¹ Wuwu mpangi zan'zolua, yikulusonekene n'kanda wuwu wa n'zole mu sikamesa kieleka kia Mpeve meno, ² Mpasi vo lubambuka moyo mu mpova za teka vovolua kua mbikudi mia n'longo ye mu n'siku wa Mfumu eto ye Mvuluzi yavewa munzila ya n'tumua zeno. ³ Diantete luzaya vo m'vuezi simiza mu lumbu yansuka, sibavueza ye diata mu nsatu za yawu kibeni ⁴ ye sibavova:" Kueyi kuna n'silu wa mvutukulu ani e? Mase meto bafua kansi mambu mawonsono mena kaka mpila mosi, tuka ngiatukulu a nza." ⁵ Mu luzolo luawu kibeni Bavilakana, vo zulu ye ntoto biavatuka mu maza ye mu nzila maza, mbidi a lumbu momo mena mu mpova za Nzambi, ⁶ yi mu nzila ya mambu momo nza ya ntama yafulusua ye maza ye bungua. ⁷ Tala, mazulu ye ntoto bilundulu mu diambu dia tiya mu nsiku wowo kaka: bilundulu mu diambu dia lumbu kia mfundusu ye mbungulu ya bambi. ⁸ Ban'zolua, kalulendi vilakana diambu dimo si ko, vo lumbu kimosi kua Mfumu kina bonso funda dia m'vu, ye funda dia m'vu bonso lumbu kimosi. ⁹ Mfumu kena ye fuki mu lungisa n'silu miani ko bonso ban'kaka babanzilanga dio. Kansi wuna wazizila kua yeno. Kazolele ko vo wu mosi kafua, kansi zolele vo bawonso baviluka. ¹⁰ Yi dina, lumbu kia Mfumu sikiza bonso muivi. Mazulu si mavioka ye mazu ma ngolo. Bima sibiazisua kua tiya, n'toto ye mavanga mani sibiamonekesua. ¹¹ Kina vo bima biobio biawonso bifete fuasua mu mpila yoyo, nkia mpila bantu nga lufete kala e? Nga lufeti zingila mu kin'longo ye uveledi. ¹² Nga lufete vingila mu mvubudulu lumbu kia ngizulu a Nzambi, mu kiawu, mazulu simafuasua kua tiya ye bima bividi sibiazelomoka. ¹³ Kansi tutavingila bonso bonso kasila, mazulu mampa ye ntoto wampa, yikuna kukala lunungu. ¹⁴ Ikuma, Ban'zolua, tekila mambu momo, lusala ngolo mpasi luakala luavelela ye lakondua nsembolo va n'tuala ani, mu luvuvamu ye yani. ¹⁵ Luzaya vo mvibudulu ya Mfumu eto yiluvuluzu lueno, bonso mpe Paulu mpangi eto ya n'zolua kasonika dio; landila nduenga zozo kavewa. ¹⁶ Paulu wutavovela mambu momo mu nkanda miani miakulu, mu miomio muna ye fulu bia mpasi mu bakusa. Bantu bakondolo nzayilu ye bavualangana bakatulanga nsasa ya mambu momo bonso buvangila mpe mu masonukua man'kaka, mu kuma kia mbungulu ya yawu kibeni. ¹⁷ Mu diodio, Ban'zolua, bonso wuluzeyidi mambu momo, lukikeba mpasi kaluvidisua mu luvunu lua basumuki ko, zate ye vidisa kinkuikizi eno. ¹⁸ Kansi lukula mu n'lemvo ye mu nzayilu ya Mfumu eto ye Mvuluzi Yesu Klisto. Kua yani kufuene n'kembo wuwu ye mu ntangu kayimani. Amene!