¹ Kadi nu zeyi yeno kibeni, zimpangi vo ngiz'eto kwa yeno kaya kezi ya nkatu ko. ² Nu zeyi vo tua teka mona mpasi ye mweswa nsoni ku Filipi. Tua tambula nsiamusu kwa Nzambi'eto, mukunu samunina nsamu ambote wa Nzambi vakati kwa ntantani zayingi. ³ Kadi nsiamusu eto kaya kezi tukanga mu nkombo ko, ka mu mbivusu ko, mu makutu ko. ⁴ Kansi tu, imu mpila yayo tua nungusunua kwa Nzambi mukutu yekudila nsamu a mbote, idina tueti vovila. Tueti vova ka muyangika antu ko kansi i mu yangidika Nzambi. Iyani wufimpanga mintima mieto. ⁵ Kadi katua vovila widi ntangwa mosi mambu ma ndengo ko, wonso nu zeyi, ka mu suamina ku nima nzinunu ko, Nzambi i mbangi mu momo, ⁶ ka mu tomba nzitusu kwa antu ko, kakwa yeno evo kwa ankaka ko. Ngala tuakutua lenda yandala ndandu yi ifueni kwa zintumwa za Klisto. ⁷ Kansi tuvele, yeto tua kala mpe ki mpombo va kati kueno wonso ngudi yeti bomba ana ani kibeni. ⁸ I wowo tua kala nzol'antima mu yeno. Tua kala mayangi mu kayasana, ka nsamu wa mbote wa Nzambi kaka ko, kansi mpe mated i zingu kieto, kadi nuayika kwa yeto antu antalu. ⁹ Kadi nueti bambuka moyo, zimpangi, mu salu kieto ye nzungu zeto. Tua sedingi fuku ye mwini, mu lembwa kala yekwa kakwa wumosi mu yeno ko. Mu ntangwa yoyo, tua kezi kunu longanga nsamu ambote wa Nzambi. ¹⁰ Nu zimbangi nuena, ye Nzambi mpe, wonso twa kezi zingilanga nkadulu yan'longo, ya sungama, ye ya kondwa nsembolo va ntadisi eno nukwikilanga. ¹¹ Impila mosi nu zeyi wonso nawe tua nusiamisa ye tua nu vana ngolo kua mosi mosi mu yeno wonso se ye ana ani. ¹² Tua nu songa mu diatila mu mpila ya fuanakana ye Nzambi, wa nu bokila mu kintinu kiani beni ye mu nkembo ani. ¹³ Mu diodio, tu vutulanga matondo kwa Nzambi ntangwa ka ntangwa, vo va nua tambula nsamu a Nzambi kwa yeto wowo wu nwa wa, wowo wu nua tambula ka wonso mpova ya muntu ko. Kansi tuvele, nua tambudila wo wonso wu wenina nadede, mpova ya Nzambi. Impova yoyo yeti sala va kati kua yeno nu kwikilanga. ¹⁴ Kadi yeno, zimpangi, nuakituka mintanginini mia mabundu ma Nzambi mena mu Yuda mu Klisto Yisu, kadi nua lungwa kwama kwa zimpangi zeno beni, kwama kwa mpila yoyo amweswa kwa Ayudayo. ¹⁵ I Ayudayo avonda Mfumu Yisu ye mimbikudi. I Ayudayo a tuzoma. Ka ayangidikanga Nzambi ko. Kansi tuvele, avanganga mambi kwa antu awonsono. ¹⁶ Eti kutu kakidila mu longila kwa akondolo Ayudayo kidi a vuluzwa. I wowo akudikilanga ntangwa ka ntangwa zitu mu masumu mawu. Nganzi zifweti kaka ku abuila ku nsuka. ¹⁷ Zimpangi, tua vambana tua kezi mu fintangu mu ki muntu kansi ka mu ntima ko. Tua kezi ngunda za ngolo beni mu kunu mona. ¹⁸ Kadi, tuabanzila mu kwiza kwa yeno nkumbu za yingi, mono Pawulu, kansi Satana wankakidila. ¹⁹ Kadi nkia mpila vuvu kia kun'tuala, evo kiese kieto, evo kolowa kieto kia luyanu va ntadisi a Mfumu eto Yisu va kana kwiza? Keti ka yeno, mpila mosi mpe ye ankaka? ²⁰ Kadi nuena nkembo eto ye kiese kieto