¹ Pake we oxwe kpo blɛdi ma ɖo lifin fɔnu kpo sɛkpo.vɔsatɔ mawutɔn kpo sɛnkplɔnmɛtɔ lɛɛ kpo kale ba ayixa ke yena do ɖomɔ na Jezu bo na wle. ² Amɔ ye le ɖɔ le yeɖe lɛɛ me bo ɖɔ:"mi ma kpego bo na wle le oxwe lɔ hwenu gɛ; e ma nyi lexa gɛ, togun lɔ na fɔn gu." ³ Jezu ka wa le oto ke ye nɔ ylɔ ɖɔ Betani lɔmɛ, bo le ɖunu , le Simɔ ke jɛ gudu kpɔn we xwegbe ,bɔ nyɔnu ɖe wa yede,bo hɛn celu ke nyɔwan ee bo vɛ axi bo le ogo ke jɔhun mɛ; ogo xɔn , okpin ke e nɔ ylɔ ɖɔ alubatlu wɛ e do blo . ⁴ Onuxɔn vɛ omɛ ɖelɛgo , bɔ ye le ɖɔ le yeɖe lɛɛ mɛ ɖɔ :" etɛ wutu wɛ ye le hɛn celu lɔ ɖo le ? ⁵ E hɛn e na sa celu xɔn denie afɔɖe kanwe ko (300), bo man na wamamɔnɔ lɛɛ," bɔ ye jɛ oxo ɖɔ do nyɔnu lɔ wu ji. ⁶ Jezu ka ɖɔ:" mi jo e do; etɛ mi le do tagba ni ? Onu dagbe wɛ e le blo na un. ⁷ Do wamɔnɔ lɛɛ le mi mɛ tɛgbɛ, bɔ e jlo mi hwe ɖe kpekpe nu, mi hɛn, mi na wa ɖagbe na ye. Nye ka ma le mi mɛ tɛgbɛ gɛ. ⁸ Le ke e kpe go ɖo xɛn e blo; le ke ye no sa ami na ocɔ bo no ɖi ɖo e wɛ e blo na agbaza ce ɖ 'ayi din na gbe ke gbe e na ɖi un. ⁹ Ma ɖɔ xo jɔ xo na mi: e jla wɛnɖagbe mawu tɔn gbɔn fi ɖekpekpe le gbe lɔ mɛ, e na nɔ ɖɔ nu ke nyɔnu kɔ blo din we xo bo do flin ." ¹⁰ Le ahwanvi Jezu tɔn weawe lɛ mɛ,mɛ ke nɔ nyi Judasi Isikalioti lɔ wɛ yi mɔ vɔsatɔ Mawutɔn ɖaxo lɛɛ , bo na sa Jezu na ye . ¹¹ Ke ye ɖo to e go do , evivi na ye,bɔ ye do akpa n' i ɖɔ emye bo na na ɛn akwa ; bɔ , e je leke e na blo bo na jo Jezu na ye lɔ ba ji . ¹² 12 Hwekenu e nɔ ɖu wɔxuxu ke mɛ e ma do linfin fɔn nu gɛ we azan nukɔn tɔn,ogbe exɔn gbe wɛe nɔ hu lɛngbɔvi do ɗu wayi wayi we oxwe, ahwanvi Jezu tɔn lɛɛ kɛn se ɖɔ:"Bɔ wɛ a jlo ɖɔ mi ni yi blo tɛnmɛ ɖ'ayi na we le na dindinwayi hwe lɔ ¹³ ?"Jezu ka ɖo ahwanvi etɔn awe do,bo ɖɔ na ye ɖɔ;"mi yi toxo lɔ mɛ;mi na mɔ dahwe ɖe bɔ e na hɛn tɔyizɛn. Mi xodwe ¹⁴ .Oxwe ke gbe e na biɔ, mi ɖɔ na oxwetɔ lɔ ɖɔ; "Mɛsi ɖɔ: bɔ jonɔ yi tɛn ke nyɛ kpo ahwanvi ce lɛɛ kpo na ɖu wayiwayi xwe lɔ le ?" ¹⁵ Exɔn godo e na xlɛ oxɔ ɖaxo ɖe mi le singbo ji, bɔ onu lɛ kpo sɔgbe le emɛ; flɛn wɛ mi na sɔ oxwe lɔ we nu na un le ." ¹⁶ Ahwanvi eton lɛ ka yi toxo lɔ mɛ ,bo mɔ onu lɛ kpo leke Jezu dɔ na ye do ,bɔ ye ɖa wayi wayi xwe lɔ we nu ɖuɖu le flɛn. ¹⁷ Ke hwedo do,Jezu kpo ahwanvi etɔn wyawe lɛ kpo wa . ¹⁸ Hwe kenu ye wa le ɖunu ,Jezu ɖɔ:"ma ɖɔ xojɔxo na mi, omɛ ɖokpo le mi mɛ ke le ɖu nu xa un lɛ mɛ bo na sa un ." ¹⁹ Ke ye se le xa, awu ku ye ,bɔ ye jɛ kikɛn se ji ɖe jɛ ɖe go do ɖɔ :" Nyɛn mɛ gɛ mɛ , alo ,?" ²⁰ Jezu ka yi gbe na ye bo ɖɔ : " omɛ ɖokpo wɛ , bo le mi mɛ wyawe lɛ mɛ bo le do alɔ nu sɔnuka ɖo kpo lɔ mɛ xa mi . ²¹ Nugbo wɛ, nyɛ ovi gbɛtɔ tɔn ɖo na ku ɖi leke e ko wlan ɖo gu ye ɖo ha; amɔ heelu na omɛ ke na sa un lɔ; omɛ exɔn gbɔ ɔ gɔn ogbɛ wa , e nyɔ ni hu." ²² Hwekenu ye le ɖunu , Jezu ze wɔxuxu bo dokpɛ na Mawu ,bo kan ,bo na ahwanvi etɔn lɛɛ bo ɖɔ : "mi yi , e kɔ ɔ agbaza ce wɛ . " ²³ E lɛ ze kɔfo ke mɛ vihun le lɔ ɖokpo , bo do kpɛ na Mawu ,bo ze na ye ,bɔ ye mɛ kpokpo nu ²⁴ .Bɔ e ɖɔ na ye ɖɔ:" Ekɔ ohun ce wɛ ; ohun ke Mawu do ze akɔ jijɛ we afɔ ɖo te lɔ wɛ ; e we kɔn nyi ayi do omɛ susu we tamɛ. ²⁵ Ma ɖɔ xo jɔxo na mi :un ma sɔ na nu vihun ɖe kaka yi hwe kenu na nu vihun yɔyɔ le axɔsu ɖuto Mawu tɔn mɛ le gɛ." ²⁶ Bɔ ye ji oxwe lɔ we han lɛɛ,bo ɖi do olivutinso lɔ ²⁷ ji.Jezu ɖɔ na ahwanvi etɔn lɛɛ ɖɔ: "Mi mɛ kpokpo wɛ onu ke na jɛ do ji e na hɛn hun na ,bɔ mi mɛ kpokpo na gba do ;ɖo e wlan do Maxo wema lɔ mɛ ɖɔ: "Na hu lɛngbɔnyitɔ lɔ, bɔ lɛngbɔ lɛɛ kpokpo na gbado ." ²⁸ Amɔ hwekenu Mawu na fɔn un sɔn ku godo, un na jɛ nukɔn na miyi Galilee. "Piyee ka ɖɔ ni ɖɔ : " ²⁹ Mɛ ɖyɛ lɛɛ kpokpo na bo jo we do ,nyɛn ma le jowe do gɛ ." ³⁰ Bɔ Jezu ɖɔ n'i ɖɔ: "ma ɖɔ xo jɔ xo na we : yɔ, le ozan kɔ, whɛkpo koklo na kuakɔ azɔn awe , ana ko gbɛ un azɔn atɔn ɖɔ e myɛ bo ma nyɔn nye wi gɛ." ³¹ Piyɛɛ ka lɛ tɛɖɛ ji syɛnsyɛn, bo ɖɔ:" nɛ e na jɛxa ɖɔ na ku xa we, un ma ja gbɛ ɖɔ un ma nyɔn we wi gɛ."Bɔ awhanvi ɖyɛ lɛɛ lɔsu ɖɔ xo ɖokpo lɔ. ³² Jezu kpo awhanvi etɔn lɛɛ kpo wa yi otɛn ke mɛ e nɔ ylɔ ɖɔ Jɛtisemanii lɔ. E ɖɔ awhanvi etɔn lɛɛ ɖɔ:"mi flɔn fi ,na ma yi bo xo ɖɛ bo wa ." ³³ E ka plan Piyɛɛ kpo Jaki kpo, kpo Jaan kpo. Obu ɖaxo ɖe jɛ e ji. ³⁴ Do e ɖɔ na ye ɖɔ:"awubla ke nɔ dɔn me yi ku lɔ mɛ wɛ un le; mi nɔ fi, bo nɔ nukle." ³⁵ ke e ɖɔ lexa a, e sɛ yi nukɔn kpɛvi ɖe, bo cɔn nukunmɛ do , bo jɛ oɖɛ xo ji ɖɔ na onu si gan nyi lee , awuvɛ hwenu ekɔ ni din wayi do emye. ³⁶ Bo nɔ ɖɔ: atɛ e vivɛna , nuti ma glo we gɛ;bo sɛ awuvɛ kɔfo ekɔ do lagbe na un ; amɔ ni kpɔn nyi ojlo ce gɛ, amɔ ni nyi ojlo to we. ³⁷ Exɔn godo , e lɛkɔ wa ahwanvi etɔn lɛɛ de, bo mɔ ye le amlɔn dɔ ɔn , bo ɖɔ na Piyɛɛ ɖɔ: "piyɛɛ amlɔn dɔn we aleʔ A ma sigan na nɔn nukle na oganxixo dokpo vɔvɔ gɛ. ³⁸ Mi nɔ nukle bo xo ɖɛ, bo nɔ kpɔn wa jɛ tɛnkpɔn mɛ gɛ ,ɖo gbɛtɔ ɖo ojlo ɖagbwɛ ,amɔ, agbaza etɔn ma ɖo hlɔnhlɔn ɖe gɛ." ³⁹ E lɛ sɛ yi lagbe, bo vɔ odɛ ɖokpo lɔ xo. ⁴⁰ E lɛ lɛkɔ wa , lɛ mɔ ye le amlɔn dɔ ɔn, nunkun yetɔn kpokpo wɛ kpɛn , bɔ ye ma sɔ nyɔ onu ke ye na ɖɔ n'i gɛ. ⁴¹ ke e lɛkɔ wa hwlan atɔn gɔ ɔ, e ɖɔ na ye ɖɔ:" mi lɛ kpo le amlɔn dɔ ɔn, bo le gbigbɔjɛ alo ʔ E kpe ogan lɔ ko xo. Ovi gbɛtɔ tɔn lɔ ke e jo do sɔ nyi ohwɛhutɔ lɛɛ we alɔ me din. ⁴² Mi bo cite na mi na sɔn. Mi kpɔn! me ke le ze un jo lɔ ko sekpɔ mɛ." ⁴³ Jezu kpo le oxo ɖɔ ɔn , bɔ me ke nyi Judaa le ahwanvi etɔn wyawe lɛɛ mɛ lɔ wa tlolo, bɔ omɛ susu ɖɛ lɛɛ xodo e, bo hɛn ohi kpo okpo kpo. Avɔsanu-xlemawutɔgan lɛɛ, kpo osɛnkplɔnmɛtɔ lɛɛ kpo, mexo lɛɛ kpo wɛ ɖo . ye ɖoxlan. ⁴⁴ Judaa ke le sa Jezu lɔ ka ko na oxlɛ ekɔ wu ye ɖɔ :" Me ke u na ki si na lɔ wɛ, mi wle e, bo kplan sɔ yi, mi ka hɛn e wu sin syɛn ." ⁴⁵ Ke Judaa wa tlolo o, e sɛkpɔ Jezu , bo ɖɔ:"Mɛsi bo kisi n'i. ⁴⁶ Bɔ ye wle e. ⁴⁷ Me ke le okpɔ xa Jezu lɛɛ ɖokpo sun ohi, bo xu avɔsanu xle mawutɔ ɖaxo lɔ we mɛsɛntɔ, bo kpa oto n'i . ⁴⁸ Jezu yi oxo , bo ɖɔ na ye ɖɔ:" Ajotɔ danuwatɔ wɛ un ka nyi bɔ mi hɛn ohi kpo okpo kpo bo ja wiwle un gbe eʔ ⁴⁹ Anyixɔngbe anyixɔngbe wɛ un le cɛncɛn mitɔn, bo le nukplɔn mɛ ɔ le sin sɛnxo mɛ, cobɔ mi ka ma wle un gɛ Amɔ, onu ke eko wlan do mawuxowema mɛ lɔ na do jɔ wutu wɛ. ⁵⁰ Ahwanvi etɔn lɛɛ kpokpo jo e do, bo si. ⁵¹ Ovi ɖekajɛ ɖeka xodo Jezu , bo le avo ɖokpo gee mɛ ,bɔ ye wle e . ⁵² Amɔ , e jo avɔ etɔn do, bo nɔ mɛ jɔgbe. ⁵³ E kplan Jezu ze yi vɔsanu-xlemawutɔ ɖaxo Kayifu we oxwegbe, bɔ avɔsanu-mawutɔ gan lɛɛ, mexo lɛɛ, kpo sɛnkplɔnmɛtɔ lɛɛ kpo we afɔ sɔgbe le flɛɛn . ⁵⁴ Piyɛɛ jɛ Jezu godo; e ma ka lɔ bo sɛ kpɔ ɛ gɛ; e nɔ alagbe n'i kaka yi vɔsanu-xlemawutɔ ɖaxo we oxwegbe. E yi flɔn omɛsɛntɔ lɛɛ kpa ,bo le xu omyɔ. ⁵⁵ Avɔsan-nawutɔgan lɛɛ kpo toxoɖɔgbɛ Jwfu lɛɛ tɔn kpo le ohwe kɛ ye na do Jezu , bo na hu i ba ɔn . ⁵⁶ Omɛ susu wa ɖe kunnu agɔ n'i; amɔ, kunnun ke ye ɖe lɛɛ, ɖe ma sɔbge xa ɖe gɛ. ⁵⁷ Omɛ ɖe lɛɛ ka cite, bo ɖe kunnun agɔ ekɔ n'i bo ɖɔ : ⁵⁸ " Mi se , bɔ e ɖɔ : " un na gban sinsɛn xo ekɔ ke gbɛtɔ sɔ alɔ do gba lɔ , bo na ze azan atɔn ɖote , bona gba ɖevo ke gbɛtɔ we alɔ ma gba gɛ ."" ⁵⁹ Amɔ ,akpa exɔn xwe lɔsu u ,kunnun ke ye ɖe lɛɛ lɔsu ma nyi ɖokpo lɔ gɛ. ⁶⁰ Avɔsanan-mawutɔ ɖaxo lɔ ka cite le agun cɛncɛn bo kanse Jezu ɖɔ;" Onu ke kunnunɖetɔ exɔn lɛɛ ɖɔ do awu lɔ xɛn , aɖo onu ɖe bo na kɛ d'ewu wɛʔ " ⁶¹ Jezu ka bɔ nu, bo ma yi n'i gɛ, bɔ avɔsan-namawutɔ ɖaxo lɔ lɛ vɔ kanse wu i ɖɔ :" Yɔ wɛ nyi klisi, ovi Mawutɔn ke mɛ kpo nɔ xomlan lɔ tɔn ɔʔ " ⁶² Bɔ Jezu yi gb n'i ɖɔ:" Nye wɛ, bɔ mi na wa nye Ovi Gbɛtɔ lɔ le anyififlɔn le Mawu Onulɛɛkpo-kpetɔ we aɖusixwe; milɛ mɔ un, bɔ un lɛ sɔn oji bo ja le akpɔkpɔ mɛ." ⁶³ Ke vɔvanan-mawutɔ ɖaxo lɔ se exo exɔn ke Jezu ɖɔ lɔ, e vun awu do kɔ na eɖe, bo ɖɔ: " Kunnun ɖide tɛ ba wɛ mi ka lɛ kpole loʔ ⁶⁴ Mi ma se onu ke e nylan do Mawu go ʔ Etɛ mi ka lin d'e wuʔ" Bɔ ye mɛ kpo gble hwɛ do ota na Jezu , bo ɖɔ oku wɛ jɛ xa ɛ. ⁶⁵ Mɛ ɖe lɛɛ le ye mɛ, bo jɛ otan tun kɔn nyi ewu ji; ye bla nukun mɛ n'i, bo jɛ nu xu i ji, bo nɔ ɖɔ n'i ɖɔ: "dɔ mɛ ke xu nu we lɔ." Bɔ sɔja lɛɛ dɔn ɛ, ob jɛ tomɛ xo n'i ji. ⁶⁶ Piyɛɛ kpo le fi ke e le xu omyɔ le lɔ, bɔ vɔsanan-mawutɔ ɖaxo lɔ we omɛsɛntɔ nyɔnu ɖokpo wa mɔ ɛ. ⁶⁷ Ke e mɔ ɛ bɔ e le xu omyɔ, e kpɔn tlili , bo n'i ɖɔ:"Yɔ lɔsu a nɔxodo Jezu nazalɛti tɔn lɔ ." ⁶⁸ Piyɛɛ ka gbɛ bo ɖɔ: "Un ma nywɛ wu i gɛ, un ka ma mɔ nukunnu jɛ onu ke a le ɖɔ exɔn lɔ mɛ lɔɔ gɛ;" Ke e ɖɔ le e , e sɔ mɔ do hontogbo ji, koklo do ase. ⁶⁹ Nyɔnnu omɛnsɛntɔ lɔ ka lɛ wa mɔ ɛ le hon to gbo lɔ ji, bo lɛ jɛ ɖiɖɔ na mɛ ke le flɛɛn lɛɛ ji ɖɔ: "Omɛ etɔn lɛɛ ɖokpo xɛn." ⁷⁰ Piyɛɛ ka lɛ gbɛ . E nɔ zaanɖe, bɔ mɛ ke le flɛɛn lɛɛ lɔsu ɖɔ na Piyɛɛ ɖɔ: "A le omɛ etɔn lɛɛ mɛ dandan ; ɖo Galilenu wɛ a nyi." ⁷¹ Piyɛɛ ka jɛ ɖiɖɔ ɖɔ : "Enyi lɛlɔ wɛ un le kpa , hun Mawu ni dɔn oto na un . Un xwle Mawu ɖɔ un bo ma nyɔ omɛ ke xo wɛ mi le ɖɔ exɔn gɛ." ⁷² Otɛn etɔn mɛ tlolo o, koklo do ase hwlan awegɔ, bɔ Piyɛɛ flin oxo ke Jezu ko ɖɔ n'i ɖ'anyi lɔ : "Hwɛkpo bɔ koklo no ase hwlan awegɔ ɔ, a na ko gbe un hwlan atɔn ɖɔ emye bo ma nyɔ un wi gɛ , " bà lin tamɛ do oxo exɔn lɔ wu , bo bɛ avi.