¹ Mɛsɛntɔ Jezu klisi tɔn lɛ, Pɔlu kpo Timothe, na mɛ ɖedovo ke le Jezu klisi mɛ le Filipu lɛ, mi se ɖɔ agunnukɔntɔ lɛ kpo me ke nɔ kpɔn agunvi lɛ kpo. ² Jɔmyɔ kpo fifa ke sɔn Mawu mitɔn de kpo Jezu klisi de na mi mɛ ke le Filipu lɛ. ³ Na un flin mi do hwedekpekpenu, un nɔ do kpɛ na Mawu do mimɛkposese ta mɛ. ⁴ Na un le xo ɖɛ do ta mi tɔn mɛ hweɖekpekpenu, un nɔ xo ɖɛ kpo xomɛhunhun kpo. ⁵ Ɖo le ke mi do alɔ un gbɔn sɔn gbe ke gbe mi ɖi nu, kaka wa jɛ din, ɖo Wɛn dagbe jijla lɔ wutu. ⁶ Un gan jɛ nu kɔ go: Mawu ke bɛ azɔn dagbe kɔ le cɛncɛn mitɔn na le go, bo na le wu kaka do i jɛ hwenuke Jezu klisi na le kɔ wa do. ⁷ Linlin ke un ɖo do mimɛkposese go sɔgbe ganji. Xojɔxo me, mimɛkposese le ayixa mɛ na un, le odin ke un le gankpa mɛ kpo hwenu ke ye ma ko wle un gɛ, bɔ un jɛahwan Wen ɖagbe tɔn ji, bo flɔn ayin, bo din do ke kpo, dagbe ke Mawu wa na un e wa na mye lɔsu. ⁸ Ke un ɖɔ un yi wan na mi, Mawu lɔsu yɔn ɛn ɖɔ xojɔxo bɛ un bo le ɖɔ. Wan ke un yi na mi, klisi mɛ wɛ e sɔn. ⁹ Ɖɛ ke un nɔ xo na mi ke: un nɔ byɔ Mawu ɖɔ wan ke mi yi na un lɔ ni nɔ jɛ e ji, bo na mi ni myonu ganji, no do dɔ mejɛ mɛ nulɛ tɔn ganji. ¹⁰ Exɔn lɔ mi na kpego nyɔ nuke hyi nu ɖagbe lɔ bo sɔ hyi mɛ ɖedo vo, bo hwenu ke klisi na lɛ wa lɔ, e ma ja nuɖe mɔ do mi wu gɛ. ¹¹ jezu klisi na na witɔn mi, bɔ mi na nɔ lɔlo nu jijlo, bɔ mɛ lɛ na kpa susu na Mawu, bo na nɔ mlɛn. ¹² Nɔnvi ce lɛ, un ba na mi na nywɛ ɖɔ nuke jɔ do ji ce zɔn bɔ wɛn ɖagbe lɔ yi nukɔn. ¹³ Nuxɔn lɛ we zɔn bɔ sɔja hɔn me cɔ tɔ le kpo mɛ ɖe lɛ nywɛ ɖɔ klisi ke un nɔ sɛn lɔ wutu un le gankpa mɛ ɖo. ¹⁴ Ke nɔvi lɛ mɔn ɖɔ un le gankpa mɛ lɔ, ye mɛ sukpɔ ɖo akonkpikpan, bo ɖo jiɖiɖe do aklunɔ wu, bo nɔ syɛn ta bo no jla Mawu xo bo ma ɖi bu gɛ. ¹⁵ Xonugbo mɛ le lɛ le ye mɛ, bo nɔ ze nu wihwan le kpo bo nɔ do jla klisi xo lɔ kpo ayixa ɖagbe. ¹⁶ Ye mɛ ke nɔ jla klisi xo kpo ayixa ɖagbe lɛ, ye nɔ blo nu kpo wannyinyi, ɖ ye nywɛ ɖɔ Mawu ze mi, na ma nɔ jɛ hwan ɖo wɛn ɖagbe lɔ ji. ¹⁷ Mɛɖe lɛ, xo ke ye le ɖɔ lɛ ma tɔn sɔn ayixa ye tɔn mɛ gɛ; vɔ lɔ, zalixa mɛ we ayixa wɛ ye ze bo do le jla klisi xo lɔ, ye ɖo linlin le lin ɖɔ mi bo na do wu vɛ ji na mi din ke un le gankpa mɛ. ¹⁸ Na ayixa ke ye ze bo le jla klisi xo lɔ sɔ gbe kpo e ma sɔ gbe kpo gɛ lɔ, exɔn ma nyi nuti gɛ; e si nyi ni nɔ mɔ ɖe vo mɛ wɛ, e ko jla klisi xo lɔ bɔ nyi xo me hunhun na mi , bɔ un na hun xomɛ tɛ gbɛ. ¹⁹ Ɖo un nywɛ ɖɔ gbɔn mitɔn lɛ kpo Yɛ Jezu klisi tɔn we alɔ gɔ na mɛ lɔ ji, nu xɔn lɛ kpose na wa nyi ɖagbe na mi. ²⁰ xonugbo lɔ, un le te, bo ɖo nukun sisyɛn ɖɔ nuti ni nɔ kpɔn zɔn, bo na winnya ni kpɔn hu mi gɛ. E nyɔ blo lɔ, din kpo hwe lɛ kpo me lɔ, un ɖo aɖɔ gbigbonye ma ja gbɛ un le gbɛ oo ku mɛ oo, un na ze nye kpokpo do ɖe susu tɔn xlɛ. ²¹ Ɖo nye lɔ, gbɛ ce lɔ, klisi wɛ, bɔ ku nyi ale na mi. ²² Vɔlɔ, nu ke un nɔ gbɛ lɔ, un hɛn lɔ, un na blo nu ɖagbe; lexa, gbɛ wɛ un na nɔ a, ku wɛ un na ku a, un ma sɔ nywɛ ke na ze le mɛ gɛ. ²³ Un mɔ ɖɔ nuxɔn lɛ kpo le dɔn mi wɛ: un ba na sɔn le gbe kɔ mɛ, bo na yi nɔ kpɔ kpo klisi,exɔn lɔ wɛ un le din tawun. ²⁴ Lo ɔ, nu ke le taji nyi titan lɔ wɛ nyi ɖɔ ma nɔ gbɛ mye wutu. ²⁵ Un gan do exɔn go, bo nywɛ ɖɔ un na nɔ amyi, bo nɔ kpɔ xa mimɛ kpo lɛ, bo na gɔ alɔ na mi bɔ mi na yi nu kɔn, bo na ɖo homɛ hunhun do nuɖiɖi ke mi ɖo na Klisi lɔ mɛ. ²⁶ Exɔn lɔ, hwenu ke un na sɔn wa mide lɔ, mi na vo awu, bo na ja awa ɖo Klisi Jezu mɛ ɖo nyɛ wu. ²⁷ Nu ke mi na blo vɔvɔ lɔ wɛ nyi ɖɔ mi na zan gbɛ mitɔn do le ke Wɛn Ɖagbe Klisi tɔn ɖɔ do. Exɔn wu wɛ, nuke wutu un wa mi de oo, alo un gɔn mide oo ma se ɖɔ dokin,bo ɖo linlin ɖokpo lɔ, lo bo ze ayixa ɖokpo lɔ do ɖoahwan fun ɖo kpo wɛ, nu ɖiɖi ke Wɛn Ɖagbe nɔ na mɛ lɔ. ²⁸ Mi nɔ kpɔn jo mi ɖe lɛ do na kɛntɔ mitɔn lɛ na do bu na mi gɛ. Nu ti mɛ gɛ; exɔn na nyi xlɛ na ye ɖɔ ye bu ye ɖe, bo ka na nyi ɖɛ na miɖe su nɔ lɛ ɖɔ hwɛngan we ali ji wɛ mi ɖe; Mawu we azɔn wɛ nyi exɔn lɛ. ²⁹ Ɖo Mawu blo nu ɖagbe na mi, bɔ mi na sɛn klisi; e ma nyi mi na ɖi nu vɔvɔ we gɛ, vɔlo, mi na ji ya sukpo ɖo ta tɔn mɛ. ³⁰ Din lɔ, nye kpo mi kpo wɛ le fun ahwan ɖo kpo, bɔ ahwan ke mi le fun ɖa nyi, bo ka lɛ kpo le funfun wɛ din, le ke mi na se ɖo lɔ.