¹ Bunu, Yesu ufuriki yi pehefe santu bu ka katiki ku Nzaami jourdain, pehefe ayimunati atseke kahata. ² Kuana mufu aka mumeki, bitumu ma kuma yia (40) kadi kimibi bini, kumanimiaka wi nzala. ³ Mufu akamoki : «Howee muana Nzaami, tumu kumatari makitiki dipa wudia.» ⁴ Yesu akamoki : «Masonimi mutukalene zingihiene zingihi muma paka.» ⁵ Bunu, mufu, akanati Yesu atahana kifulu kimosikizulu akamu songihini kimfumu kimutoto mumini mini. ⁶ Mufuaka moke : «Yi kuha kimfumu kimutotowu ndesoyi mamboti mani, diama, bapehe ndeso, mesikiyiha kuwu nzarime. ⁷ Bunubuana, ho nde wu mfukumini, biabiso bikumu binge. ⁸ Kaansi Yesu akamu mokini : « Masonimi, nge wu kumusu mfumu Nzaami maka, wu salala nde kaka.» ⁹ Bunu mufu aka munati dikaka ku yesalem yi ku musaatahana kifulu kimosi kizulu yi kumoka : « Hô wée muana Nzaami, kiyamene aha wu bua ikunu mutoto. ¹⁰ Diama ma sonimi : «Isamene balongihi baaka bazangana moko baku yama. ¹¹ Yi ki ku nata atahana moko, kubangahakani wubua atahana tari. » ¹² Yesu akamoki : Masonimi : « Wu mu mekeke mfumaka Nzaami.» ¹³ Mafu bukamani ku meke Yesu, aka katiki akuende akeni kumu kukaka. ¹⁴ Bunu Yesu aka vutiki ku Galileyi, akafuriki yi pehefe santu, yi tsangaha nde ayi tiakeni kumahata. ¹⁵ Aka yantiki ku pongohô muma nzô maki mvuki, bunu baata babaso ayantiki kumu kumusu. ¹⁶ Akemi, ku nazariti, aka yeri, kilumu kiku péme (kilumingihi) aka koti munzo kimvuku. ¹⁷ Aka terimi mukutangaha ngolo. Aba muhée mukana mu tsakiri Isaya. Akakutiri mukana yikumana kifulu ba soniki : ¹⁸ «Pehefe mfumu yi kuhurumikini, mu diama ka pohoni musa ilongaha tsangaha mboti kuba kohoto. Kathumi yi ba samene baata ba boloko, ba tutuku kuboloho, yi baata bafimese, bamomono di kaka, yi ku katala baba kangihimi. ¹⁹ Bunu yisakalani, tangaha kusala mamboti yifuani. ²⁰ Bunu aka kangihi mukana, akamuvutesi aka nieki. ²¹ Bunu baata babaso bakari bamutala. Bunu, aka bamokini : «Lele diamadi disarimi ames mene.» ²² Babaso abayantiki kumu kumusu, bunu aba yitiki, makazonsi mamboti abaki hiuri : « Awu ka maana Yozefi?» ²³ Bunu nde aka ba moki : « Kieri kiki beni beene me lu mbokono kingana ki : «Dokotolo, kiuhulusu nge kibeniki. Mamaso tu wi vo nge sari ku kapernaümi, sala siki kitese ki mosi mu gâhata diaka ubusiki. ²⁴ Nde kieriki me ilu mokini, kahata musakiri u zoloma wu ku gahata diani. ²⁵ Kaansi mu kieriki me ilumokini, ku kari ba kehete ba mifuiri bengi ku Isayele mu taanga Eli buku kangimi zulu mvulu taata yi ngono sambana ye ku kari yi nzala i nene mu tsi ya yiso. ²⁶ Kaansi, Eli ka tumimi ki kwe mufuiri mosi, kaka ku kwe mufuiri uzingi ku Sarepeta ku sidoni. ²⁷ Ku kari baata ba ki mbefe ki bwasi mangala ku Isayele mu taanga musakiri Elize, kaata mosi u bawu usukumi, kaka Namani mutu siri.» ²⁸ Bubawi mama mana babaso bakari mu nzô Nzaami aba furiki yi ngaansi. ²⁹ Aba termi, ba tswasi Yesu ye ku mu tukusu mu vulu ikumu tsi laama. ³⁰ Kaansi Yesu kaluti akati ki bawu a keni kifulu ki kaka. ³¹ Bu katuki ku kapenaümi, mosi di vulu di Galileyi ye nde aka yantiki ko loongo. Mu diama di tari lumingi. ³² Baata babaso bakari bayitiki mu malongi m'ani diama vo nde ka moki yi kimfumu. ³³ Tala, ku kari i mutu mosi mu nzô Nzaami bayuda ukari yi pehefe imbi nde aka ngahami mu ndingi ngolo : ³⁴ «Ah!kihi-beete tusari ku kwe nge, Yesu u nazariti? nge u yisi mukutu gohono? me nzayi vo nge we musanta u Nzaami!» ³⁵ Yesu aka nzaanini mufu wunu aka moki : « Kaanga munwa, ye tuku mutu wu!» Taanga ku tuki mufu mutu wunu aka tuki mu nde ku koono ku musala mbi mosi. ³⁶ Baata babaso bakari bayitiki, ye kaba yamini ki mùuku moko bana yi kimfumu ye ngolo ku bafu ye ba tuku.» ³⁷ Idini tsaanga yi Yesu itiakini ndaama yayiso ³⁸ Bunu Yesu aka tuki mu nzô Nzaami ake koto ku nzo Smoni. Tala, buko bu imoni ka beri wu baa di ngolo, bawu aba mulomi kasamasa mu diama di nde ye ka uhuluku. ³⁹ Yesu aka pusini a mbele nde, ye a katumi baa di tuku ye bâa a di tuki mu nde. Munu taanga yini, buko bu Simoni aka terimi aka yantiki kuba. ⁴⁰ Taanga bu kakobiki, baata abesi natana Yesu ba mbefe ba pili ya yiso. Nde aka ba siri moko koonso mutu mosi u babaso, aka ba uhurisi. ⁴¹ Pehefe zi mbi batuki beengi mu bawu muku bokene : «Ngewe mwana Nzaami!» Bunu, Yesu aka ngaanini pehefe zi mbi bana ye kuba samene kaba zonso ko, diama kari bazayi na Klisto. ⁴² Kilumu bu ki fwani, nde aka tuki, akeni kifulu ki yumu bi buku bi baata bi mu diingi, abi mu moni a kifulu kakari. Bizori nde kaka kataka ku bawu. ⁴³ Kaansi nde kaba mokini vo : «Me fwete di kaka kwe samana ku kwe ma vulu makaka tsaanga mboti yi ki mfumu ki Nzaami, diama bwabunu vo me itumimi gâha-gâha.» ⁴⁴ Bunu nde aka lami kolongo mu ma Nzô Nzaami kui tsi yuda.