¹ Ikuma, nzolele vo, luazaya, nene kua mvita ngita nuana mukuna kieno, ye kua bana bena kuna Laodikia, ye bana bawonso balembidi mona zidi kiamu mu kinsuni, ² Mpasi bakala ye n'tima wazala kua lufiawulusu, bakala kituadi muna zola, ye bazala kua Nzayilu yalunga mu zaya mansueki ma Nzambi, i Klisto, ³ mansueki masuekamana kimvuama kiawonso kia nduenga ye kia nzayilu. ⁴ Ngita vova wuna mpasi muntu kaluvuni mu mpova za mpukumunu ko. ⁵ Kadi vo kina yeno mu kin'suni ko, ngina yeno mu kimpeve, wuwu ngita mona mu kiese nkubamanu ya mbote yita moneka vakati kueno, ye minu kieno kiakuikama muna Klisto. ⁶ Wana ikuma, bonso luatambudila Mfumu Yesu Klisto, ludiatila mu yani, ⁷ mu kala bamena mianzi mu yani, ye yani kakala lufulu lueno, ye basiamusua mu minu, landila n'siku mia luvewa, ye lualazala kua mvutudulu a matondo. ⁸ Lukeba muntu kalukitudi nanga ani mu malongi ma luzingu ye mu luvunu lua mpamba-mpamba ko, mu yekamana mu kinkulu kia bantu, ye mabanza makondua m'funu ma nza, kansi ka mu Klisto ko. ⁹ Kadi mu nitu ani mu vuandanga lufuluzu luawonso lua Nzambi. ¹⁰ Luna ye mawonso mu yani, ndondo wuna Mfumu ya konso luyalu ye konso kimfumu. ¹¹ Ye yi mu yani luawukulua kiyakala ngukulu yoyo yilembolo vangama mu moko, kansi ngukulu a kiyakala mu Klisto, yina mu kivula n'suni anitu: ¹² kiokio luazikua ye yani muna mbotokolo, lufutumukini mpe mu yani ye yani, mu minu muna lendo kia Nzambi, ndondo wam'futumuna mu bafua. ¹³ Beno luakala luafua mu masumu meno ye mu kondua kua wukua kua n'suni eno, walunata ku moyo kintuadi ye yani, mu kutusonga n'levo mu masumu meto mawonso; ¹⁴ wavunza n'kanda wa n'siku mia kala kutuyelesanga ye miakala kutukakidilanga, ye wafuasa wo, kiokio kakoma wo vana kuluzu; ¹⁵ wabotola tuyalu ye yimfumu, ye wayekola bio vana ntenda ngongo bonso fuani-fuani, kiokio kanunga bio vana kuluzu. ¹⁶ Wana muntu kalufundisi mu matadidi ndilu yevo nduinu ko, yevo mu matadidi n'kembo, vayikulu ya ndonda, yevo mudiambu dia lumbu ya luminu: ¹⁷ Diakala kini kia bima bia kun'tuala, kansi nitu yina mu Klisto. ¹⁸ Ka muntu mosi ko, bonso wuta vuna kikulula ye mu sambu kia zimbasi, kalukuati mu luzolo luani kolowa kia nsinsani ya lemoka, kiokio kakivana kua mona meso yani ye wazala kuakitumpidika kua mpamba muna mabanza mani ma kin'suni, ¹⁹ Kondua kuakangama kua Mfumu, yoyo nitu yawonso, yina mu lusadusu ye yatoma yikakana muna mayikulu ye zimbundani, binatanga ntombololo yivananga Nzambi. ²⁰ Vo luna luafua ye Klisto mu mavanga ma nza makondolo m'funu, mudiambu dia nki, bonso vo lutazinga mu nza, betakulu komekena n'siku emi: ²¹ " kudie ko!, kuyeleka ko! kusimbi ko! N'siku miomio miawonso mikumanga mia ²² vonza mu bi ye miavangulua kaka mu n'siku ye ndongolo za bantu. ²³ Bena, mu kieleka, mbonokono ya nduenga, kadi betasonga nsambulu ya luzolo, yakikulula, ye lembi zola nitu, kansi kabena kana m'funu nkutu ko, ye betasadila luzolo lua n'suni.