¹ I mu diambu dia minkayilu mia kimpeve, zimpangi, kizolele ko vo nuakala mu kibuku. ² Nuzeyi vo nuakala vo ka nuakezieti minkuikizi ko, nua natumunua kua iteki yilembi vavanga, mu zi mpila zazonsono, nua natumunua kua zawu. ³ Kansi wawu, nzolele nuazaya vo konso ka muntu weti vovila mu Mpeve ya Nzambi kalendi kamba ko vo: Yisu kasingua". Kavena muntu ko lenda kamba vo "Yisu i Mfumu" vo ka i mu Mpeve Yanlongo ko. ⁴ Vena ye minkayilu mia suasuana kansi Mpeve yimosi. ⁵ Ye vena zi nadilu za swaswana kansi Mfumu yimosi. ⁶ Ye vena yisalu ya mpila mu mpila kansi i Nzambi yimosi kuani ikubikanga mamonsono mu kati kwawu. ⁷ Kua konso ka muntu wawena mbonokono a Mpeve mu diambu dia ndandu ya awonsono. ⁸ Kadi kwa wumosi kua vewa Mpeve ya mambu ma nduenga, kwa wankaka mpova za nzayilu mu mpeve yoyo kaka. ⁹ Kwa yankaka kua vewa minu momo mpeve yoyo yimosi, ye kua wankaka nkayilu wa niakisa mu Mpeve yoyo kaka. ¹⁰ Ye kua wankaka nkayilu wa vanga yimangu, kua wankaka ya mbikudulu, kua wankaka mu suasikisa zi mpeve, kua wankaka mu vova zi ndinga za mpila mu mpila, kua wanaka nkayilu wa sekula zindinga. ¹¹ Kansi Mpeve i yau yimosi kuandi kaka yisalanga mu mambu momo mamonsono, mu vana minkayilu kua konso konso muntu konso wu kazolele. ¹² Wuna kina vo nitu yena ymosi ye kua yiela yayingi ye yayonso ye yiela ya nitu yimosi, i wowo wenina kua Klisto mpe? ¹³ Kadi mu Mpeve yimosi tuabotukua mu nitu yimosi kiakala ayudayo evo angelekia, mi'nanga ye ampwanza, awonsono avangua mu nua muna mpeve yimosi. ¹⁴ Kadi nitu kayena kiela kimosi kansi yayingi. ¹⁵ Vo kulu kukembi: "Wakiena vo ki koko ko,, kiena kiela kia nitu ko," Kena wa katulua mu nitu ko. ¹⁶ Ye vo kutu kulenda kamba: "Mu diambu dia kiena disu ko, kiena wumosi mu nitu ko, kamina wakatulua mu nitu ko. ¹⁷ Vo nitu yayonsono yikalanga disu, nkia nsasa ya nguilu e? Vo nitu yayonsono yikalanga kuu nksi nsasa mu nukuta e? ¹⁸ Kansi Nzambi wakubika konso kiena kia nitu konso wu kayindudila dio. ¹⁹ Ye vo akala yawu awonso kiena kimosi, kueyi kuna kala nitu e? ²⁰ Wawu, yieka yena yayingi kansi mitu yimosi. ²¹ Disu kadilendi komba kua koko: "Kina ye mfunu aku ko." "Ka i ntu mpe mu kamba kwa malu ko vo kina ye nsatu ena ko." ²² Kansi yiela ya nitu yi tubanzilanga vo yilutidi mu lebakana i zawu nkutu zilutidi mu mfunu. ²³ Ye zi ndambu za nitu zozo zitu banzilanga vo kazinani beni za luzitu ko, i zawu tuvananga nzitusu wawingi, ye yiela yoyo yi kondolo mbonokono yambote i yawu tuvananga luzitu lwayungi. ²⁴ Ka wawu yiela yeto yoyo ye mbonokono yambote kayena ye mfunu kitulua ya ntoko ko kadi yekivangulua wo kala. Kansi Nzambi wa kutikisa yiela yayonsono va mosi ye wawwana nzitusu walutila kwa wowo akondolo ye yo. ²⁵ Yani wa vangila wo kidi vo va lembua kala widi nkabanu ko mu nitu kansi kidi vo yielo yayonsono yakalasana mayindu mu mpila yomosi. ²⁶ Ye mboki vo kiela kimosi kieti mona mpasi, yiela yayonsono ya mona mpasi va mosi. Evo mpe vo kiela kimosi kiveno nzitusu, yiela yayonsono bika yayangalala va mosi. ²⁷ Wawu tu nueka nitu ya Klisto ye wu moso wu mosi yiela yani ²⁸ Ye Nzambi watula mu dibundu va ntete ntete zintumua, vanzole mimbikusi, va ntatu minlongi, mboki wowo ena ye nkayilu wa vanga mangitukulu, mboki wowo avanganga mambu ma manene, wowo asadisanga, wowo asalanga salu kia tuadisa yisalu, tuena yeto awonsono zintumua e? ²⁹ Nga ena yawu awonsono zintumua e? Nga ena yawu awonsono mimbikudi e? Nga ena yawu awonsono mimbikudi e? Nga avanganga yawu awonsono yimangu e? ³⁰ Nga ena yawu awonsono ye minkayilu mia niakisa e? Nga avovanga yawu awonsono mu zindinga e? Abangulanga yawu awonsono zindinga e? ³¹ Nutoma zola mu tomba minkayilu milutidi mu nene> Ye ngia kuna songa nzila yilutidi mu mbote.