¹ Mu kilumu ki teeti ki mbingi mu pihibi-pihibi Mari wu Magadala akesi kuma pieme kamoni tari di kari apieme. ² Akayetiri akesi ku mbele Simoni Pieri yi bahata ba kaka Yesu nieki aka mokini : Besi mukatala fuumu kuma pieme katuzayiki kue bamusi. ³ Bunu Pieri yi bahata bakaka abeni kuma pieme. ⁴ Ba bolo aba yetikiri tiini baba kaka bayetekele musa batulu mundumi Pieri kuma pieme. ⁵ Aba vitimi aba tari mu kaati pieme, bamoni bu kuitu bi kaata amu toto kaansi kaba kotiki mu kaati. ⁶ Simoni Pieri kesi tulu kunimi bawu akoti mu kaati pieme kamoni bikuutu mu kaati pieme. ⁷ Milele miba musi kumu tue. Milele mimutue ka mikari ki mvukiki yi mimikaka kaansi bami buriki. ⁸ Bunu bahata baba yisi di kaka kuma pieme buba moni aba ngati. ⁹ Diama kaba zayiki bisoni ni Yesu si ka futumuku kuba fua. ¹⁰ Milongiki aba vutiki ku ma nzô mawu. ¹¹ Kaansi Mari akanieki ahana mapieme mukudili buka diri aka vitimi aka yantiki kutala mukaati pieme. ¹² Kamoni ba wanzio bolo ba vuati bi kuutu bi peemi banieki wunu kumutue wunu kumala akifulu kukari niti Yesu. ¹³ Aba musamini: Mukehete mudiama wu diriwu? Aka ba vutiri : Diama banati niti fuumu me nzayiki keti kue ba musa. ¹⁴ Buka moki buana akabari aka mu moni Yesu terimi ahana kaka zayiki ni wana Yesu. ¹⁵ Yesu akamu huiri mukehete mudiama diki wu diri? Nawu dingi? Ka kiitiri mutu wusala akiala akamusamini fuumu oho nge wumukatiri tsamene ngia mubongo. ¹⁶ Yesu akamu huiri Mari aka bariki akamu samini mu ndingi bayuda Rabuni : disongo mulongi. ¹⁷ Yesu aka musamini : Ku tsimiki diama ikini kongini ku kue taata, kaansi ndawe kubibuti bi me basamene yi kue ku kue taata me taatene, Nzaami me Nzaami'ene. ¹⁸ Mari wu Magadala akesi aka moki ku milongiki: Mboni fuumu nkari yi musaminii bimi bini. ¹⁹ Bu kuisi kookolo yikilumu ki teeti ki mbingi ba muele babifulu makari makanga milongi mikari yi moyo Yesu akaterimini akaati bobo aka moki ngeme yi kala yi beene. ²⁰ Buka moki buana akaba songini moko mani yi mbansi yani milongi bimi moni fuumu abandimi. ²¹ Yesu aka basamini dikaka : Ngeme yi kala yi beene bonso buku tuumi taata yi lu tuminibeene siki. ²² Buka moki Yesu buana aka basamini mu tsitsi akamoki: Lubaka pehefe santu. ²³ Wu lulimisi ndesiki sikalimisimi wu lubongo nde siki sika bongomo. ²⁴ Toma di pasa mosi ba kumi izolo kakari ki mvukiki yi bawu buku yisi Yesu. ²⁵ Milongiki mimi kaka mimusa nimi : Tu mumoni fuumu abamoki mboni mu moko mani bifulu ku kooti matsosi atsi muleme aku koti matsosi atsi koko diama mu mbasi yani kuikiriki. ²⁶ Kilumu kikaka dikaka Milongiki mikari dikaka mu kaati bunu Pieri kakari yi bawu : Mu taanga kukari biviki bikanga , Yesu aka terimi akaati wabu akamoki ngeeme yi kala yi beene. ²⁷ Aka moki : Ku Toma pusene ahaaka yi ku lemaka siki moko maka amono ma me kakatala moyo. ²⁸ Toma aka ehe mvutu: Fuumama ke Nzaami'ama! ²⁹ Yesu aka musamini : Diama bu wu mboni angati wu we siki ka mboniki aka ngati kasakamaka. ³⁰ Yesu kari sari bimanga bingi amese mami longi bi manga bi kono sonomo mumi kana. ³¹ Mama ma masonimi mudiama luzaya ni Yesu ke Klisto muana Nzaami luzaya sikini lubaka moyo munzili diani.