² Wlan wema sɛ do agun Klisi tɔn ke le Efɛzi lɔ we wɛnzangun, bo ɖɔ n'i ɖɔ: «Mɛ ke hɛn sunvi cyanwe lɛɛ do alɔ aɖisi etɔn mɛ bo le ɖi zɔnlin gbɔn cɛncɛn mɛ na zɔngbɛn cyanwe ke e yi sika do blo lɛɛ. ¹ Un nyɔ onu ke a le blo lɛɛ kpokpo wi, un nyɔ kanvivan towe kpodo suulu towe kpo wi. Un nywɛ ɖɔ a ma si mɔ mɛdida lɛɛ gbɔ gɛɛ. Mɛɖe lɛɛ nɔ ɖɔ mye lɛɛ bo nyi mɛɖoxlan, amɔ ye ma nyi gɛɛ. Onu ke ye nyi a nywɛ, a mɔ do na ɖɔ awo wɛ ye le ɖo. ³ A ɖo suulu: a ji ya do ota ce mɛ bɔ ka ma lɛ ku awakanmɛ gɛ. ⁴ Amɔ onu towe ke vɛ le awye lɔ ke: a ma sɔ ɖo wan nyin yi na un ɖi bibɛnu ha gɛ. ⁵ Flin ɖɔ: a bɛ ganji, bɔ kpo ɔn, a wa j'anyi. Ɖyɔ gbɛzan towe bo wa nu ɖi le ke a ko nɔ blo ɖo le bibɛnu ha. Na a ma ɖyɔ gɛ, na wa di we bo na ɖe zɔngbɛn towe sɛ sɔn otɛn etɔn mɛ. ⁶ Co, a ɖo nuɖe bɔ e nyɔ: ɖi nyɛ ha, a gbɛ wan na walɔ gbɛta Nikolaa tɔn lɛɛ. ⁷ «Mɛ ke ɖo oto, ni ɖoto nu ke Oyɛ ɖeɖovo le ɖɔ na agun lɛɛ!«Na mɛ ke na ɖu le ji lɛɛ, un na na ye sisɛn atin ogbɛtɔn ke le jikpa Mawu tɔn tɔn lɔ mɛ.» ⁸ «Wlan wema sɛ do agun Klisi tɔn ke le Simiini lɔ we wɛnzangun, bo ɖɔ ni ɖɔ: Kpɔn owɛn mɛ ke nyi nukɔntɔn bo nyi godotɔn, ke ku ɖ'anyi bo lɛ le ogbɛ. ⁹ Un nyɔ vivɛsise kpo oya towe kpo wi, co a ɖo adɔkun! Un nyɔ ozun nyinyla ke ye nɔ zun na we lɛɛ. Ye nɔ ɖɔ mye lɛɛ bo nyi Jwifu, co ye ka ma nyi gɛ, ye nyi togun awovi tɔn. ¹⁰ A na ji ya, amɔ nɔ kpɔn ɖi bu gɛ. Ɖoto: oyɛ onu nyinylawatɔ na ze mimɛ ɖe lɛɛ do gankpamɛ, bo na do kpɔn nu ke mi nyi, bɔ mi na ji ya na azan awo. Nɔ ogbeji kaka do yi kuzan gbe towe, bɔ na na we ogbɛ do na ale wu we. ¹¹ «Mɛ ke ɖo oto ni se onu ke Oyɛ ɖeɖovo lɔ le ɖɔ na agun lɛɛ! «Oku awegɔ ma sixu wa nuɖe xa nuɖejitɔ lɛɛ gɛɛ.» ¹² Wlan wema sɛ do agun Klisi tɔn ke le Pɛɛgamu lɔ we wɛnzangun: «Owɛn mɛ ke hɛn ohi nublawenɔ tlɔntlɔn lɔ tɔn. ¹³ Un nyɔ fi ke a nɔ nɔ: dodonu awovi tɔn le flɛn , co a ka sin ɖewe do awye Antipasi ke nyi kunnu ɖetɔ ce le gbijininɔ mɛ, miɖe wɛ e hui le, fike awovi nɔ nɔ. Co, a gbɛkpo le ɖinu na un jɛ odin. ¹⁴ Onu towe ke nɔ vɛ le awye lɔ ke: Le diwe, mɛɖe lɛɛ bo nɔ xodo nukplɔnmɛ Balaamu tɔn lɛɛ. Balaamu wɛ ɖɔ na Balaki ɖɔ ni bo ɖo omɔ na Izlayɛli vi lɛɛ,. E jlo ɖɔ ye ni bo lɛ le omɔ Mawu tɔn ji bo ɖu olan ke e do sanvɔ na yɛhwe alɔ blo lɛɛ. ¹⁵ Bɔ le diwe, mɛ ɖevo lɛɛ lɛ le bo nɔ xodo onukplɔnmɛ Nikolati tɔn. ¹⁶ Hun, ɖyɔ ogbɛzizan towe.: E ma nyi le gɛ, na wa diwe tlololo din bo na fun ahwan xa ye kpodo ohi ke nɔ tɔn sɔn onu ce mɛ lɔ kpo. ¹⁷ «Mɛ ke ɖo oto ni se nu ke Oyɛ ɖeɖovo lɔ le ɖɔ na agun lɛɛ! Na ɖuɖeji tɔ lɛɛ, un na na ye nuɖuɖu ke e nɔ ylɔ ɖɔ mana bo hwla lɔ. Un na mɛ ɖokpo ɖokpo okpɛn wewe, bɔ le okpɛn exɔn ji, nyikɔ yɔyɔ ɖokpo na nyi wiwlan do eji. Mɛti ma nyɔ nyikɔ lɔ wi zɛna mɛ ke yi lɔ gɛ.» ¹⁸ «Wlan wema na wɛnzangun ke le agun Tiatii tɔn ji: «Owɛn ovi Mawu tɔn tɔn lɔ ke. Mɛ ke ɖo nukunmɛ ke le klɛn ɖi ozo ha bɔ afɔ etɔn nɔ ta ɖi ogan ke yi zomɛ lɔ ha we owɛn ke. ¹⁹ Un nyɔ nu ke a le blo lɛɛ bisese wi, wan nyinyi towe, kpo suulu towe kpo, bɔ odin a lɛ le wa azɔn susu hu gan bibɛnu. ²⁰ Amɔn onu ɖokpo le bo nɔ vɛ na un do awuwe: A nɔ jo Jezabɛlu do bɔ e nɔ le wa azɔn. Nyɔnu exɔn nɔ ɖɔ mye bo le wa azɔn na Mawu. Amɔ e nɔ ble mɛsɛntɔ ce lɛɛ ɖu, e nɔ kplɔn ye ɖɔ ye ni jo Mawu gbɛgbɛ lɔ do, bo na nɔ ɖu kanlin ke ye hu na mawu alɔ blo lɛɛ. ²¹ Un jo e do na e na do ɖyɔ gbɛzan etɔn, amɔ e ma jlo gɛɛ, e jlo na lɛɛ ɖo nukɔn yiyi le oga etɔn mɛ. ²² Hun i ke: na ze e ze nyi do awuvɛ we ozan ji, eyɔ kpodo omɛ ke lɔ aga xa ɛ lɛ kpo. E na se awuvɛ ta un, eyɔ kpo mɛ ke lɔ aga xa ɛ lɛ kpo. Amɔ na e ɖyɔ gbɛzan etɔn bo jo walɔ exɔn do, nuti ma jan wa ye gɛ. ²³ Na hu ovyɛ lɛ bisese. Bɔ agun lɛ kpokpo sese na nywɛ: Un nyi mɛ ke nɔ nyɔ linlin gbɛtɔ tɔn kpo ojlo gbɛtɔ lɛɛ tɔn kpo wi. Onu ke omɛ ɖokpo ɖokpo wa we ajɔ wɛ na nɛ ɛ. ²⁴ «Amɔn mye, kpodo yisenɔ Tiati tɔn dyɛ lɛ kpo, mi gbɛ wan na nukplɔnmɛ omɛ exɔn lɛ tɔn. Mi ma ba na mɔ do na nu ke ye nɔ ylɔ ɖɔ onuhwihwla awovitɔn lɛɛ. Bɔ un le ɖɔ na mi: Un ma dɔ dandan na mi ɖɔ mi ni bo lɛ blo nuɖe do eji gɛ. ²⁵ Amɔ onu ke mi ɖo, mi hɛn e wu ganji kaka do jɛ hwenu ke na lɛkɔ wa. ²⁶ - ²⁷ - ²⁸ ) Mɛ ke na ɖo nukɔn yiyi le azɔn ce mɛ kaka do yi vivɔnu lɛ, mɛ ke nyi ɖuɖeji tɔ lɛ hɛn, bɔ na na ye hɔnhlɔn ke un yi le Ta ce si lɔ wu ye. Na na ye hɔnhlɔn ke nɔ ɖu le togun lɛ ji. Ye na kun ye kpo sisyɛn kpo bo na li ye ɖi le ke e nɔ li oka ɖo le anyizan mɔ ɖo ha. Na lɛ na ye sunvi zanfunnu tɔn. ²⁹ «Mɛ ke ɖo oto , ni se nu ke Oyɛ ɖeɖovo lɔ le ɖɔ na agun lɛɛ!»