¹ Yesu tangaha kamanisi makamoki ku baata, akeni ku Kapernaümi. ² Kuana, mfumu mosi wuma purisi, ka kari yi muana kisala, kazori buingihi, ka kari mbefe yi ambele kifua. ³ Bunu mfumu mbefe wunu bukawi ba tangaha zini di Yesu akatumi bambutu ba bayuda, ba mutele, kese bikisi muana kisalawunu. ⁴ Buba turi akue Yesu, abayantiki kumu bonono ba moko : «Mutu wutu tumi kemutu mbo, kotomini wumusalasa. ⁵ Diama kazola tsiete binu nde kutu wutungihi nzô beete yi ki mvuki.» ⁶ Bunu Yesu akavutiri nzilani yi bawu. Buka turi ambele nzô, mfumu ma purisi aka tumi bakueni bani ba mu mokono : « Mfumu kukihaka pahasi, mengie ulunguku, wu koto mu nzô me. ⁷ Idini mbangihi ku kuisi meki beniki kuwe nge. Kansi hô moko ndingihi mosi muana kisala me habiki. ⁸ Diama mesiki, ngie mutu wekutsi misiki, yi ma purisi kitsi misiki mime. hô mboki kuwe mosi : "Ndaweneyi ku kuena" kuwuka ka "yawisi akesi", yi mfumama: Tsalala buabu kasasala.» ⁹ Yesu mutangaha kawi mama mana, aka yitiki; bunu akabariti, akaba mokini babamulani : « Tsa ku Isayele ka mbo nimutuku we yilu kuikili lu buabu.» ¹⁰ Baata bana mutângaha bavutiki kunzo, bawana mutu wunu biki. ¹¹ Taangaha mosi buabu, Yesu akeni kuvulu dimosi bateri Naini ba longihi baani yi baata mangala. ¹² Buka turi amuele vulu, tala, ba kusu ku natana matufua, miana a mosi kuwe nguriani ( Wu kari mukuiri), yi baata mangala kumanimi mande bamu lana. ¹³ Buka mumoni, mfumu akamuwiri kiari ngurini yi aka mumoki : « Kudiliki.» ¹⁴ Bunu aka puseni, akasimi kehele-basi muana, baba munatu abterimi, aka moki : « Muana mboki teleme.» ¹⁵ Mvumi aka yantiki, ku zonso. bunu Yesu aka muhée ku wée ngur'ani. ¹⁶ Bunu ba baso aba bqangihi, aba kumisi Nszaami, ba moko : «Ke mu sakiri nene wisi kuwe beete, Nzaami utuwiri kiari.» ¹⁷ Bunu tsangaha a yi tiakeni mahata ma maso u kunu yudea yi mahata ma mbele-mbele. ¹⁸ Balongihi ba Yoani aba munatini tsangaha yini. ¹⁹ Bunu, Yoani aka bateri ba boloyi kubatuma ba musamene mfumu : «Kue nge wuyisi to tu kingihini wu kaka?» ²⁰ Buba kumia kue Yesu aba moki : « Yoani mbotiki katutumi tuku mokono : Kuenge wu kuisi totu kingini wukaka?» ²¹ Mutangi yini Yesu kabikisi baata bengi ba beri kimbefe ki maba yi milimi mimbi, yi ku mono babafi mese. ²² Akaba mokini : «Luvutuku lumumokono Yoani mama lumoni beene yi ma luwi : babafi mese ba moni, bifua makutu bawi babe bikata biterimi, baata ba kimbefe kimbefe kihui, baba fii bafutumiki, baata ba kiari bayantiki kuwa tsanga mboti. ²³ Kapamama wu tameni mama mame yi bisala biama.» ²⁴ baata ba Yoani bu bavutikii Yesu aka yantiki ku huilu baata mama ma Yoani: lua tala kihi kumu futu? muana muti wu nikeni? ²⁵ Luini mu diama dikihi? mutu vuati milele mimboti? kaansi baba vuata bikuhutu bimboti yi ba mvuama be ku nzô tohotili. ²⁶ Bunu luatala kihi? lumoni musakiri? hée, ilu zo zonsolo, nde lotu bonso mutsakiri. ²⁷ Bunu yaanike mutu soniki abu : " Taala, tûhûmi mutsakiri andumi nge wuku yilikili nzili". ²⁸ Ilumokini buabu, mukahati baata ba baso ku sari Nzaami mutu luti yaani kahata. Kaansi mukahati kimfumu ki Nzaami, mutu tsuku umuluti. » ²⁹ Mu tahangaha kuwi baata ba baso, yi mikongôhôno mipaka buba wi mama ku zonsi Yoani, aba bongihiri mambunu, aba tameni Yoani kaba botoko mbotiki. ³⁰ Kaansi ba mifarisayi yi ba mbutu ba misiki aba mangihi maka kaha sala Nzaami mu bawu, bunu aa mangihi siki kubaka mbotiki. ³¹ Bunu baata ba lele ba fuanikini yi bana? be bonso bani? ³² Be bonso baana ba tama tsaka akâhata baata, ba moko kuwée bakueni : "Tulu sikiri mandiko, kaansi kalu kiniki, hâtuyimi mu kungûhu ba mvumi kaansi kaludiriki ³³ Diama Yoani mbotiki akesi, kadi mapâaka, kanui malafaka, bunu beene lumoki : " Ke yimilimi ini mbi. " ³⁴ Muana mutu akesi, akadi, akanui; bunu alumoki : lutaaba mutu wu, kesiri kaka kudia yi ku nua malafu. ³⁵ Kaansi mutu mayele bana bani ba muzayi.» ³⁶ Mufarisayi mosi aka teri Yesu badia, bunu, buka koti Yesu mu nzô mufarisayi yiku nieka kadia, ³⁷ Mukehete mosi ngga masumu akesi, kakari yi kimbama kima lasi muku mu lengehe. ³⁸ Buka nieki andumi mala ma Yesu, akayanti kumu pangâhasa mala mu ma tsangahâ, yi ku komono masa mu mbonsi, aka mu yami yi kumusa malasi. ³⁹ Buku moni mifarisayi, aba waseni : «Hô mutuwu ka kari mutsakiri nga zayi mukehete wu wumusimike kihinglengehe, ke mutu masumu» ⁴⁰ Yesu aka moki : «Simoni, ngie yi mama yi kusamene» Simoni aka muhée mvutu : «Mfumu, zonso» ⁴¹ Yesu aka moki : «Baata bolo bakari yi mfuku mutu mosi. Wu téete kakari yi mfuku yingihi, wukaka yi keheke. ⁴² Mu kue, kabaleni kufutu ku, akabalimisi ba bolo. Muba bolo nawumu zolo buingihi?» ⁴³ Simoni aka moki : «Wu balimisi yi mfuku yingihi.» Yesu aka mumoki ni : «Moki makeriki.» ⁴⁴ Yesu akatari mukehetu wunu aka mokini Simoni : «Bukôti munzuaka, wutsukuriki mala, kaansi aka tsukiri mala muma tsangaha, iku komono mbonsiari. ⁴⁵ Wu ngiamiki, kaansi muluwolo luani tuku bukohoti, nde kaka ngiameniki muku tsukulu mala. ⁴⁶ Wu pahakiri kimafutu kumu tué, kaansi nde aka pahakiri malasi mu mala. ⁴⁷ Idini yi kumokini, masumu mani ma mengihi ayimulimisi, mu diama katshangihi ma mboti yi luzolo luingihi, mutu ba limisa buingihiki, kasongôhô na siki luzolo lu keheke.» ⁴⁸ Bunu akamu mokini : «Masumu makamawui» ⁴⁹ Baata ba nieki yinde amese abayantiki kuki hiulu : «Mutuwu kena mukulimisi masumu?» ⁵⁰ Kaansi Yesu kamoki kuwee mukehete wunu : «Kundimi kuaka kuku bikisi, ndawe mu kimia.»