¹ Butôbu mutaanga kukingi kubuki mama ma Nzaami makiri ku tôo kizaki genezaret. ² Abamoni mabuata molo mokari kutôo kizabaata babaki ba mbisi barimiki bakariyi ma filewu. ³ Yesu aka mati mu buata bumosi kukari Simoni aka mu uhuri kakataka kumbele baata. ⁴ Buka manisi ka zonso akamoki ku Simoni pusene kumasa loso file diaka mumasa mukasa lubaka mbisi. ⁵ Simoni akamusamini : « Fûumu tusi piibi yayaso katitu baki kimiki kansi bunu moki nge yifetisa file mumasa.» ⁶ Aba baki buki dibambi file adi ngasikiu. ⁷ Abasamini ka ba kuene bawu bese ba koko file bu basi ma buata mando ama furikiyi ba mbisi. ⁸ Kaansi Simoni Pieri bukamoni buana akesi kiloso kumala ma Yesu aka musamini kato ambele me diama me ngie mutu wubata bambisi. ⁹ Kakari wu yitiki muma kamoni mukisala kiani kima ndobo kazayiki kii kasa. ¹⁰ Bakari Jakiyi Yawane muana zebede babaso baata ba baka ba mbisi yi Simoni bunu Yesu akamoki ku Simoni : «Katala moyo diama yikusa molongi baata.» ¹¹ Taanga basi buata atsi abasisi biabiso aba mulani. ¹² Bubakuni ku hâata dimosi bawana mutu mosi wu beri ki mbefe kimaba akabui mu tsi akayantiki kubonono fûumu ahôzori pûulese.» ¹³ Bunu Yesu aka musi koko akamoki : «Nzori huluku» Mu mbala mosi ki mbefe aka uhui. ¹⁴ Yesu aka musamini kakasamana tumutuku aka musamini : « Nda kisonghono ku ngangha Nzaami hâa dikaba diaka mudiama di kuuhuluku kuaka boso bukusi Moyisi kikala kimbanghi kiaka.» ¹⁵ Bamusamini kâala yayiso kue yi buki dibaata divukini di ku kinghi musa wuba uhulese mubi mbefe biawu. ¹⁶ Kaansi nde akeni ku tseke muku bonono. ¹⁷ Kulumu ki kalonghi bafalasayi yi bambutu banisiki bakari banieki batuki ku ma hâata galileyi, yi yudeyi, yelusaleme ngolo Nzaami akari isala mukaati nde muku uhulese baata. ¹⁸ Bukesi tulu mutu mosi wu nieki aki'ana, mutu mosi wu kono lengha kadinghi bamukotoso bamusa kundumi nde. ¹⁹ Kabazayiki kiikifulu ba leni mukotoso mu diama di buki di baata di kari abamati ataana muluri nzo aba musikiri ami bangha mimuluri abamukotisi mu hunu yi kiana kiani akati baata ku ndumi Yesu. ²⁰ Bukamoni lukili luawu akasamini kumutu malari yi ku loriri masumu maka? ²¹ Na lesi lolo masumu oho ha ndekibeniki Nzaami?» ²² Kaansi Yesu kari wu zaya ngnini Yawu aka bahuri : «Mudiama di ki luki uhuri mama ma kooni mvutu kuma mbunu mene? ²³ Ki bi kooni paasi mu ku kusama : Masumu maka ma baki ndolo "to mu kusamene teleme ndawe?" ²⁴ Bunu zaya ni muana ke yiki fûumu atsi mutoto mudiama diku lolo masumu, yi kusamini teleme bongho kiana kiaka ndawe ku nzô yaka."» ²⁵ Mu kaala mosi mutu wunu aka terimi andimi bawu aka bonghi kiana kiani aka vutiki kunzô yani muku kumuisu Nzaami. ²⁶ Babaso bakari ahana abayantiki kuyitiki aba yantiki kukumusu Nzaami aba furiki yi moyo bomoko : Lele tumoni mama ma mboti. ²⁷ Kunimu mana akamoni mutu wu futisi paaku nieki ku ku kifulu kiani kikisala akamusamini : «Ndana» ²⁸ Levi akateri asisi biabiso akanulani. ²⁹ Levi akamusariri feti di nene ku Yesu baata ba benghi ba futi paaku bakari ku nzô levi badimese ma mosi yi bawu. ³⁰ Bafolasayi ba mbutu bamisi abayantiki ku nghuinikini mu diama di kii ludiwu yi lunuiwu mese ma mosi yi baata ba futusa paaku yi baata basa mandobo?» ³¹ Yesu akabasamini : «Ka baata bambotiki ba dingha mungangha ba mbefe ba dingho mungangha.» ³² Ngisi tele kaka ka baata ba mbotiki kaansi baata ba mbi mukusa batomo.» ³³ Akabasamini : «Mutu kaka suekeke muini ku tsi mese to mu kaati kantiri lusa itaana mese baata babaso bamona. ³⁴ Yesu aka basamini : « Luleni kangha nzala bakueni bari bu kue baata ba kuele bayi nde? ³⁵ Bi lumu bituisi baata ba kuerisini bakala bazangha ma mubilumu bini bafeti kangha nzala.» ³⁶ Akabasamini dikaka: «Ka mututu ka nghasa ki kiitu kiani kiki kûutu ki tama kavuku yi kiki pâa oho si buana kabebisi ki kutu kipâa diama kiki pâa yi kiki kulu kaki vuaniniki. ³⁷ Kamutuku ka sa vinu di pâa muma tsaka mu kulu diama vinu si dibebe siki tsakasi yi pasaka vinu si di tiakene. ³⁸ Kufuani bumboti basa vinu dimboti muma tsoka ma mboti. ³⁹ Siki kaata mutu wu zola vinu di pâa wu kinuiri vinu di kûlu.