¹ Idina benu bampangi basantu, luna mukintuadi mulubokolo lu zulu. lutaleti Yesu ntumua ye mbuta nganga wututambululu muna lukuikulu. ² Ubaka kiwisa kuyuna untula, bonsu bukala Mose muna nzo yi Nzambi. ³ Kieleka yani Yesu n'kembo yi bafueti kunkembisila ilutidi yi bafueti gana Mose. bonsu n'kembo ku basonganga ku ntungi nzo kulutanga ya nzo kibeni. ⁴ Mukieleka, konso nzo yivuidi ntungiani, ye ntungi wubuakulu Mfumu Nzambi. ⁵ Mose utambula kimfumu kinzo Nzambi yakulu bonso nsadi mukukeba makulu makafueti kuisa kuntuala. ⁶ Kansi yani Klisto, wuna muna bonso muana mu nzo Nzambi. beto tuna nzuani, go tutalunda mukieleka kivuvu ye nkuamina te ye kuna nsuka. ⁷ Mudiambu dina, bonsu buna busamuna Mpefe Nsantu nde:( lelo kiki go luwidi ndingani, ⁸ Kalukangi ko mbundu zeno bonso mu kilumbu kimpukumuna munsi inkatu; ⁹ Kuna, mase meno mangiusa, ye mamona bisalu biamo mu mvula makumaya. ¹⁰ Mudiambu dina itoma mona makasi kunkumbu wuna ye yisamuna: ntangu zakulu mbundu zayu zitadiengana ye bantu kabazeyi nzila zamu ku. ¹¹ kadi muna ngasi zamu yidia ndefi nde: sakabakota ko mu kimfumu kiamo kizulu.) ¹² Eh bampangi, lutoma keba, kagakadi ko gana gena beno muntu un'kua mbundu yimbi yikonda lukuikilu yisa yin'kantula muluzolu lu Nzambi uzinga. ¹³ Kansi lulongasana benu ye benu, kunkatu kigangua sakitina kumesu mani biakulu bibina binkaka sabifikama kumesu mani, yani kafueti tanga mambu meto makulu. ¹⁴ Tala bungangi tukitukidi bambuadi ba Yesu Klisto; kansi nde tufueti samina muna lukuikilu lueto, bonso buna tubakila lo muna luyantiku. ¹⁵ Kadi disonama nde: ( go lelo kiki luwidi ndingani, Kalukangi ko mbundu zeno, bonso bukala mase meno muntangu n' gyunsa.) ¹⁶ Banani, mukieleka, bawa ye bayangumuna makasi ma Nzambi? keti kabawu ku bakulu batuka kuna Ngipiti munsadisa zi Mose.? ¹⁷ Mudiambu di nani bamuena ngansi mukitesu ki mvula makumaya? keti kabawu ko basumuke? ibuna mfumbi zawu zisala mu nzi nkatu? ¹⁸ Ye kubanani kadila ndefi nde: sakabakota ko muna kimfumu kiani ki zulu? go kabana ko babakolamange? ¹⁹ Mukieleka, tumona nde kabalendele kota ku, mudiambu bakondua lukuikilu.