¹ Do gbɔn olo dido mɛ, Jezu le ɖɔ na ye ɖɔ: ² «Axɔluɖuta Mawutɔn ciɖi alɔwiwle axɔlu we vi ɖe tɔn ke axɔlu lɔ le sɔ onu na. ³ Bɔ e sɛ mɛsɛntɔ etɔn lɛ ɖo xlan jonɔ etɔn lɛ, amɔ ye ma ba na wa gɛ. ⁴ Axɔlu lɔ lɛ sɛ mɛsɛntɔ etɔn lɛ ɖo xlan ɖevo bo le ɖɔ: "ɖɔ na jonɔ ce lɛ": «Nuɖuɖu lɔ ko sɔgbe, un hu nyibu bo lɛ hu kanlin ce ke do ju ganji lɛ. Nubi ko sɔgbe, mi wa mi ni ɖunu na alɔ wiwle lɔ. ⁵ Bɔ omɛ exɔn lɛ ye ma ze do ylɔ nu gɛ. Ye sɔmɔ yi onu yetɔn lɛ gbe. Mɛɖe sɔmɔ yi gelemɛ, mɛɖevo sɔnu yi ajɔ yetɔn lɛ gbe. ⁶ Mɛ ke kpo lɛ zɔndo mɛ ke axɔlu lɔ sɛdo lɛ ji bo xo ye, bo lɛ hu ye. ⁷ Axɔlu lɔ sin xomɛ, bo sɛ ahwanfuntɔ etɔn lɛ do. Ye yi bo hu mɛhutɔ lɛ bo d'ozo toxo yetɔn. ⁸ Exɔn wayi, axɔlu lɔ lɛ ɖɔ: "Alɔwiwle lɔ ko ya, ye mɛ ke na nyi jonɔ ce lɛ ma jɛ xa gɛ. ⁹ Mi yi mɔklantɛn lɛ bɔ mɛɖe kpekpe ke mi mɔ, mi ylɔ ye wa alɔwiwle xwe lɔ tɛnmɛ. ¹⁰ Azɔnwatɔ axɔlu tɔn lɛ yi, bɔ le nugbo mɛ ye kple gbɛtɔ ke ye mɔ lɛ nugbo, mɛ ɖagbe kpo omɛ nyinyla lɛ kpo. Hwenu ke ye wa, alɔwiwle xɔ lɔmɛ gɔ kpodo jonɔ lɛ kpo. ¹¹ Hwenu ke axɔlu lɔ byɛ oxɔ lɔ mɛ, bo mɔ jonɔ lɛ, e mɔ dahwe ɖokpo bɔ e ma ɖo acɔ ɖi le ke e jɛ ɖo ha gɛ. ¹² Axɔlu lɔ le kanse wi ɖɔ: Nɔvi, naɖe wɛ e nyi ɖo bɔ a byɔ fi bo ma sɔ oxwe nu gɛ? Bɔ dahwe lɔ nɔ onu ma kɛ. ¹³ Bɔ axɔlu lɔ le ɖɔ na jonɔ lɛ ɖɔ: " Mi bla afɔ kpo alɔ kpo na dahwe kɔ bo ze ze nyi do gaji le zinvlun mɛ le fike avi kpodo aɖu kunkun le kpo le. ¹⁴ Omɛ susu wɛ e ylɔ amɔ vuɖe wɛ e na cnya. ¹⁵ Bɔ Falizinu lɛ to le ke ye na zin Jezu do oxo e lɔsu tɔn mɛ ɖo. ¹⁶ Bɔ Filizinu lɛ sɛ ahwanvi yetɔn le ɖo xlan Jesu de, kpodo Helodu we ahwanvi lɛ kpo do le ɖɔ na Jezu ɖɔ: «Mi nywɛ ɖɔ a nɔ ɖɔ xojɔxo, bo nɔ lɛ kplɔn nugbo li Mawu tɔn lɔ mɛ. A mɔ nɔ wa nu gbigban gɛ, bɔ a mɔ nɔ le da le mɛɖe ji gɛ.» ¹⁷ Mi na su takwa Seza tɔn, ewo alo ɛɛ? ¹⁸ Jezu mɔ nukunu jɛ adaka hiho yetɔn mɛ bo le yi gbe na ye ɖɔ: Awonɔ yɛmɛ nuwatɔ kɔ lɛ, etɛ wutu mi le tɛn un kpɔn? ¹⁹ Mi xlɛ un akwa ke mi nɔ do su takwa lɔ ɖokpo un ma kpɔn.» Bɔ ye ze xlɛ le nugbo mɛ. ²⁰ Jezu ɖɔ na ye ɖɔ: «Mɛ wɛ nyi oyɛ kɔ kpodo nyikɔ ke le akwagan lɔ ji kpo?» ²¹ Ye yi ogbe n'i ɖɔ: «Seza tɔn wɛ.» Bɔ Jezu le ɖɔ na ye ɖɔ: «Mi ze nu ke nyi Seza tɔn na Seza, bo ze nu ke nyi Mawu tɔn na Mawu.» ²² E kpaca ye na nu ke Jezu ɖɔ, bɔ ye jo e do bɔ sɔn. ²³ Gbe exɔn gbe Saducɛnnu ke nɔ ɖɔ fɔn sɔn ku Jezu tɔn bo nyi awo lɛ wa Jezu de bo le kanse wi ²⁴ ɖɔ: «Mɛsi, Moyizi ɖɔ ɖɔ" na mɛɖe ku ovi ma ji, nɔvyɛ na ze asyɛ, bo na ji vi le wu." ²⁵ Nɔvi cnyawe wɛ e ɖo, mɛ nukɔntɔn ɖe nyɔnu lɔ, ovi ma ji bo ku. ²⁶ Mɛ awegɔ blo onu ɖokpo lɔ pɛpɛpɛ kaka yi jɛ omɛ cnyawe gɔ lɔ ji. ²⁷ Ye me kposese godo, nyɔnu lɔ lɔsu wa ku. ²⁸ Jezu na mi mɔjɛmɛ etɔn, fɔn sɔn ku godo mɛtɔn wɛ na nyi nyɔnu lɔ le omɛ cnyawe le kposese mɛ ɖo ye mɛ kposese wɛ nyi asu n'i le gbɛhwenu? ^{30 29} Jezu nyi gbe na ye bo le ɖɔ na ye ɖɔ: «Mi ma mɔ do na nu ke mi le ɖɔ gɛ, ɖo mi ma mɔ nukunnu jɛ oxo Mawu tɔn mɛ kpodo hɔnhlɔn Mawu tɔn kpo mɛ gɛ. Fɔn sɔn ku gbɛtɔ lɛ tɔn godo, asu kpodo nyɔnu ɖiɖe kpo ma sɔ na le ba gɛ Mɛ lɛ bisese na ciɖi wenzagun lɛ ha le sɛxwe ³¹ Nu ke nyi fɔn sɔn ku tɔn, mi ma xa nu ke Mawu wlan na mi? ³² Un nyi Mawu Ablaxamu tɔn, Izaki kpodo Jakɔbu tɔn kpo? Mawu gbɛɖe wɛ e nyi, e ma nyi Mawu mɛ kuku lɛ tɔn gɛ. ³³ Nu kpaca togun lɔ hwenu ke ye se nukplɔnmɛ Jezu tɔn xɔn lɔ. ³⁴ Hwenu ke Falizinu lɛ se ɖɔ nu kplɔnmɛ Jezu tɔn bo byɔ gbɛzan mɛ na Saducɛnnu lɛ, ye xo yeɖe kple. ³⁵ Na do do Jezu kpɔn, mɛ ɖokpo le osɛn kplɔnmɛtɔ lɛ mɛle kan oxo ɖokpo se Jezu: ³⁶ Osɛn tɛ nyi ɖaxo bisese le osɛn lɛ mɛ Mɛsi? ³⁷ jezu yi gbe n'i ɖɔ: A na nyi wan na Aklunɔ Mawu towe kpodo ayixa towe bisese kpo, kpodo alindɔn towe bisese kpo, kpodo linlin towe bisese kpo. ³⁸ Osɛn taji na osɛn lɛ kpokpo xɛn, bo lɛ nyi nukɔntɔn lɔ. ³⁹ Osɛn awegɔ lɔ lɛ ciɖi yiha: "Nyi wan na awegɔ towe ɖi yɔ lɔsu ha." ⁴⁰ Osɛn lɔ kpokpo, oxo yiɖɔtɔ lɛ kpokpo sɔn osɛn awe xɔn lɛ mɛ. ⁴¹ Jesu le kan xo se kplekple Falizinu le tɔn ɖɔ: ⁴² «Nutɛ wɛ mi nɔ lin do Klisi go? Mɛ we ovi wɛ e nyi?» Ye yi gbe n'i ɖɔ: «Ovi Davidi tɔn.» ⁴³ Jezu le ɖɔ na ye ɖɔ: «Davidi gɔ kpodo Oyɛ ɖeɖovo lɔ kpo, e ylɔ ɛ ɖɔ "Mɛsi"; etɛ wutu?» ⁴⁴ Davidi ɖɔ: «"Aklunɔ le ɖɔ na Aklunɔ ce": wa flɔn aɖisi xwe, ɖo na ze kɛntɔ towe lɛ do afɔ towe gɔ.» ⁴⁵ Davidi lɔsu nɔ ylɔ Jezu ɖɔ Aklunɔ, bɔ naɖe wɛ e na lɛ nyi Davidi we ovi ɖo? ⁴⁶ Ɖokpo ye tɔn le Falizinu lɛ mɛ ma kpe go na na osin oxo ɖokpo ge Jezu tɔn gɛ. Sɔn gbe exɔn gbe, ɖokpo yetɔn ma kpe go na lɛ sɔ kan oxo se wu Jezu ba gɛ.