¹ Exɔn wutu, nɔnvi vɛna ce lɛ,kpo mɛ vɛna ce lɛ, mimɛ ke nyi awajijɛ ce kpo axɔlu gbakɔn ce, mi lido le Aklunɔ me, mɛ vɛna ce lɛ! ² Un e dogan mi Evodi kpo Sɛntici ɖɔ mi ɖo sise le lanne ɖo kpo le Aklunɔ me. ³ Yɔ lɔsu, azɔngbe ce, en, un vɛvɛ we ɖɔ yɔ ni bo dogan lan na ye, ye mɛ ke fun Wɛnɖagbe we ahwan xa mi, kpo Clemati kpo azɔngbe ɖevo lɛ ce lɛ, ke ye wlan nukɔn ye tɔn lɛ do gbe weman me. ⁴ Mi ja awa le Aklunɔ mɛ hwe lɛ kponu, un lɛ vɔ le ɖɔ, mi ja awa. ⁵ Fifa mitɔn mɛ lɛ kpo ni hywɛ. Ɖo Aklunɔ we wiwa sɛkpo. ⁶ Mi kpɔn xo kpɔn le kpo me gɛ; lo ɔ le nu lɛ kpo me lɔ mi na ne Wawu na nyɔ hudo mitɔn lɛ wi gbɔn dɛ lɛ kpo vosisa lɛ na Mawu me, kpo kpɛdido lɛ. ⁷ Bɔ fifa Mawutɔn, ke di ze na nu nywɛ lɛ kpo, na nɔ kpo xa linlin mitɔn lɛ kpo ayixa mitɔn lɛ le Klisi Jesu mɛ. ⁸ Na mɛ ke kpo lɛ, nɔvi lɛ, nu ke nyi xojɔxo kpo susu, nu ke nyi nu jijlɔ, nu ke nyi nu mimɛ, nu ke jɛ xa kafu kafu, nu ke jɛ xa dagbe bo jɛ kpikpa, na nyi linlin mitɔn wɛ nu taji. ⁹ Nu ke mi mikplɔ le di ye kpo nu ke mi se lɛ bo yi lɛ, bɔ mi mɔ le di ye lɔ milɔsu miblo lexa. Bɔ Mawu fifanɔ lɔ na kpɔ xa mi. ¹⁰ Un le awajijɛ ɖaxo ɖe mɛ le Aklunɔ mɛ ɖo le ke mi lilɛ ninmɛ mitɔn ɖo na mi lɔ; mi lin ganji, lo ɔ jɔjlɛ lɔ wɛ mi mɔ gɛ. ¹¹ Ma nyi na hudo ce lɛ wutu un ɖɔ lexa gɛ, ɖo un no yi gbe na leke un le lɔ kpo fike un le lɔ. ¹² Un nyɔ le ke ye na nɔ gbe le nu le mɛsi kpo nu ma le mɛsi gɛ wu. le nu lɛ kpo kpo fi lɛ kpo un kplɔn nu do leke un na gɔ xo kpo leke un na nɔ xovɛ wu, bona nɔ nusukpo ɖo mɛsi kpo nu ma nɔ mɛsi wu. ¹³ Un nɔ blo nu lɛ kpo gbɔn mɛ ke no do gan na mi wu. ¹⁴ Exɔn wutu mi blo ganji bo nɔ kpo xa hun de awuvɛ lɛ mɛ. ¹⁵ Filipunu lɛ, mi nywɛ ɖɔ bibɛmɛ Wɛn Ɖagbe jijla mɛ lɔ, ke un sɔn bo ye Masedoni lɔ, agun ti ma nɔ kpo xa hun na nu ke no na kpo nu ke e noyi lɔ gɛ; ¹⁶ mi ɛ wɛ nyi mɛ ɖo kpo ke le blo cɛ, ɖo mi sɛ nu do hun le Tɛsalonika, nu ke nyi hudo ce lɛ, ɖo wlan xe ji. ¹⁷ Un ma nyi na un le ba nu nina lɛ gɛ; lo ɔ un le ba kusisɛn ke na sukpɔ do mi mɛ. ¹⁸ Un yi nu lɛ kpo, bɔ un le kpo nu sukpɔ me; un gɔ kpo nu ɖagbe lɛ,gbɔn Epafloditi ji nu ke sɔn mi de lɛ ɖi ami Wɛn Ɖagbe nɔ , vɔsisa ɖo kpo ke Mawu nɔ nyi wan na, bɔ e nɔ nyɔ nukuntɔ mɛ. ¹⁹ Bɔ Mawu na zɔn bɔ mi na mɔ hudo mitɔn lɛ yi gbɔn Mawu we adɔkun mɛ, kpo gigo etɔn mɛ, le Jezu Klisi mɛ. ²⁰ Gigo na Mawu mitɔn kpo Tɔ mitɔn kaka do yi mavɔ mavɔ! Ami! ²¹ Mi dogbe na mɛ ɖedovo Mawu tɔn lɛ le Klisi Jezu. Nɔvi ke le kpɔ xa hun lɛ dogbe na mi. ²² Mɛɖedo Mawu tɔn lɛ dogbe na mi, vi vivɛ na mɛ ke le Seza we xwe lɛ. ²³ Jɔmyɔ Aklunɔ Jezu klisi tɔn ni nɔ kpɔ xa gbigbɔ mitɔn!