¹ BunuPilati aka boongi Yesu aba mu beti fimi. Ba suda aba yiri puhu tsene boonso mfumu. ² Aba mu vuatisi yau ataama mutwe u Yesu, aba mu vuatisi ma zaka u bwaka. ³ Abesi ku mbele nde, muku mumoko no : Mboti Totolo ba Yuda! Yi ku mu beete yi moko mawu. ⁴ Bunu Pilati aka tuki di kaka, aka moki ku bahata: Lutala, me ngisi lunatana nde ku nzili kué beene kibeniki mukusa vo luzaya, me mboni mbi ki mu nde. ⁵ Bunu Yesu aka tuhuki, nde natiwu Pûhu matsene i ki mfumu yi muzaka bwaka. Dikaka Pilati aka ba mokini : Tala mutu! ⁶ Buku wi ba mbutu baba nganga Nzaami baba Yuda ye ba mbutu baba suda aba moni Yesu, bahata aba bokini mu ndingi ngolo yi ku moko vo: Lu musaaku lunsi, lumusa aku lunsi! Pilati aka ba mokini: Lu mu bonongo beene kineni ki lumusa, diama me mboni mbi mu nde ke. ⁷ Ba yuda aba vutiri mvutu ku Pilati : Beete twé i musiki, bukwé musiki wunu ke, nde ka fwete fwa diama nde ka kisi mwana Nzaami. ⁸ Taanga ka wi Pilati ndingi yini, nde aka furiki i moyo wingi. ⁹ Aka koti mu nzô, aka yuiri di kaka ku Yesu : Kwé tuki nge? Bunu, Yesu ka mu vutiri mvutu ku. ¹⁰ Idini Pilati aka mu mokini : Nge u mvutiri ki mvutu? Nge zeyi ki vo, me ngie i ki mfumu mu ku ku yameene yi ki mfumu ki ku kusa a kulunsi? ¹¹ Yesu aka mu vutiri mvutu: Nge we iki mfumu ki mosi ki ku kwe me ku ku koono kiki tuki ku zulu o bunu mutu kabi me ku nge ke yi di sumu di mosi nene. ¹² Mu mvutu yini , Pilati aka meki ku muyamene, kaansi Bayuda ababokini ngolo ikumoko: Goho nge umuyamini mutu wu, nge kawe mukwene Sezari ki. Koonso mutu ukisi totolo nde kibeni ki ndeke mbeni ku Sezari . ¹³ Pilati buka wi ma ndingi maana ,nde aka nati Yesu ku nzila,aka nieke atana kiti kukusama akifulu ba tela Bayari matari mu ebre Gabata. ¹⁴ Tala, ku kari kilumbukiku yiriki mukinsi Paki akulunsiaki, kitese ki taanga samana. Pilati, ki okamoki ku Bayuda : Lutala,ta totolo lene ! ¹⁵ Bawu : Lu mukatala; lumukoomi: Mefwani ikoomo totoloene akulunsi? Ba mbutu Babanga Nzaambi baba yuda aba vutiri ri mvutu beete twe kaka yi Sezari Totolo. ¹⁶ Bunu Pilati kaba yekini Yesu mukusa ba mu koomo akulunsi. ¹⁷ Bunu bawu ababaki Yesu yi kumu tukusu, aka nati kulunsi nde kibeni ki ku kifulu batela : Kifulu ki fwaha di mutwe mutu ku termi mu Ebré Golgotha. ¹⁸ Ba yuda aba koomi Yesu akulunsi ki fulu ki mosi yi bahata boolo mosi ku ndama ya zolo kimvubu yi Yesu akahati. ¹⁹ Pilati siki akasoniki kidimiataana kulunsi, gaha-gahana kusonimi: Ka Yesu u Nazareth, totolo Bayuda. ²⁰ Bayuda Mangala batangi kidimi diama kifulu kakari Yesu ka koomini akulunsi kwe ambele-mbele vulu: kidimi kini kukari mu Ebré, Greki yi ku latini. ²¹ Ba mbutu ba nganga Nzaambi baba Yuda abamoki ku Pilati: kusonolo kontotolo Bayuda kaansi vo mutu u moki : Me ngié totolo bayuda. ²² Pilati aka vutiri mvutu : Bu tsoniki me, me tsoniki. ²³ Ku nimi ba suda aba kooni Yesu akulunsi, aba boongi milele miani aba kabi mu ndama yia, ndama teete ku koonso suda yi muzaka ani. Mu zaka ka kari ka tungi miki u mutini tuku ku taanga ikunu tsi. ²⁴ Bawu aba mokisini mosi : Ka tu ngaasaka, kaansi tutaa mbesi tu mono keeti ku naa ka kwé. bwabunu kufwanini ndingi isonimi ilungu: Bahata kari bakabisi milele miama bayi bawu yi ku taa mbesi mu zaka me. ²⁵ Ba suda basari maama-mana. Nguri esu, yaya nguri'ani, Mari mu kehete Kelopasi yi Mari u Magadala. Ba kehete bakari ba terimi a mbele kulunsi di Yesu. ²⁶ Yesu buka moni nguri'ani yi mulongi ki ka zori a mbele nguri'ani, nde aka moki ku nguri'ani : Mukehete tala mwana ka. ²⁷ Di kaka aka moki ku kwe mulongi: Tala nguri'aka tuku mu taanga yini, mulongiki aka mu boongi mu nzwani kibeni. ²⁸ Ku nimi bwabunu Yesu, kari zayi vo maama mamaso makari maihui muku lungusu kisono, ka moki : Me ngwi nzala masa. ²⁹ Kahala mosi ikari yi vini gâha-gahana bunu bayuda aba kotisi kiponsi kifuri yi vini di ngaani aba mu kotisi kiau mu munua. ³⁰ Yesu buka nui vini dini di ngaani, nde aka vutiri moyo. ³¹ Di kaka, bayuda, kukari ki lumu kiku yiriki ki bi sama, mukusa vo ba mvumi kaba kala ka a kulunsi kilumingi diama kia kikari kilumu ki nene, aba loomi ku Pilati vo batololo mala ma ba mvimi bawu. ³² Ba suda abesi, aba toriri mala ma mutu u teete yi uzori bakari a kulunsi ki mvuku yi Yesu. ³³ Buba turi akwe Yesu, nde kakari fiwu, bunu ka busu motololoka mala. ³⁴ Kaansi mosi u ba suda aka boongi dikongo aka tobiri lubansi lu Yesu mu kahala mosi meenge yi masa ama tuki. ³⁵ Mutu u moni bwabunu aka tee kimbangi ye kimbangi kiani kie ki kieriki. Nde zayi vo kimbangi kiani kie ki kieriki beene lufuete siki kwikili. ³⁶ Maama maana masarimi mukusa vo kisono ki fwete kala kilungu: Kahata fwa diani di mosi di fwete toloko. ³⁷ Kisono ki kaka ki moki : Bawu sa ba talala ku nde mutu wunu batobiri lu bansi. ³⁸ Ku nimi maama-maana bunu Zozefi u Arimate nde kakari mulongi ki Yesu kaansi muki sieke mudiama di ku tini moyo bayuda, aka looni muswa ku Pilati ka nata mvumi Yesu. Pilati aka mu gêhe muswa idini Zozefi akesi ye aka nati niti Yesu. ³⁹ Nikodeme siki akesi, nde u yini kilumu ki mosi mupihibi ku kwé Yesu. Nde ka yisi yi mafutu ma tala yingi ba tela wu Mire yi Aloe mutala kama. ⁴⁰ Bunu aba boongi niti Yesu, aba yi zingi mu milele yi ku isaa mafutu ma Aromati boonso kari ki kaha ka kiawu ki bayuda pili ba zika ba mvumi. ⁴¹ Bunu a kifulu ki kari Yesu a kulunsi, ku kari yi kiala ki mulenge mu kiala kini kukari yi mu pieme mapâ ba kuhunu ziki mvumi. ⁴² Diama ku kari ki ku yilimi kilumingi ki ba Yuda, bu kwe ki fulu ki ku zuama kikari a mbele, bawu aba sikiri niti Yesu.