¹ Mambunu mene kama kitungihusuku, lukiha ku Nzaami lukiha siki ku Yesu. ² Mu nzô tat'ama, kifulu kie kingihi, ho ka buana ka nga yilusameni wu diama ngia luyilikili kifulu. ³ Ho ngia luyilikili kifulu, ikusuvutuku bunu yiluyameki beriki, akueme, beenesiki lukala hane. ⁴ Luzayi nzili ngini lu zayi kifulu ngini. ⁵ Tome akamoki ku Yesu: Mfumu tu zayiki kuwuyi niwu tu zaya nzili kihi ndengehe? ⁶ Yesu aka moki : Ngie nzili mamboti yiluzingihi kahata mutu wu kiisi kue taata ka kohonolutu kue me. ⁷ Ho kari lunzayi, nga luzayisiki tat'ame tuku bukutohobu lumu zayi, lumu moni. ⁸ Filipi aka moki ku Yesu : Mfumu, tusongohono taata, bunu tulomo kimi dikaka. ⁹ Yesu aka moki : Kahari yi beeneke, tuku tahama bunu lunzayiki, Filipi? Wu moni me, moni siki tat'ame, wumoko dikaka yi ku songohono tata me? ¹⁰ Kalu tamenikini mengie mu taata, taata ke mu me? maama yilumokona wu kawukame mama ma tuka kume kaka ka taata ke mu kahati me wu sala bisala biani. ¹¹ Lu taamene ngie mu taata kemu kahati me ho kahata lutamene me mu maama ma mboti yisari. ¹² Muma kieriki yi lumokini : Wuta meneme kasamayi sari me, kasala bisala binene mudiama yi yini kuwe taata. ¹³ Kinsi kia kiso lulomomu zini diime, yisala mudiama tat'ame kabaka lukumu kuwe muana. ¹⁴ Kimi kia kiso lulomo mu zini me yilu haha. ¹⁵ Ho ka lu nzolo lo, lu babatala misiki mime. ¹⁶ Yi lomo ku taata, kalu ha mu siamisi kaka mu ku kalande bilumu bia biso. ¹⁷ Kikalala ki makieriki, mu mukili bamu yaka mudiama, bamu zayiki, kaansi lumu zayi diama kanieka yibeene ke mu beene. ¹⁸ Ileene lusisiki beene kaka, yi kusu vutuku ku beene. ¹⁹ Ndama tanga ha mosi buabudi kaka, bunu lumbonoko mumu kiri, kaansi kalumbono. Diama kayi zingihini neene dikaka ka luzingigi. ²⁰ Bilumu bini lumbono ngie mu taataa, bunu lue mume, me ngie mu beene. ²¹ Mutuwe yimisiki mime wutosa miamisiki mini kawu nzolo, wu nzolo ndesiki bamu zo zolo kuwe taata bubu yimu zori, yi kisongohono ku we nde. ²² Yuda Sikarioti aka moki : Mfumu m diama dikihi wu kisongihini kuwe beete, bunu kakumu kiriki? ²³ Yesu aka moki : Ho mutu wu nzori kaba batala misiki mime taat'ame kamu zolo yitu kuisiku we nde yilu zingihini inde. ²⁴ Wu kohono nzolo, batalaka misiki ki mime malongihi luwa kama meke, kaansi ku taata wu tuhumi. ²⁵ Ilu mokini maama mana buyi kari yi beene. ²⁶ Bunu, musiamisi wunu phefe santu, kutumu taata mu zini di me kalu longoho malongihi ma maso yilu longihi me. ²⁷ Ilusisiri mamboti mame, ilu hée bonso buku hamukiriki ma mbunu mene kama kitunguhus suki ka lubangahana. ²⁸ Kari luwi ma yilumokini angini-kuisi kuwe beene hokari lunzori lukaha kala yikiesi bungini me kuwe taata, mudiama nde wu nduti. ²⁹ Buku tohobu, ilu mokini bukue ni kamesikiho mesi, luki zayiri. ³⁰ Ileene lukono dikaka, diama mfumu ngatsirikisi, bunu ka leene tsala kimiki. ³¹ kaansi beene bahata ba mukiri lu zayini akayi mu zolo tat'ama, sari maku tuhumi nde tuteleme tu kata kaaha.