¹ Zanfunnu tɛn, avɔsana Mawu tɔ gan le, Mɛxoxo lɛ, sɛn kplɔnmɛtɔ lɛ kpo do ganbɔdoganwu Jwifu tɔn lɛ kpokpo kple do kɛnu do Jezu we oxo wu. Exɔn godo ye bla Jezu bo ze yi Oilati de. ² Plilati le kanse Jezu ɖɔ: «Yɔ wɛ nyi Jwifu lɛ we Axɔlu?» Jezu ɖɔ na ye ɖɔ: «Yi janxɛn a ko ɖɔ.» ³ Avɔsana Mawutɔ gan lɛ le ɖɔ xo susu do Jezu go do le da ohwɛ n'i. ⁴ Pilati le kɛnse ɖevo ɖɔ: «A ma le ɖɔ xo ti gɛ wɛ? Kpɔn oxo susu ke gbɛtɔ lɛ le ɖɔ d'awuwe!» ⁵ Amɔ Jezu ma kɛ nu bo ɖɔ oxo ti na Pilati gɛ e kpaca wu Pilati. ⁶ Na ye jan ɖu Pakɛ, Pilati do gbɔn walɔ etɔn mɛ nɔ ɖe gantɔ ɖokpo tɔn na ye ke ye lɔsu e byɔ. ⁷ Dahwe lokpo le gankpamɛ bɔ ye nɔ yɔlɔ ɛ ɖɔ Barabasi. yi kpo hadowe etɔn lɛ kpo. Omɛ wɛ ye hu hwenu ke ye fɔn gu do hlɔmanu le ji. ⁸ Togun lɔ wa Pilati de, bɔ gbɛtɔ lɛ jɛ kikense ji ɖɔ: «Blo nu ke a ko ɖo walɔ bo nɔ blo lɔ na mi!» ⁹ Pilati le dɔ na ye ɖɔ: «Mi jlo na ma ze Jwifu le we axɔlu lɔ ze jo na mi wɛ?» ¹¹ Na do ɖɔ PIlati nywɛ ganji nuvɛlemɛwu wutu bɛ ye bo do hɛn Jezu wa na emye. ¹⁰ Amɔ Avɔsana Mawu tɔ gan lɛ le do togun lɔ ɖɔ ye n'i bo ɖɔ na PIlati ɖɔ: «Ɖe Barabasi tɔn sɔn gankpamɛ na mi!» ¹² Pilati le le kanse ɖevo ɖɔ: «Nutɛ mi jlo na ma blo na me ke mi ylɔ ɖɔ Axɔlu Jwifu lɛ tɔn lɔ?» ¹³ Ye le ɖɔ ni kpo axwa kpo ɖɔ: «Mi ni kɛɛ do akluzu ji!» ¹⁴ Pilati le ɖɔ na ye ɖɔ: «Onu nyinyla ɖetɛ e wa?» Bɔ ye le do axwa xugan ɖyɛ bo nɔ ɖɔ: «Mi ni kɛ do akluzu ji!» ¹⁵ Nu ke togun lɔ ɖɔ Pilati blo na ye bo ɖe Barabasi tɔn sɔn gankpamɛ na ye. Pilati xo Jezu ganji kpodo ganba kpo vɔ lo bo ze e jo na togun lɔ na ye na do kɛɛ do akluzu ji ¹⁶ Kponɔ lɛ ze jɛ gaji le axɔlu we galɔji bo ylɔ kponɔ lɛ kposese de kɔn. ¹⁷ Ye le ca Jezu ko bo ze awu ganji vɛvɛ lokpo ze do n'i. ¹⁸ Bɔ ye ja ogbe do n'i ji bo nɔ ɖɔ: «Afɔn ganji Jwifu lɛ we axɔlu» ¹⁹ Ye ze nu ɖi dawe bo do ota n'i, bo lɛ tun otan do nukunmɛ n'i. Ye nɔ je klo le akɔnmɛ n'i ɖi mɛ ke le sɛn ɖɔhun do le cɛɛ ko. ²⁰ Ke ye cɛɛ ko vɔlo, ye ɖe awu vɛvɛ ganji ke ye do lɔ n'i bo lɛ ze awu etɔn ze do n'i. Bɔ ye wa ze e jɛ agaji na do kɛɛ do Akluzu ji. ²¹ Dahwe lokpo sɔn Silɛnu bɔ ye nɔ ylɔ nyikɔ etɔn ɖɔ Simɔ yi wɛ ji Alɛsandri kpo Rufusi kpo. Dahwe lɔ sɔn glemɛ bo gbɔn flɛn, bɔ kponɔ lɛ ze akluzu ke ji ye na kɛɛ Jezu ɖo lɔ ɖɔ yi bɛ bo na hɛn. ²² Ye kplan Jezu do yi fike ye nɔ yɔlɔ ɖɔ Gɔlgota, tinmɛ etɔn wɛ nyi ɖɔ: «Nɔtɛn taglo mɛkuku tɔn.» ²³ Ye caka vinɛgri kpo myrrhe kpo bo n'ɛn ɖɔni bo nu. Amɔ Jezu gbɛ. ²⁴ Exɔn godo kponɔ lɛ kɛ do Akluzu ji. Ye da kplɛ na do mɔ mɛ ke na yi nuzizan etɔn Jezu tɔn lɛ, bɔ ye ma le yeɖe mɛ. ²⁵ E le xo gan atɔn zanfunnu tɔn hwenu ke ye kɛɛ Jezu do akluzu ji. ²⁶ Ye ze plaki lokpo bo xwe do taligbe na Jezu bo wlan deji ɖɔ: «Axɔlu Jwifu lɛɛ tɔn.» ²⁷ Kponɔ lɛ lɛ kɛ ajotɔ mɛhutɔ awe do akluzu ji le akpa na Jezu, mɛ lokpo do aɖisi xwe, mɛ ɖokpo do amyɔ mɛ. ²⁸ Nu ke nu wiwlan lɔ ɖɔ wa cicɛ mɛ: «Ye ze do onu nyinyla lɛ mɛ.» ^{29 30} Wayiwayi tɔ ke le gbɔn flɛn lɛ nɔ hunhun ta bo nɔ ɖɔ: «A na gba ɖɛxoxɔ bo na lɛ gba na azan atɔn! E nyɔ, bo hwlɛn ɖɛwe bo jɛte sɔn akluzu lɔ ji.» ³¹ Lexa wɛ avɔsanna Mawu tɔ gan lɛ kpo do sɛn kplɔnmɛ tɔ lɛ kpo lɔsu le ca Jezu ko ɖo. Bɔ ye nɔ ɖɔ le yeɖe mɛ: «E hwlɛn mɛ ɖyɛ lɛ gan, bo ka ma kpego bo na hwlɛn eɖe gan gɛ. ³² Odin na mi mɔ Mɛsi, axɔlu Jwifu tɔn lɔ bɔ e jɛte sɔn akluzu ji, mi na ɖinu n'i!» Bɔ mɛ ke ye kɛɛ do akluzu ji le akpa n'i lɛ lɔsu le zun wui gba. ³³ Gan ke mɛ ohwe nɔ wa ta, ozan ku le oto lɔ bisese mɛ kaka do wa jɛ gan atɔn mɛ okle tɔn. ³⁴ Le gan atɔn mɛ okle tɔn, Jezu do axwa ɖaxo ɖe bo ɖɔ: «Mawu ce, Mawu ce, etɛ wutu ajo un do.» ³⁵ Le mɛ ke le flɛn lɛ mɛ, mɛɖe le se nu ke e le ɖɔ bo le ɖɔ ɖɔ: «Jezu bo le ylɔ Eli!» ³⁶ Mɛ lokpo le ye mɛ yi bo ze avɔ ze do vinɛgri mɛ lo bo ze do xlan Jezu ɖɔ n'i bo nu. ³⁷ E lɛ ɖɔ ɖɔ: « Mi nɔ te na mi na kpɔn ɖɔ Eli na wa bo na wa ze e jɛ te sɔn akluzu lɔ ji ja.» Bɔ le axwa dido axo Jezu tɔn lokpo me, E ku. ³⁸ Avɔ ke ma sisɛnxɔ lɔmɛ vun do awe sɔn oji kaka do wa odo. ³⁹ Ahwangan hlɔmanu tɔn ke le nukɔn na Jezu mɔ le ke e ku ɖo bo ɖɔ: «Xojɔxo mɛ, na do ɖɔ dahwe kɔ ovi Mawu tɔn wɛ e yi.» ⁴⁰ Nyɔnu ɖe lɛ le flɛn le zɔ bo le kpɔn do xlan. Le ye mɛ a na mɔ MaliMadgala tɔ, Mali Jezu onɔ, Jaki ɖekajɛ kpo do Joze kpo onɔ kpo do Salomɛ kpo. ⁴¹ Ye xodo Jezu bo gɔ alɔ n'i le azɔn lɔ mɛ le Galile. Nyɔnu susu ke xo do Jezu do yi Jeluzalɛmu lɛ lɛ le flɛn. ⁴² Hwedo do. Na do ɖɔ azan ke gbe ye nɔ sɔnu na oxwe lɔ, kake kpo sɔ. ⁴³ Jozɛfu Arimatinu lɔ wa. Eyɔ lɔsu le te kpɔn axɔluɖuto Mawu tɔn lɔ. Le adɔgbigbo etɔn mɛ, e yi Pilati de bo do yi byɔ ocyɔ Jezu tɔn. ⁴⁴ Ekpaca Pilati bɔ e do se ɖɔ Jezu bo ko ku. Eyɔ lɔ ahwangan hlɔmanu lɔ bo le kɛnse ɖɔ: «Edin din bɔ Jezu do ku wɛ?» ⁴⁵ Ahwangan hlɔmanu lɔ tin nume ni, bɔ e na gbe Jozɛfu ɖɔ ni bo ze cyɔ Jezu tɔn lɔ. ⁴⁶ Jozɛfu xɔ avɔ titɛ ɖaxo bo ze ocyɔ lɔ jɛte sɔn akluzu ji, lo bo mlɛn do avɔ lɔmɛ bo yi ɖi Jezu do yɔdomɛ le oso mɛ. Jozɛfu wa ze okpɛn ɖaxo ɖe bo bli ze ɖo yɔdo lɔnu. ⁴⁷ Mali Madgala tɔn, Mali Jezu onɔ, Joze nɔ le zɔ bo le mɔ fike Jozɛfu ze Jezu we ocyɔ ze i ɖi ɖo.