¹ Idiawu, bika tua tadulwa ndevo yisadi ya Klisto, ye mimuangisi mia mansueki ma Nzambi. ² Vazimunina, dieti lombwa kwa mimuangisi, mukala wa kuikakama. ³ Mu mono, diadike beni mu funduswa kwa yeno, evo ku mbazi ankanu ya kimuntu. Ka kuyifundisanga mono kibeni ko, kadi kieti kuyi mona nkombo ko; ⁴ kansi kayi mu diodio ko ngina nungusunwa. Wu ku mfundisanga i Mfumu. ⁵ Se mu diodio kanu fundisi widi lekwa ko ntangwa vo kaya fueni ko, tekila ngizulu a Mfumu, yani wuna tula kia mu ma suekwa kwa tombe, ye wuna monikisa makani ma mintima. Idiawu Muntu wuna tambula wani nzitusu kena vewa kwa Nzambi. ⁶ Zimpangi, i mudiambu dieno ngieti vanga momo mu kifwani kiame ye kia Apolo, kidi nwa longuka mu yeto ye lembwa viokakana mu ma masonukwa, ye ka muntu nkutu lenda kuyi tumpidika kwa niani ko. ⁷ Kadi nki kieti ku suasisa? Nki kiena yaku ki wa lembwa tambula? Ye, vo ngeye wa tambula kio, bila nki weti kuyi yana vo nkievo kwa tambula lekwa ko? ⁸ Yeno nwa yiyukutila kweno, yeno nwa kuyi vwamina kweno, nwa tona kweno kuyi dumina kondwa kwa yeto. Ye mpe nulenda kueno duma, kidi vo yeto mpe tua duma ntuadi ye yeno! ⁹ Kadi mbenzi vo Nzambi watutula zintumwa, nkievo kaka antu ansuka mu zengulua nkanu wa lufwa kadi tua siwa kimpa kian'tala mu nza, kua zimbasi ye kwa antu. ¹⁰ Yeto tu yilawu mu diambu dia Klisto; kansi yeno, nuena nduka mu Klisto; tuena lebakana kansi yeno nuena ngolo. Nueti zituswa, ye yeto tueti belwa! ¹¹ Nateye mu lokula kiaki, tueti kwamuswa kwa nsatu, kua mpuila, kondwa kwa yinkuti; Tueti bibwa, tukondolo fulu kiasikididi. ¹² Tueti lebukuswa mu sala mu moko meto beni, tueti fingwa, yeto tueti sakuna; tueti zomwa, yeto tueti vibila; ¹³ tueti tikwa, tueti vova mu wote. Yeto twa yika wonso lekwa ya mpamba ya nza, yi kondolo mfunu va kati awo, nate ye wawu. ¹⁴ Vo yikunusonekene mambu mama, kamukunuvonda nsoni ko, kansi mu kunuluengisa nkievo ana ayitoma zolanga. ¹⁵ Vo mpe nulenda kala minlongi mafunda kumi mu Klisto, kanuena ye mase mamingi ko, kansi i moyo se dieno mu Klisto Yisu mu nzila ya nsamu a mbote. ¹⁶ I diawu, ngieti kunusiamisa: nukala mintanginini miami. ¹⁷ Mu diodio yikunufidisi Timoteo, muan'ame wanzola ye nkuikizi mu Mfumu, yani si kakunusonga kadulu kiami mu Klisto ye mpila yilongilanga kio mu mabundu mamonsono. ¹⁸ Ankaka vakati kueno eti banza vo kinakunubumina ko, i dina enina lulendo. ¹⁹ Vo Nzambi zolele, fioti fisidi, ngieti kuiza. I vana si yazayila ka lulendo luawu kaka ko kansi ma alenda vanga. ²⁰ Kadi Kimfumu kia Nzambi ka mpova ko kansi ma alenda vanga. ²¹ Nki nuzolele, nga ngiza ye luzuadi evo ngiza mu zola ye mpova zalambama e?