¹ Bu kukumi mu taangaha buabu Yesu akayantiki kualeengehe mu ma mbaanza ye mu ma gaata, mu ku teyi ye ku sakala nsaangaha yimboti yi kimfumu kia Nzaami, bantumu kumiyi boolo bu ba kari bau idée ² Ye ba kehete ba kabuki bakau belawu mpeeve zimbi, yi bimbefe : Madiya wu ba kai tela wu manderine, dee ba mutu kisi bamifu nsaambuadi (7), ³ Ye Yoani mukehete wu Kuza, Kapiti wu Helodi, yi Zuzana yi ba kehete ba kaka beengiki, ba ba kari gaahu bimi biawu, mu hu basarisi. ⁴ Bu tuebu kibuki ki baata akivukiri awende, ye baata ba tieki ma mbaanza ma ndengehe ye ndengehe, bakari kuisa wu ku we ndee, abateri kingaana kimosi : ⁵ «Mukuni biala akatuki mu kunu nkeni mu ntaangaha kakari kua kunawu ndaama nkeni yini ibui mu bkua kua nzile, ba kuayidiaata yi banuni ba zulu ba kuadia ya yiso ⁶ Ndama yi kaka ibuewu atana matari taangaha itetiki ayiyantiki kuyumu mu diaama dikukoono masa. ⁷ Yikaka ibui mu kaati mansene, ma nseene mayeriwu ye nkeni ki fulu kimosi nkeni ayifi. ⁸ Kaansi ndaama nkeni ibui mu toto mboti mboti, ayibuti nkeni nkama (100).» Taangaha Yesu ka basamini buabunu, akabasamini : «Wu we ye makutu kawa» ⁹ Ba tumu abamu yuri disongilili ibue kinganaki. ¹⁰ Ndee aka basamini : Beene alubaki mazaya makuzaya masueekimi ma ki mfumu ki Nzaami, kaansi mu diaama di baata bakaka, mu binngaana, kaana ba tala, ka ba mono kimiki, kani bawu ka bazaya kimiki. ¹¹ Bu tuebu luwa tenene iki ngaana : Nkeni ye maama ma Nzaami. ¹² Nkeni ibui mu mbele mbele nzili isongi : baata ba bawi maama ma Nzaami ebunu Sabolo akesi kubakatala mu ma mbunu mawu, mudiaama ku ka ba ndimiki maama ma Nzaami goo nkaata sa babiki. ¹³ Ibui ataana matari, kue baata bayami maama ma Nzaami mukiese taangaha bawi wu kaansi kabakari ye misolo ko, ba dimi taangaha mosi buabu, kaansi mutaangaha paasi abayanini. ¹⁴ Ibui akati kati ma nseene, kue baata bawi maama ma Nzaami, a kati kati aba yatiki kusa mavuangaha, ye ku talala bimi bi nza, kimvua, bieese, bi lu zingi ndeengehe ku yele keni nkaata. ¹⁵ Kaansi ibui amutoto mboti, bue baata ba wi maama ma Nzaami mu kati mbunu imboti, abamasi mitine kibeni, nkeni ikikese.» ¹⁶ Talete ki mutu leeni perisi muini kurime ka mufiki, mulele, kani ku nsi ikiaana. Kaansiu kafeti musa ataana mese mu diaama bataata ba bakoto ba mono muteme. ¹⁷ Kaata kimi kilene sue keme, maamaso kaata kimi kana abue suekeme maamaso ma feti zayikini polele. ¹⁸ Lutomo teke makutie luwa : Balene gaaha kimiki ku mutu we yibimi, kaansi ba gaaha wu ku mutu nkoni, kaana mutu uzori ka bi vua, ba feti zioto biawu.» ¹⁹ Ibunu nguri ani yi bibuti buani abesi ku kende, kaansi ka ba monini mudiaama di ki buki. ²⁰ Abamu samini : «Nguri aka yi bibuti biaka bee anzil a nzil ba zori ba momene yi ngee.» ²¹ Yesu aka basamini : «Nguri mee yi bibuti bi mee, bee baata ba wiwu maama ma Nzaami yi ku masarili.» ²² Tala kilumu kimosi Yesu aka mati mu buata yi ba ntumu, aka basamini : «Tusabaka ku simi di Yaangaha di nene.» Abayantiki ku sabaka. ²³ Mu ntaangaha ba sabiki wu Yesu aka leki, mupepe ngoolo a kayatiki ku bulu mukati yaangaha yi buata di yatiki kufulu ye masa, ku kari ki honso kingolo. ²⁴ Ibunu ba ntumu ba Yesu abapusini ku wende yi ba muvumini aba musamini : «Mulongi! mulongi! peete tufi.» ²⁵ Bukusi buabunu; akabasamini : «Aluli lukuili lu beene» Abayantiki ku baangaha yi kuyitiki, aba yatiki ku nzoso ki bawu «Mutu wu kena, akatumi mupepe ye masa abazitisi?» ²⁶ Aba kumi mu nsi Bazerasa dikari ku simi ye Ngalileyi. ²⁷ Taangaha ba kurimiki mu buati, mutu mosi wu mbaanza kakari ye bafu akesi muwana, taama yini ka vuati milele ke yi kaleki mu zu'aniki kaansi ku maziaama. ²⁸ Taangaha kamoni Yesu, akayantiki ku bookolo, aka bui andumi'ani, ye ndingihi yi ngolo : «Ki feti sala kuwengee Yesu muana Nzaami wu zangimi? ikulomi kungee ku ngiangeseke.» ²⁹ Yesu akatumi ku pehefe yi mbi ye tuku muniti mutu wunu, taanga ya yiso kakari huisa wu ku wende, tuku taama bakari ku mu kaangaha misingihi ye misingihi mibibene yi misingihi, kakari ba mula ngahana, kari uzengehe misingi yi kakari bafu bamu nati mukati nseke. ³⁰ Ibunu Yesu a kaba yuri : «Zini diaaka na?» Yi ake muhe mvutu : «Limpinga», mudiaama bafu beengihe bakoti kuwendee. ³¹ Aba yantiki ku ba bonono kuka batubu ku dibulu di ndaaka. ³² Mu diaama kuakunu kue ye kibuki ki bangulu ba kua diawu mu taana lama. Bafu abayatiki kulomo baba yamana bawu bakoto mu bangulu bawa, akabatumi. ³³ Ibunu bafu abatuki kuwe mutu wunu, abekoto ku bangulu, ki buki kibangulu akiyatiki tiini abe kiloso mu kaati yangaka. ³⁴ Taangaha kamoni mutu utala kibuki maama lutiwu, akayatiki tiini, akesi mata nsaangaha ku mbaaza yi kumusiti. ³⁵ Ibunu baata abatuki abesi tala ki maama maluti, bunu bu baturi ku mbele Yesu, gaaba mumonio niekiwu ataana mala mutu wu tuki bafu kakari wati mungehe yi mboti, baaka yi bafuriki ye moyo. ³⁶ Baba moni maama lutiwu abayatiki kusamene nsaangaha ku ba kuene ndeengehe ka bukiwu baata ba bakariwu yi bafu. ³⁷ Ngungihi baata ye mubaama Kazerasa aba yantiki kumusa maana kakataka ambele bawu. Bawu ba kari bangaha buingihi akamati mubuati yi ba vutiki. ³⁸ Mutu ubakateri ba fumuniti ani akayatiki ku mu bolomono beeidee nzili mosi Yesu akamu vuteri mutu unu, aka musamini. ³⁹ «Vutuku ku zuaaka daawe samana maama kasari Nzaami mudiaama dingee» Mutu unu akeni ku mbaanza yayiso, mukusa mukusamunawu maama kasari Yesu mudiaama di ndee. ⁴⁰ Tala, taangaha Yesu kuvutiki ki buki ki baata, ki kari bamu kinghi. ⁴¹ Tala yakala mosi kumbwa'ani kakari Yaïruse akesi, kakari mfumu Basinagoko. Akabui, amalama Yesu ayantiki kumu bonili ka kooto mu nzô'ani. ⁴² Mu diaama ka buti muana nde mosi wu mukehete mvulu kumi yi zolo yi mutini kobele kubele, paasi yi lufua. Taangaha Yesu kayisiwu kibuki kiakiso abayantiki ku mu nsubu. ⁴³ Mutaangaha ini mu ktiti ki buti bukari ye mukehete mosi wutuki meengehe mvulu kumi yi zoolo (12) aka manisi nzimi ya yiso ku minganga, kaansi ka ba muleniki. ⁴⁴ Mukehete wunu akesi ku nimi Yesu akamusimi mu milele, mu taangaha yini meengehe amakami mu kutuku. ⁴⁵ Yesu akasamini: «Na wunsumi mee?» Babaso abawangini, Petelo akamu samini : «Mulongihi, kibuki, kie penepene ingee» ⁴⁶ Kaansi Yesu aka muvuteri «Kue yi mutu usimi me kibeni ngui, ngoolo si ituki ku mee.» ⁴⁷ Mukehete wunu akamoni ndeengehe ka sueeke kaata, ayatiki ku telekele aka kilosi andumi ndee, akatamini andumi baata ba baaso kie diaama kamusimi ndee yi kindeengehe kamusarisi munutaangaha yini. ⁴⁸ Ibunu Yesu akamusamini : «Muana ama umukahete lukukili luaka luku bikisi ndaa we yi kiese.» ⁴⁹ Taangaha bakari mokowu, mutu akesi kuwe mfumu wu Sinagoka akamusamini : «Muana aka u mukehete fiwu, ku mitungisi ke di kaka mulongi.» ⁵⁰ Kaansi Yesu bu kawi buabunu aka basamini : «Kulu bangaha ka kala ye mini, kafeti baki.» ⁵¹ Taangaha kakumi mu nzô, aka ba samini kaata mutu wukoto mu nzô kaka Petelo, Yoani yi Zaki, Taatani ye Nguri muana. ⁵² Tala baata babaaso ba dili, ba kitungisi mu diaama di muaana kaansi akabasamini : «Kuludili di kaka, ka ikini kafiki kaleki kili.» ⁵³ Abayantiki ku mu seyi mu kia ma bawu bayi ke ke wufua. ⁵⁴ Yesu aka musimi mu kooko di muaana yi akamu teri mu ndingi ngolo : «Muana mee vumuku.» ⁵⁵ Pehefe ayisi, akavumukimu taanga yini. Yesu aka batumi bamu gaaha bimi biku diaa. ⁵⁶ Ba bibuti biaani abayantiki ku yitiki, kaansi Yesu akaba samini kulusamenee mutu ku maama luti aha.