¹ Pawulu, Siliva ye Timotio kwa dibundu dia Tesalonika ku dibundu dia Tesalonika mu Nzambi Se ye Mfumu Yisu Klisto. Bika nlemvo ye luvuvamu biakala mu yeno. ^{2 3} Tutondanga ntangu ka ntangwa Nzambi mu diambu dia yeno awo, mu tusambulu tueto va tukunu sambidilanga. Ka tulembwanga kunu bambukila moyo ko va ntadisi a Nzambi S'eto, salu kieno kia minu, zola kueno kwa ngolo ye mu vuvu kia mvibudulu mu Mfumu Yisu Klisto mu meti kwiza kun'tuala. ⁴ Mpangi za zolua kwa Nzambi, tuzeyi vo wanu sola, ⁵ kadi nsangu zeto za mbote zi lueki kwa yeno, ka mu mpova kaka ko kansi mu lendo, mu Mpeve a Nlongo ye mu vuvu kia toma sikila. I mpila mosi nu zeyi nkia mpila antu tuakezi va kati kueno mu ndandu ya yeno kibeni. ⁶ Nua kitukidi mi ntanginini mieto ye mia Mfumu, mu mpova yi nua tambula mu kiese kia tuka kwa Mpeve a Nlongo mpeleko nkwamusu za saka tezo ⁷ iwowo, nuayikidi kifuani kua isi Makedonia awo ye isi Akayi wowo akwikila. ⁸ Kadi mu yeno, Mpova ya Mfumu ya wakana, ye ka mu Makedonia evo mu Akayi kaka ko. Kansi tu, mu fulu yayo yoyo ya muanganana minu kieno mu Nzambi. Mu diodio katuena nsatu a vovila momo ko. ⁹ Kadi yawu kibeni akamba, wonso tuakotila va kati kueno. Akamba wonso nua bangumukina kwa Nzambi yi sisa iteki mu sadila Nzambi amoyo ye ya kedika. ¹⁰ Eti songa vo nueti vingila mu mazulu Muan'ani, wuka fulukisa mu nsi a bafua. I Yisu, wukutu kulanga mu nganzi zena kuiza.