¹ Mu fokola, luzimpangi, tutakulusiamisa ye kululongela mu Mfumu Yesu. Bonso luawilu mu yeto, mu nkia mpila lufeti diatila mpasi lua yangidika Nzambi; ye yi mpila yoyo lutadiatila, lutomboka ntangu kantangu. ² Kadi luzeye nkia nsikudukusu tualuvene mu Mfumu etu Yesu. ³ Kadi didi yiluzolo lua Nzambi: mpedoso eno, yina vo luasisa mambu mansoni ma zumba, ⁴ bika mosi-mosi mu yeno kazaya neyi kafeti kebela nitu yayani kibeni muna kin'longo ye muna nzitusu. ⁵ Kondua kua kukiyekola muna nsatu za n'suni zasaka ( bonso wuvanganga bapakanu kabazeye Nzambi ko). ⁶ Ye kamuntu ko kasadila luvunu yevo vanga mambi kua mpangi ani mu diambu diodio. Kadi Mfumu wunuanisanga mawonso momo, bonso nkutu tuakuluzayisa ye songa dio. ⁷ Kadi Nzambi kakutubokela ku nsumukunu ko, kansi nkutu ku kin'longo. ⁸ Ikuma, nduna tingunanga mambu mani katinguni bantu ko, kansi Nzambi, ndondo kuluvananga Mpeve ani ya N'longo. ⁹ Mu diodio ditadidi zola kua kimpangi, kaluna ye m'funu ko vo muntu kalusonekena dio, kadi Nzambi yani kibeni, wakululongela, luazolana yeno ye yeno. ¹⁰ Kadi, yi diodio luvanganga kua mpangi zawonso zina muna Makedonia diawonso. Kansi tulusiamisi luzimangi, mu vangila wo diaka lutila. ¹¹ Tuta kulusiamisa mpe mu sosa mu zingila mu luvuvamu, mu kukivana muna mambu ma yeno kibeni, mu sala muna moko ma yeno kibeni, bonso tualutumina dio. ¹² Luvanga mama, mpasi luadiatila mu ludi kiawonso muna luzitu kua bobo kabena mu nzila ya minu ko, ye mpasi kalukadi ye nsatu a kima ko. ¹³ Katuzolele ko, luzimpangi,vo luafua nsoni va n'tuala a bobo bena baleka, mpasi vo kalumoni kiadi ko bonso ban'kaka bakondolo vuvu mu dina ditadidi makun'tuala. ¹⁴ Kadi vo tukuikilanga vo Yesu wafua ye wafutumuka, mpila mosi mpe, Nzambi sikafutumuna kintuadi ye Yesu bawonso bena baleka mu yani. ¹⁵ Kadi tala, tutakulutela mu mpova ya Mfumu, vo beto tuna bamoyo, tuvingilanga mvutuka ya Mfumu, tuzeye vo katuvitila n'tuala kua bobo bena baleka ko. ¹⁶ Kadi Mfumu yani kibeni sikatuka kuna zulu. Sikeza ye mpova, ye ndinga ya n'kuluntu a zimbasi, ye mpugi a zambi, ye bafua mu Yesu sibafutumuka bantete. ¹⁷ Bosi beto tuna bamoyo, tusidi, Kintuadi situazamunua vakimosi ye bawu muna matuti mu kuenda wawana ye Mfumu muna kayengele, ye yiwowo situakadila ntangu zawonso ye Mfumu. ¹⁸ Lukifiawudisa beno ye beno mu mpova zizi.