¹ Nu ɖiɖi ke mi ɖo na Klisi lɔ ni nɔ na hihlɔn do eji. Wan ke mi mi nyi na Klisi nɔ na mi akɔ kpikpan. Mi ɖe kpɔ lo kpo le Ye mawu tɔn gbɔn nu wiwa etɔn lɛ mɛ? Mi nɔ nyɔ xomɛ na miɖe wu a? ² Hun un le byɔ mi wɛ ɖɔ mi ni ɖo gbe kpɔ, bo ɖo wan nyinyi ɖokpo lɔ, bo na do awa jijɛ na mi kaka do yi. ³ Mi ma blo nu ɖe na meke kpo lɛ we nukun mɛ alo meɖe vo lɛ ni kpa mi gɛ, exɔn ma nyɔ gɛ. lo ɔ mi nɔ ze miɖe hwe bo ma lin ɖɔ mi bo hugan me ɖe gɛ. ⁴ Mi ma ba ɖagbe me ɖe lɔsu tɔn gɛ, lo ɔ mi ba ɖagbe mɛɖe vo lɛ tɔn. ⁵ Mi ɖo ninɔmɛ ke Klisi Jezu ɖo ɖo lɔ. ⁶ Klisi ko ɖo ninɔmɛ Mawu tɔn kaka sɔn bibɛmɛ; e ma ka ba ɖɔ mi bo na ze mye ɖe do Mawu ha ji kpo hihlɔn gɛ. ⁷ E nyɔ blo lɔ, e lɔsu gbɛ nu ke e ɖo lɛ kpo, bo ze ninɔmɛ mɛ sɛntɔ tɔn. E lilɛ gbɛtɔ bo blo ɖi gbɛ vɔvɔ ɖe kpowun. ⁸ E yi gbe bo ze eɖe hwe, bo se toni na Mawu kaka yi ku; akluzu ji wɛ ku ɖe lɔ. ⁹ Exɔn wutu wɛ Mawu ze su, bo ze do tɛn mɛ ke nyi ɖaxo lɛ kpo mɛ, bo ze nukɔn ke hu gan nukɔn lɛ kpo na e, ¹⁰ bo na ye ylɔ Jezu we nukɔn hwe lɛ kponu lɔ, mɛ ke le jixwe lɛ kpo, kpo mɛ ke le ayizanji lɛ kpo, kpodo mɛ ke le ayizan gɔ lɛ kpona klo ko sisi kpo, ¹¹ bo na mɛ lɛ kpo na ɖɔ ɖɔ Jezu Klisi wɛ nyi Aklunɔ; exɔn wɛ na ze Mawu Tɔ lɔ su. ¹² Exɔn lɔ, mɛ vivɛna ce lɛ, hwe nu ke un le kpɔ xa mi lɔ,mi nɔ se tonu na mi tɛgbɛ hwe le kpo nu; din ke un ma sɔ le kpɔ xa mi gɛ, e ɖo vivɛ ɖe ɖɔ mini lɛ se tonu na mi. Mi wa zɔ pko xɛsi kpo, kpo do sisɔsisɔ na hwlɛngan mitɔn na nyi hwlɛngan lido. ¹³ Ɖo Mawu ɖo azɔn wa do mi wu wɛ hwe lɛ kpokpo, bo na mina si no ɖo jlo, bo na no wa nu ke sɔgbe xa linlin e ɖesunɔ tɔn. ¹⁴ Mi blo nu le kpokpo kpo xomɛ ɖagbe kpo. ¹⁵ Exɔn lɔ ɖo na le lexa lɔ, mi na nyi xo mɛvɔnɔ, bo na nyi Mawu si vi maɖo blɔ ɖo wu le gbetɔ nyinylan, ayi gɛdɛgɛdɛnɔ ayizan fi tɔn lɛ we tɛntin. Mi ɖo no za ɖo tɛntin ye tɔn ɖi sunvi ɖɔhun, ¹⁶ bo na nɔ ɖɔ xo ke nɔ na gbɛ na ye. Me blo lexa, xomɛ na hun mi do mi wu hwenu ke Klisi na le kɔ wa lɔ; nugbo lɔ, ke na ɖe xlɛ ɖɔ azɔn ke un blo lɛ, kpo tagba ke un jɛ lɛ ti ma nyi vɔvɔ gɛ. ¹⁷ Me e na byɔ ɖɔ ye na hu mi do sa vɔ na gɔ na vɔ ke Mawu sa gbɔn nuɖiɖi mitɔn me lo, awa jijɛ wɛ na nyi na mi, bɔ mi mɛ kpo na ja awa xa mi, ¹⁸ ɖo lexa lɔ, mi lɔsu mi ɖo na ja awa, bɔ un na ja awa xa mi. ¹⁹ Ɖo Aklunɔ Jezu we nukɔn mɛ lɔ, un le lin ɖɔ zaaɖe ɖin lɔ, un na sɛ Timothee do xlan mi, bonu elɛ kɔ wa lɔ, xomɛ mitɔn ke ena wa ɖɔ lɔ na mi lɛ na na akɔnkpikpan mye ɖesu. ²⁰ Nu ke le ayixa na mi lɛ lɔ, e ɖokponɔ gee wɛ nɔ ɖɔ xa mi, bɔ le ke nu na nɔ bo na nyɔ na mi lɔ le ayixa mɛ ni titehungbe. ²¹ Meɖe lɛ kpo lɔ, nu ye ɖesu nɔ tɔn jɛn ye nɔ ba, nu ke nyi Jezu Klisi tɔn lɛ ye mɔ ba gɛ. ²² Mi lɔsu lɔ, mi nywɛ ninɔmɛ Timothee tɔn ganji; le ke nye kpo e kpo mi wa zɔn vi kpo tɔ kpo ɖɔ gbɔn, bo jla Wɛn Ɖagbe lɔ , mi nywɛ. ²³ Un ɖo linlin ɖɔ na un ko wa mɔ nukunnu jɛ nu ke le te kpɔn mi lɔ wu holo lɔ, un wa sɛ ɛ do xlan mi. ²⁴ Un ka ɖe ji do Aklunɔ wu ɖɔ, ɖo madin madin mɛ din lɔ, nye lɔsu na wa mɔ mi. ²⁵ Nɔvi mitɔn Epafloditi ke ji mi se nuke we hudo mi lɛ gbɔ lɔ, nye kpo e kpo wa zɔn ɖo kpɔ; din lɔ, un mɔ ɖɔ e nyɔ na un na lɛ kɔ ni sɛ do mi. ²⁶ E ɖo jlo ɖaxo ɖɔ mi na mɔ mi mɛ kpo, bɔ e le ayimɛ titɛngbe, ɖo mi se ɖɔ e jɛ azɔn. ²⁷ E jɛ azɔn xonugbo, bo ba na ku; amɔ, Mawu ku nublawu ni, e ma nyi e ɖokpo gɛ wɛ Mawu ku nublawu na gɛ; e ku nublawu na nye lɔsu, bo nu awuvɛ ke mɛ un le lɔ un kpɔn wa jɛ ji gɛ. ²⁸ E le ayixa mɛ na mi ɖɔ ma ya wu bo sɛ do mi, bo nu mi mɔ lɔ, xomɛ mitɔn na hun, bɔ nye lɔsu un ma sɔ na mɔ awuvɛ gɛ. ²⁹ Me wa lɔ, mi yi kpo xomɛhunhun ɖaxo kpo, ɖi nɔvi le Aklunɔ mɛ ɖo hun. Mi ɖo na ɖo sisi na gbɛtɔ lexa tɔn lɛ. ³⁰ Ɖo e ɖi bla ku le Klisi we we azɔn wutu. E ɖi bla sɔ gbɛ tɔn nyi gbe le azɔn ke e blo xa mi, bo na do gɔ alɔ na mi le tɛn mitɔn mɛ.