¹ Nu kala mintanginini miame, wonso wu ngiena ntanginini a klisto. ² wawu ngieti kunu sika kadi yeno nu kumbambukilanga moyo kati yeno nuena nua kangana mu ngolo zazo mu yi nkulu wonso wu ngia nu kambila wo. ³ wawu nzolele dio kunu zayisa vo klisto yandi i mfumu a konso yakala ye yakala yandi i mfumu kwa nkento, ye nzambi yabdi wena mfumu a klisto. ⁴ Konso ka yakala dieti sambila evo wa bikula ye ntu wa fukua wu vuezanga mfumu andi. ⁵ Kansi konso nkento weti sambila evo bikula kendua kua fukua ntu ani wu vuezanga mfumu ani, kadi, i konso vo nsuki zani zena za zengua. ⁶ Kadi vo nkento kalendi fuka ntu andi ko, yandi kafuiti zenga nsuki zandi. vo se yi nsoni kua nkento mu zenga nsuki zandi, evo mu tendua kungudia, bika ka fuka ntu andi. ⁷ Kadi yakala kalendi fuka ntu ko, mu diambu dia yandi fuani ye nkembo wa nzambi. ⁸ Kadi yakala ka tuka mu nkento ko, kansi nkento wa tuka mu yakala. ⁹ Yakala ka dia semwa mu diambu dia nkento ko. Kansi i nkento wa semwa mu diambu dia yakala. ¹⁰ I diawu nkento kafuiti kala ye dimbu kia lulendo va zulu a ntu ani, mu diambu dia zi mbasi. ¹¹ Kansi tu, mu mfumu, nkento kena kimpuanza ko mu yakala, ye yakala mpe kena kimpuanza ko kwa nkento. ¹² Kadi wawu kina vo nkento wa tuka mu yakala, yi konso wowo yakala wa wutuka kua nkento. Ye lekua ya yonsono ya tuka kua nzambi. ¹³ Wu kifundisa yeno mosi : nga diena dia mbote mu nkento mu sambila nzambi kondua ka fuka ntu andi mu kitambale ? ¹⁴ Kisi mbi ka kikunu longanga ko vo yakala diena ye nsuki zanda, yi nsoni kua yandi ? ¹⁵ Kisi mbi ka kikunu longanga ko nkento wena ye nsuki zanda, yi nzitusu andi e ? Kadi nsuki zandi wa vewa zo mu fukisa ntu. ¹⁶ Kansi vo muntu zolele binda mpaka mu diambu diodio, yeto ka tuena ye nsadulu ya nkaka ko, evo mu mambu ma nzambi. ¹⁷ Kansi, mu zi nsikudusu zazi zeti landa, mono kieti kulu sika ko. Kadi vo nukutakangana, kayi mu mpila ya mbote ko, kansi mu mpila ya mbi. ¹⁸ Dia ntete, mono ngia wilu vo yeno nukalanga ye mpambani mu yeno yeno, ye ngieti dio kuikila findambu. ¹⁹ Kadi va fiti mpe kala zi mpambani va keti kueno, mpasi vo o o a kuikila mu kedika a zayakana va kati kueno. ²⁰ Kadi yeno vo nu kutakananga, kayi dia kua mfumu ko nu dianga. ²¹ Yeno vo nu dianga, muntu wu dianga yuma ya yandi kibeni tekila a nkaka a baka a yau. Wa nkaka wena wena nsatu ye wa nkaka weka wa kolua. ²² Nga ka nuena ye zi nzo mu dila ye nuina kue ? Nu vuezangz dibundu dia nzambi ye yina wowo a kondolo lekue? Nki ndendi vova kua yeno ? nga ngianu sike ? Kilendi kunu sika mu diodio ko ! ²³ Kadi mono ya tambula kua mfumu momo ma ngia nu tambika, vo mfumu yisu, mu fuku di ke yekulua, wa bonga dimpa. ²⁴ Ye vo ka mana tonda, wa bukuna dio ye wa vova : << yayi yi nitu ami, ya veno mu yeno, nu vangila diadi mu ku mbambukila moyo.>> ²⁵ Ye mpila mosi mpe mu mbungu ku nima dimpa ye wa vova : << mbungu yayi i luwawanu lua mona mu menga mame, nu vangilanga wo konso ntangu yi nueti yo nua muku mbambukila moyo >>. ²⁶ Konso ntangu nueti dia dimpa diadi ye nua mbangu yayi, yeno nueti yindula mfuilu ya mfumu na te ye vo kana vutuka. ²⁷ Wonso muntu mu diodio, didi evo nuini mbangu ya mfumu mu kondua kua fuana, yandi wuna fundusua mu nitu ye menga ma mfumu. ²⁸ Bika muntu muntu kaki fungunina tekila yandi kibeni mu ntim'andi tekila ka dia ye nua dimpa ye mbangu. ²⁹ Kadi wonso wu dianga ye nuanga bio kondua kua kuki fungunina mu nitu, yandi didi ye nuini mfudusu mu yandi kibeni. ³⁰ Mu diodio a yingi mu beno a lebakana ye yi mpevo, ye ankaka mu yeno a mana fua. ³¹ Kansi vo tukuki fiongonini, ka tuna fundusua ko. ³² Kansi vo yeto tu fundusu kua mfumu, yeto tuena tua dedama, mpasi vo katu fundusua va mosi ye nza ko. ³³ Mu diau, zi mpangi zame vo nukutakene va mosi mu dia, nu vingasana. ³⁴ Vo muntu wena nsatu, bika kadila kuna nzo andi, mpasi nua lembua kukananga mu ntunta mfundusu ye landila momo ma nkaka ma nsonekene, i ngia nu vana ndialulu a mau vo ngizidi.