¹ Yazengele mono mosi vo kilendi vutuka kua beno mu n'samu mia mpasi ko. ² Kadi vo yikulu kendelekele, nani lenda kungiangidika, kayi ndondo ntesese sakuba ko e? ³ Yasonekene bonso yavangidi wo mpasi vo kiokio yikuiza kuayeno, kitesua sakuba kua bobo bafeti kungiangidika ko, ngina ye vuvu kuayeno awonso yevo kiese kiamu kina yi kieno mpe. ⁴ Kadi yi mu kiadi kiayingi, kingongo muna n'tima, ye kinsanga kiayingi Yalusonekene. Kiazolele kuluvanga mpasi ko. Kansi nkutu yazolele luazaya nene wazola kuamu mu beno. ⁵ Vo muntu mosi wavangidi mpasi, ka kua mono kaka ko kavene kiadi, kansi kondua kua lutisila, yi kua beno bawonso. ⁶ Tumbu kifuene kua muntu ndondo tumbilu kua n'kangu wawonso, ⁷ Tuka mu wunu, va fulu kia tumbu, lufete kubaloloka ye kubafiawudisa ye kubasiamisa. lusala wo mpasi vo kababakami kiadi kiasaka ko. ⁸ Mu diodio, yilusiamisi mu songa zola kueno kua yani. ⁹ Kiki yi kuma yalusonekene, mpasi yalufiongonona, ye zaya vo lutumamanga mu konso kima. ¹⁰ Vo lulolokele muntu mosi, mono mpe yin'lolokele. Kina ndemvokele (vo ndolokele kima kimosi), yi mukuma kieno, va n'tuala a Klisto. ¹¹ Yi mpasi vo kalukiyambudi mu moko ma satana ko, kadi katuvilakene mabanza mani ko. ¹² Muelo mosi wanzibudulu kua Mfumu kiokio yayizidi kuna Mbanza ya Tolowa mu longa n'samu wambote wa Klisto. ¹³ Mpila mosi, kiakala wavuvama ko mu kimpeve kadi kiamuene mpangi amu Tito ko. Kansi, yakubasisa ye vutuka kuna Makedonia. ¹⁴ Kansi bika matondo mavutulua kua Nzambi, ndondo kutunatanga ku ndungunu muna Klisto . Muna nzila eto, yani muangisanga nsunga za nzayilu ani muawonso. ¹⁵ Kadi, kua Nzambi beto tuna nsunga za Klisto vakati kua bobo bavulusua ye vakati kua bafuanga. ¹⁶ Kua bantu bafuanga, yina nsudi yabafua mukuma kia bafua. Kua bana sibavulusua, yina nsunga ya luzingu mudiambu dia moyo. ¹⁷ Kadi katuna bonso mbidi ya bantu batekanga mbambu ma Nzambi mukuma kia n'luta ko. Va fulu kina, ye mu lusiamusu lua lunga, tuvovelanga mu Klisto bonso ntumua za Nzambi va meso ma Nzambi.