¹ Nkumbu yiyi ya n'tatu ngita kuiza kua yeno, konso kua ngiawudilu yifeti talua ye kimbangi kia bantu bole yevo batatu. ² Yavovele kala kua bana basumukini, ye kua basidi , kiokio yakala koko mu nkumbu ya n'zole, ye mvutukidi dio dioka: " kiokio siyavutuka diaka, kikubavukisa ko." ³ Ngita dio kulutela kadi lutasosa kimbangi vo Klisto vovanga mu mono. Kena wayoya mu yeno ko, kansi nkutu wuna ngolo mu yeno. ⁴ Kadi, wakomua vana kulunzu mu diambu dia yoya kuani, kansi wuna moyo mu lendo kia Nzambi. Kadi tuna mpe tuayoya mu yani, kansi tutazinga ye yani mu lendo kia Nzambi, va kati kueno. ⁵ Lutoma kifimpa yeno kibeni mu zaya vo luna muna minu. Lutoma kifiongonona yeno kibeni. Kaluzeye dio ko vo Yesu Klisto wuna mu yeno e? Wuna, wana vo kaluatoma kubikua ko. ⁶ Ye nkuikidi vo siluazaya dio vo katuna tuatambudilua ko. ⁷ Wuwu, tutasambila kua Nzambi vo kaluvangi dimosi dia mbi ko. Kitasambila ko mpasi tuamoneka bonso tuafimpulu. Kansi, ngita sambila mpasi luavanga diodio dina dia lunungu, mpeleko tuakala bonso vo tuafimpua . ⁸ Kadi katulendi sala kana dimosi diambi kua ludi ko, kansi yi mukuma kia ludi kaka. ⁹ Kadi, tuyangalalanga kiokio tuna tuayoya, kansi yeno luna ngolo. Tutasambila mpe mukuma kia ntombokolo eno. ¹⁰ Ngita kulusonekena mambu mama wuwu ngina kua nda, mpasi vo mu ntangu ngina yeno, kikuluvangi mpasi ko, mu sadila lendo (Nzambi ka mvana mu kulutunga, kansi ka mu kulubebesa ko). ¹¹ Mu manisa, zimpangi, luyangalala! Lukala luasiama, lukala mu nguizani yeno ye yeno, luzingila mu luvuvamu. Ye Nzambi ya zola ye ya luvuvamu sikakala yeno. ¹² Luvanasana mbote mu fibazana kua n'longo. ¹³ Ban'longo bawonso balufidisi mbote. ¹⁴ Bika n'lemvo wa Mfumu Yesu Klisto, zola kua Nzambi ye kintuadi kia Mpeve a n'longo, biakala ye yeno awonso.