¹ Idiawu tufeti toma keba nsangu zituwa, mpasi nde katuvidi ko nzila yi mambu mani. ² Go n' gogu wu usamuna bambasi wutambuka, ye konsu nsumuna yiwawu ye nkolama yibaka ndola yifuene. ³ Buna bue betu kibeni sa tugulukila go tutasa buzengi kulugulusu luneni lumpila yoyo? lugulusu lunteti Mfumu lukayantika ye lu batusiamisa kubawu bawa luawu. ⁴ Nzambi diaka usila kimbangi mu bidimbu, bimangu ye mpila masivi mangolo, ye diaka muna makabu ma Mpefe ya Nlongo makakabula bonsu bukala luzolo luani. ⁵ Kadi kaku bambasi ko Nzambi kukagana nza yitakuisa, yo tutagogila. ⁶ Kansi, muntu mosi uta:( kimbangi nde nani kena muntu mukusa nde unsungimina? go muana muntu nani kena mukusande unsadisa? ⁷ Wusala muntu ye wunkulula fifioti kunsi banzio; ngemba ye luzitu un' gana biawu. ⁸ Wutula biba biakulu kunsi bitambi biani.) kadi ikuyani Nzambi kagana bima biakulu. kayambula kima kimosi kuntu ko kikala nde kakin' ganukina ko, katutamona diaka ko biba biakulu binlemfukila. ⁹ Kansi tutamona wu ugangama mudiambu di fintangu finduelo kunsi banzio: Yesu yu, mudiambu di mpasi zani ye lufua luani, yuvikua nkembo ye luzitu. buna, mundienga di Nzambi, lufua luani lukituka mfunu ku bantu bakulu. ¹⁰ Idiawu, mudiambu diyani ye muna yani mugangimina bima biakulu; yu uzola katuala nkangu wakulu muna nkembu Nzambi, mumpasi zi Mfumueto Yesu Klisto ku lugulusu lualu. ¹¹ Kadi n'santisi ye ba n' santisa, bena kanda diawu dimosi ye mudiambu dikikuma kiokio kata mona nsoni ko mukubabokila mpasi zani. ¹² Bukasamuna, sa yizayisanga zina diaku kuntuala mpangi zamo, sa yakukembelanga kuna kati kilukutakanu. ¹³ Ye diaka munu sayikalanga ye kivuvu kikingi muna yani. ye diaka mpi lutakumbona munu ye bana bakangana Nzambi. ¹⁴ Mudiambu bana ba Nzambi bakulu bakabulanga nitu ye menga mamosi, Yesu uzola kakala ye kimuntu; mubuna, muna lufua luani wuyisi yoyisa ngolu ziyuna wukala yekiwisa kilufua, disongidila satana. ¹⁵ Muna kititu kikitula mpati ye nganga bawu bakala muna luzingu lu bun' gwayi bulufua. ¹⁶ Kadi bakayisisadisa, kabena banzio ko nde batekolo kibeni ba tata Abalayama. ¹⁷ Ibuna dikala dimfunu kakueti fuanana kumpangi zani, mukalanga muna kikundi kiawu ye Nzambi, nganga mbuta un'kua ngenda ye wumboti, wufua mukatula masumu mankangu. ¹⁸ Kadi yanikibeni Yesu bukamona mpasi, bungangi ufuana kena mukusadisa babatamona mpasi.