¹ Me ngie malafu ma vini ma mboti taata me wu sala mawu vini. ² Kafeti katala miti miamiso mi nkono butawu nkeni, yi kusukulu miti mini buta nkeeni, mukusa nde mitomobutu nkeni yingihi. ³ Beene lukari ba sukulu mudiama di maama yi lusamini. Lukuili me me yi lukuilo ku beene. ⁴ Bonso muti akele butu ku nkeeni ndeki beneki, taangaha ini bamu mutetele malafu, yi bunu beene kaluleene butuku nkeeni goo beene kalu lekili miniki ku we mee. ⁵ Mee ngie malafu mavini, beene lue miti. Wu lekele minu kume, me ifeti lekele minu mu nde, kafeti butu nkeeniyingi, goo me ngieke beene kalulene salakimi ki mosi ki. ⁶ Goo mutu kalekirimi ku we meke bafeti muloso looso muti yumunsukami bahata abatoti mate yi abamasi ku bawu a mahi. ⁷ Goo beene lulekiri minu kume maama ma me ku we beene, goo lulomi bimi biabiso yi feti lugaa. ⁸ Taata me ke wu bongo lukumu mudiama di luyatiki ku butu nkeeni yingihi. ⁹ Bonso kue taata me wu zori, mesi yi luzori, lu saminu ku we me. Ye luzolo ¹⁰ Goo lubateri misiki mi me, salusala kibeni bahata ba me ba luzolo. ¹¹ Me yi luhe bimi bi mu diama kiese ki me ki kala ye beene, yi kiese ki beene ki dilunguhu. ¹² Tala misiki mime, luzorisana ki bene-ki bene, bonso yi lu zori me. ¹³ Luzolo lukaka lue ke, lututi mutu ndamini kufua mudiama di bakuene. ¹⁴ Beene lue ba nduku, goo beene lusari maama mayilutumi. ¹⁵ Me ka leene kulutele dikaka muana kisala ka; mudiama muana kisala ka tomo zaya maama kasala molongi aniki, me yi lutelawu banduku mudiama me kari yi lu samini bimi biabiso, yiwi ku taat'ame. ¹⁶ Beene kalu soriki, kaansi me yi lusori me yi luke kisala lue lubutu nkeeni, mezori nkeeni yini yimaaha, kunimi taata sakayatiki kulu gaa bimi bia biso salulomawu muzini di me. ¹⁷ Me yi lutumi bimi bi mukusa nde beene luzorisana beene yi beene. ¹⁸ Goo nza yi lumangi, luzaya me babengihi taama. ¹⁹ Goo beene lukari bahata ba nza, nza yi kalu zolo bonso nde, kaansi beene lue ba nza yi ki mudiama me yi lukateri mu nza yi mudiama di buabu me nza yi lumengehe. ²⁰ Lu yinina wu maama i lu mokini: Kisari kaka luti mfumu ani ki. Mudini lumbwesi beene paasi, beeni siki saa ba lumuese pâasi; buba kuhumu kwikili malongi ma me, kaba kwikili siki mama beene. ²¹ Kaansi sa balubala maama mana mamaso mudiama di me; diana ka ba zayi ki mutu u tumi me. ²² Gôhö i yisiki, siki me iba mokiniki, inga kabe yi disumu ku. kaansi butwebu kabalene tunu ku disumu diawu. ²³ Mutu wu lu mangiwu beene, wu meengi si taata me. ²⁴ Goo me kayisariki maama ma me akaati ki bawu nkata mutu wu sari, goo kayisariki, disumusi kata, kaansi bawu ba moni bisala bi me. Goo ba bambengi ye taata me. ²⁵ Maama ma mafeti lutu mukusande masonomo mafuanene bonso buma sonomi mu misiki miawu. Gaa ba mbangi kata lunungu. ²⁶ Sayi lufuili musiamisi mu zini di Taata ye pehefe santu sakatu songono maama maso ma makieriki. Sakakusa mene maama makaka ma me. ²⁷ Beenesi salu taki mbangi mu diama beene lukari ye me tuku luyatiki.