴ Pilalu wakamba kua angudi zanganga ye kuangu: "Kimueni'ami diambu dia nkanu mu muntu wawu ko.'' ⁵ Kansi yawu ankuaminina, ye avova mu ngolo: "Yani weti nangumuna mu ma kti longila mu yudayo diadionsono, tuka kuna mbanza a ngalili, kua kukayantikidi, nete ye kuaku." ⁶ Pilatu va kawa wo, wayuvila keti vo muntu wowo i muisi Ngalili. ⁷ Va kawa wowo vo yani wakala muisi nsi yayalua kua Elodi, yani waku a vutula kua Elodi, yani wakala mpe kuna mbanza Yelusalemi muna lumbu yayina, ⁸ Elode va kamona Yisu, watoma yangalala beni, kadi tuka ntama, wakala nsatu mu kunmona, mu diambu dia makakala kumwilanga, ye wakala ye vuu vo ka kunmona kawanga mangitukulu. ⁹ Wanyuvula yuvu yayingi kansi Yisu kamvutudila kani mvutu nkutu ko. ¹⁰ Zingudi zanganga ya minsoniki akala vana, ye anfunda mu ngolo zazo. ¹¹ Elodia ye inwani yani, anfinga ye kunima va aana kin'sakanena ye kimvuka mvuatu walezima wantoko, wamvutula kua Pilatu. ¹² Tuka mu lumbu kina, elode ye Pilatu akituka akundi kadi vo ntete yawu akala zimbeni. ¹³ Pilatu va kamona kutikisa mintuadisi, mazuzi, ye nkangu, ¹⁴ Ye waku akamba: "Nundatina muntu wawo kamba vo i yani weti natumuna nkangu mu fuema. Ye tala, mono inyuvudi va ntadisi eno, ye kemuen'ami kuma widi mu diambu dimosi nkutu ko di nueti kumfundila. ¹⁵ Elode mpe kumosi ka mueni kani konso diambu mu ma nueti kumfundasila mwan'tumba mu vondua. ¹⁶ I diawu ngina kunvana tumbu mboki i kun;yambudi." (ye ¹⁷ Pilatu nga ka fuiti yambula nkole yimosi kua ayudada mu kunma kia nkembo. ¹⁸ Kansi yawu diawonsono aboka vamosi: "Utukatudila muntu wawu va meso meto, ye ntu yambudila Balaba." ¹⁹ Balaba yani wakala muntu watulua mu boloko mu diambu dia katoma nkndu yabua mu kati kia mbanza yanangumu kina kimfumu kia mbanza, ye mu diambu dia vonda antu. ²⁰ Pilatu waku akamba diaka mu makani mazola yambula Yisu. ²¹ Ye yawu aboka: "Nun'koma, Nun'koma!" ²² Waku akamba mu nkumbu yantatu: "Nkia mbi kavengi? Kimbueni konso diambu mu yandi di kafueti vondulua ko ngina kunyambula kuani kunima vo meni va vewa tumbu." ²³ Kansi atatamana mu boka mu ndinga yangolo mu lomba vo kakomua. Mboka zawu zaku anungisa kadi zaluta mu ngolo. ²⁴ Pilatu wakala lukanu muku avangila konso wena luzolo kuawu bika lua vangama. ²⁵ Yani wanyambula ndiena watumbua mu boloko mu diambu dia nkindu ye vonda, wa alomba. Ye wayekula Yisu mu luzolo luawu. ²⁶ Va akala kun'atanga, abuila mu umosi wayikua Simoni muisi Kileni, watuka ku via ye antuika kulunsi kidi vo kanata dio ku nima mu landa Yisu. ²⁷ Walandua kua kabu diayingi dia antu ye dia anketo amona kiadi ye ayawula mu diambu dia Yisu. ²⁸ Yisu wabangumuka kua kala yawu, wavova: "Ndumba za kisis mbanza ya Yelusalemi kanu ndidilani ko kansi nu kidila yeno mosi ye mu diambu dia ana eno. ²⁹ Kadi tala, yilumbu yina kuiza kambulua vo: Mayangi mena kua yisita ye kua wowo alembolo iwutila ye kua wowo alembolo kiyemikina. ³⁰ Ye vana ana tona mu lamba kua miongo: "Nukutu buila, ye kua yimiongo: "Nukutu fuka'' ³¹ kadi vo ma pila yayi meti vangua kua nti wankunzu wana waweyi mena kadila vo weka wa yuma e? ³² Antu ankaka, yimpumbulu yole yanatua mu vondua. ³³ Va aluaka va vuma kia yikua "kolonzonzo kia ntu." ankomina vana, va mosi ye yimpumbulu yoyo yiyole, wumosi ku lubakala kuandi ye wankaka ku lumonso. ³⁴ Yisu wavova: "Tata waku ayambudila, kadi ka aziawu ma eti vanga ko." Akayasana mvuatu miandi mu ta wadi. ³⁵ Nkangu wakala watelema vava, ye watelanga vavana minkongodi miansakanana avova: "Yani wa vuluzingi ankaka. Vo i yani kusua kia Nzambi, wasalua kua Nzambi, kaki vuluza yani mosi." ³⁶ Masoda mpe ansakanena, anfinamana ye kun'vana vinu dia nsa. ³⁷ Anzayisa: "Vo ngeye i ntinu a ayuda, wayi vuluza ngeye mosi." ³⁸ Mboki, va mpatea ntu a kuluzu va sanikua i sono eyi vo: "Ndiayu i Ntinu wa Ayudayo." ³⁹ Wumosi mu yimpumbulu yakomua wam'finga, wavova, "Ka ngeye ko i Klisto, ukivuluza ye wutu vuluza mpe." ⁴⁰ Kansi wankaka wansima ye wavova: "Kuetiaku muena Nzambi wonga kue e? Ngeye weti tumbua wumosi ye Yandi? ⁴¹ Mu diambu dia yeto, tumbu kiena kia kedika, kadi wuna tueti tumbulua i wuna wufueni mu ma tuavengi, kansi ndiayu kavengi widi diambu diambbi nkutu ko. ⁴² Ye wankamba kua Yisu: ''Wumbambukila mmoyo, va una kuiza mu kimfumu kiaku." ⁴³ Yisu wamvutudila: "Ngieti dio kukamba mu kedika wunu kiaki, si wakala yame muna paladiso." ⁴⁴ Kuayiza kala fisidi mu lokula kia nsambanu, zimbukulu tombe kia nsisi kiayiza bua va ntoto wawonsono, nate ye mu wola wa vua, ⁴⁵ Ntangu yakituka tombe, ye nlele wafuka muelo wa suku dia kinlongo watiazuka va kati. ⁴⁶ Yisu waboka mu ndinga ya ngolo: "Tata mpeni mpeve ami va moko maku." Kunima va kamana va vova mambu momo wafua. ⁴⁷ Nkuluntu a kabu dia masoda, va kamona momo ma mana vioka wazitisa Nzambi, ye wankamba: "Mu kedika muntu ndiayu kezi walunungu." ⁴⁸ Ye awonsono akala vana va amona va mona momo mamana avutukisa ye kuele banda ntulu. ⁴⁹ Awonsono akala atoma zayakana kua Yisu ye akento ayele yendingi yandi tuka muna manza Ngalili, atelama va vola ye atadila mambu momo. ⁵⁰ Tala, vakala muntu mosi wayikua Yosefi wavuwa mu kimvuka kia akuluntu, muntu wambote ye walungua, ⁵¹ Yani kayangalala momo mazenga ye mavanga aniandi ko. Wakala muisi Alimatayi, mbanza ya Ayudayo, ye yani wavingila mpe ngizulu a kimfumu kia Nzambi. ⁵² Muntu ndiayu wayenda kua Pilatu, ye walomba nitu ya Yisu. ⁵³ Wa kulumuna yo wazinga yo minlele mia lino, ye wayenda yo yula muna ndiamu yimosi ya zokua mu ditadi, muna muena vo ka muateka tuala mvumbiko. ⁵⁴ Kiakala lumbu kia mkubamanu, ye wana lumbu kia lumingu se kitona. ⁵⁵ Akento wowo atuka ku mbanza Ngalili ye Yisu alanda Yosefi, amona ndiamu ye wuma wu atudila nitu ya Yisu. ⁵⁶ Ye va amana va vutukisa, akubika maza ye mafuta ma nsung. Mboki avunda mu lumbu kia lumingu konso wenina minsiku.