¹ Yiyi yi nzayikisu ya Yesu kavanua kua Nzambi mpasi kasonga kua bisadi biani mana mafeti vangama mu fintangu ntangu. Wazayikisa mo mu nfidulu a mbasi kua sadi kiani Yowani. ² Yowani wata kimbangi mu matadidi m'vovo a Nzambi ye mu kimbangi kiavewa mu matadidi Yesu Klisto, mawonso kamona. ³ Bika kasakumunua ndondo wuta tanga mu ndinga ya ngolo ye bana beta wa m'vovo mia mbikudulu zani, ye beta zitisa mana masonamene mo kadi ntangu yifinamene. ⁴ Yowani, kua mabundu nsambuadia mena muna Asia: Bika n'lemvo waluvewa, ye luvuvamu lua ndondo wuna, wakala, ye wuta kuiza ye lutukidi kua Mpeve nsambuadia zina van'tuala kiti kiani kia kitinu, ⁵ Ye bitukidi kua Yesu Klisto, wuna mbangi yakieleka, wantete mu bafua ye Mfumu a min'tinu mia va n'toto. Kua ndondo kutuzolanga ye watukula mu masumu meto mu menga mani, ⁶ (watavanga nsi, ngudi zanganga mukuma kia Nzambi ani ye Se); kuayani kuakala n'kembo ye lendo mu m'vu ya m'vu! Amene! ⁷ Tala, lueke mu matuti; meso makulu si mammona, kana bana ban'tuka dionga ye makanda mawonso man'toto simayawula mukuma kiani. Ingeta! Amene! ⁸ " Ngina Alafa ye Omega" : wuvovele Mfumu Nzambi, ndondo wuna, wakala ye lueke, Mpungu tulendo. ⁹ Mono, Yowani ( mpangi eno ye ndondo wuta kayana yeno zimpasi, kitinu ye ntanamanu bina mu Yesu), yakala va sanga kiabokelelua Patimosi mukuma kia m'vovo a Nzambi ye kimbangi kia Yesu. ¹⁰ Yakala mu Mpeve mu lumbu kia Mfumu. Yawa kunima amu ndinga ya nene bonso ya mpungi, ¹¹ ya vova: " sonika muna n'kanda momo wuta mona ye fidisa mo kua mabundu nsambuadia: kuna Efeso, kuna Similina, kuna Pelegami, kuna Tiatila, Kuna Saladesi, kuna Filadelefi, ye kuna Lowodikia." ¹² Yavutukisa mu zaya nkia ndinga yikele ku mvovesa, ye kiokio yavutukisa, yamona fulu nsambuadi ya minda mia wolo. ¹³ Vana kati kua fulu ya minda, vakala muntu wafuanana ye muana a muntu wavuata mvuela ya nda nate muna malu ye Mponda ya wolo ya zinangama vana tulu kiani. ¹⁴ N'tu ani ye nsuki zani zakala mbebe bonso n'lele wa mika mia mameme, mpembe bonso mvula ya mpembe ye meso mani bonso n'laku a tiya. ¹⁵ Malu mani makala bonso sengua kia tiya, sengua kiatulua kuna foloni kia tiya ye ndinga ani yakala bonso mazu ma nkuka za nene za maza. ¹⁶ Wakala wasimba ntetembua nsambuadia mu koko kuani kua lunene ye mu nua ani mua kala vayika mbele a luyalu ya ndambu zole za meno. Zizi kiani kiakala lezima bonso ntagu mu kia kuayawu kua lutila. ¹⁷ Kiokio yammona, yabua vana malu mani bonso muntu fuidi. Wantula koko kuani kua lulunene ye wavova: " kumoni wonga ko. Ngina wantete ye wa nsuka, ¹⁸ ye ngina ndondo wuta zinga. Yafua ye tala, ngita zinga m'vu ka m'vu! Ye nsimbidi nsabi za lufua ye za nsi a bafua. ¹⁹ Yikuma Soneka mana muene, momo mena ye mana makuiza. ²⁰ Mu mana matadidi mansueki ma ntetembua nsambuadia zozo muene mu koko kuamu kua lunene ye fulu nsambuadi ya minda mia wolo : " ntetebua nsabuadia zita songela Mbasi za mabundu nsambuadia ye fulu nsambuadi ya minda yita songela mabundu nsabuadi momo."