¹ Jezu wale sɔn bomɔ́n, dahwe ɖa, bɔ é ji kpo nukuntintɔn kpo. ² Jezu we xodotɔ lɛ́ɛ ka kan se wiɖɔ : "Mɛ́si, mɛka huwɛ bo édo ji da hwɛ́ɛ^ka kan se wiɖɔ : ' Mɛsi, mɛ va huhwɛ bo é do ji dahwé ékɔ kpo nukun. tintɔn kpo? É lɔsu wɛ huhwɛ ǎ, alo, mɛke jǐ lɛ́ɛ ɖě wɛ hu hwɛ ? ³ Jezu ka yi gbena yě ɖɔ: " Elɔsu hu hwɛ wutu mɛ gɛ; etɔn nukun na hɔnhlɔn Mawu tɔn na do nyi ɖiɖelɛ lě le wu. ⁴ Oɖin ke okle gbɛkpo léte, miɖona wa mɛ mɛka ɖó mi ɖo xlan lɔ we azɔn, ɖo oozan koja kukugbe, bɔ mɛɖé ma sɔn sixu kpe nuɖe wu bowajɛ. ⁵ Hwenu ke un sigan kpo le ogbɛ lɔmɛ, nyɛ wɛ nyi wɛziza ogbɛlɔ" ⁶ Ke Jezu ɖɔ le, e tun tan do ayizámɔn, bo do fan bǎba, bo sa do nukun na dahwe lɔ, ⁷ bo ɖɔniɖɔ: " Yi klɔ lé silowée tɔnu : " (silowea lɔwe tinmɛ wɛ nyi mɛsɛ́ɖó.) Bɔ omɛ nukun tintɔnnɔ lɔ kayiklɔ le otɔlɔnu xonugbo; ke élɛkɔ, emɔ nǔ cédécéɖé. ⁸ Mɛ ka le xwe etɔn gbe lɛ́ɛ kpo mɛkekonɔ mɔ́ɛ d'ayi bɔ enɔlé byɔ nǔɖuwɛ lɛɛ kpo nɔɖɔ: "Ema ka nyi mɛke nɔ fln ayi bonɔ le byɔ nuɖu lɔ xɛn?" ⁹ Bɔ mɛɖě nɔ ɖɔ : "i wɛ", bɔ mɛɖevolɛ́ɛ ka nɔ ɖɔ : "Gbeɖé, mɛɖimɛ wɛ wɛ.'' É lɔsu kanɔ ɖɔ na yě ɖɔ: "Nyɛ lɔsu jɛn wɛ." ¹⁰ Yě ka kan e seɖɔ: " Nade nukun towe lɛɛ ka hu ɖó?" ¹¹ Bɔ e yigbe na yě ɖɔ: "Mɛke énɔ ylɔ́ ɖɔ Jezu lɔ wɛ fan baba, bo sa do nukún na un, bo ɖɔ na un ɖɔ: ' Yi tɔ kayi tɔ lɔ nu boyi klɔ, un bo yi klɔ: kě un kayi tɔ lɔ nu boyi klɔ, un mɔ nukunnu! ¹² Ye ka kan ɛ séɖɔ: ''Bɔ wɛ mɛ lɔ le?" Bɔ é yi gbona yé ɖɔ : 'Un ma nyɛngɛ". ¹³ Yě kplan meká konyi nukuntintɔnnɔ d'ayi lɔ yijo na Falizyɛn lɛ́ɛ. ¹⁴ Gbe kajbe Jezu ka fan baba, bodo hun nukun n'i, gbɔjɛ we azan juifu lɛ́ɛ tɔn gbewɛ. ¹⁵ Éxɔn watu wɛ Falizyɛn lɔsu kan xo wi se dó leka ehun nukun n'i ɖo lɔ wu. É kaadɔ na yě dɔ: É fan baba bosa do nukun na un, bɔ un yi klɔ, bo kajɛ nǔ mɔji." ¹⁶ Falizyɛn lɛɛ ɖěɖɔ " Meke blo nú lexatɔn nawa ma sixu kpojonasɔn Mawudojɛ; ɖó e gba sɛn ká ɖɔ xo do gbɔjɛwe azan lɔ wu Mɛ ɖavo lɛ́ɛ ɖɔ: "Naɖewɛ hwɛ hwɛ hatɔ ka sixu jlɛ onu lexatɔn lɛɛ ɖo?" Bɔ ogbe yetɔn jɛ vovo. ¹⁷ Yéka lɛ́ɛ kanse mɛkaka nyi nukuntintɔn nɔ d'ayi lɔ ɖɔ: ' yɔ mɛka hun nǔkun na we lɔ, etɛ a ka lin do mɛ exɔnwu?" É ka yi gbe nayě ɖɔ : 'Gbeyidɔ Mawu tɔn dé wɛ". ¹⁸ Nu lélé có, Jwiƒuganlɛɛ majlo naɖinu ɖɔ dahwe lɔ ko nyi nukúntintɔnnɔ́ d'ayi hwɛ kpo bo lɛ wa jɛ nukúnnu mɔji gɛ̀. bo gbɔ bo ylɔ mɛ jii lɛɛ, ¹⁹ bo kan yese ɖɔ: " Ovi mitɔn tɔ jɛn nyi ékɔ? Nukun tintn nɔ wɛ enyi bɔmi do jii xonujbó? Naɖe éka jɔ ɖobɔ elɛjɛ nu mɔ ji din?" ²⁰ Mɛké jii lɛɛ ka yi gbe na yě ɖɔ: "Vi mǐtɔn wɛ, bɔ miji nukuntintɔnnɔ étɔn. ²¹ Amɔ̌, leká anyi ɖó din, bɔ e wa lɛ jɛ numɔ́ ji, mima mɔ dona jɛn Mikan xose elɔsu, ɖo eko ɖo xwé ke na dɔxo ɖo elɔsunu; é lɔsu na tin mɛ na mi." ²² Mɛ ké jii lɛɛ dɔ lě ko kplé bo ɖɔ do alɔ ɖokpoji ɖɔ mɛɖé mɔ Jezu domɔ klisu, e mye lɛɛ bo na nya' ɛ tɔn sɔn kplɔn we agbasa emyétɔn. ²³ Nuke zɔn bɔ mɛke jii lɛɛ ɖɔ ébó koɖo xwe ke bo noɖo do elɔsu nu lɔ xɛn, boɖɔ é ni bo kan xosé élɔsu. ²⁴ Jwifugan lɛɛ lɛvɔ ylɔ mɛká konyi nukuntintɔnnɔ ɖ'ayi lɔ hwlan wegɔ̌, bo ɖɔni ɖɔ: "kpa gigo na Mawu; mye mi nyɔɛ ɖɔ dahwe é xɔn, hwɛhutɔ wɛ.'' ²⁵ Éyɔ kaɖɔ na yé ɖɔ: "Éto nyi hwɛhutɔ oo, éto ka lɛgɔn hwɛ hutɔ nyi oo, un ma nyɔ 'ɛn gɛ, nu ɖokpo gée ké un nyɔ ɛn wɛnyi ɖɔ: nukuutintɔnnɔ wɛ un nyi ɖ'ayǐ, amɔ un le mɔ nǔdin. ²⁶ Yě lɛ kan'ɛ sé ɖɔ: naɖé é ka blo ɖo ba we? naɖe ékq hun nukun nawe dó? ²⁷ Bɔ e yi gbr na yě ɖɔ: Un koɖɔ leka anyi do tɔ na mi, bɔ mimakajlo na se jɛ, naɖe eka nyido ɖin bɔ mijlo ɖɔ ma lɛvɔ ɖɔ na mi? Alo mya lɔsu jlo na huzu xodotɔ etɔn lɛɛwe? ²⁸ Ke dahwe lɔ ɖɔ lexa na yě, yé jɛ zunzuiji bɔ boɖɔ: " Yɔwɛ nyi xodotɔ dawe exɔntɔn, myè xoɖotɔ Mɔyìzi tɔn wɛ mi nyi. ²⁹ Myé mi nyɔɛn ɖɔ Mɔyizi wɛ Mawu ɖɔxona amɔ, mɛ éxɔ́n, mi na nyɔ fike eyɔ tɔnsɔn gɛ. ³⁰ Mɛ lɔka yigbe na yě ɖɔ: Ékpáca un bɔ mi ma nyɔ fike e sɔn gɛ, co éka hun nukun na nyɛ. ³¹ Ɖo mye lɔ su mi nyɔɛn ganji ɖɔ Mawu bomɔ nɔ ɖoto hwɛhutɔ lɛ́ɛ gɛ; mɛ ko kanɔ si Mawu bonɔ blo nuke nɔ nyɔ Mawu nu kun mɛ, mɛ exɔn wɛ Mawu nɔ ɖóto. ³² É mu se kpɔn gbeɖe ɖɔ, mɛɖá hun nukán na mɛ ka ko tɔn, nukun sɔn anɔ we adɔmɛ kpɔn gɛ mɛ. ³³ Ényi mɛ exɔn ma sɔn Mawu dé gɛ, éma sixu blo nuti gɛ." Ényi mɛ exɔn ma sɔn Mawu dé gɛ, éma sixu blo nuti gɛ." ³⁴ Ya ka yi gbe n'i ɖɔ: 'Yɔlɔsu blebú, ahwɛ mɛ wɛ eji we do, bɔ a ka wo ja onukplɔn mye lɛɛ gbe : Bɔ ye ɖeesɔn agan yetɔn mɛ. ³⁵ Ke Jezu seɖɔ ye boɖa dahwe ke éhun nukun na lɔ sɔn agun yetɔn mɛ, e wa yi kpée ɖo mɔji, bo kan' ɛ́ so ɖo : " A ka ɖinu na eviglɛtɔ tɔn lɔ? ³⁶ Dahwe lɔ ka yi gbu n'i ɖɔ : "Medxo, mɛka nyi mɛlɔ, dɔ na un na maɖinu n'i." ³⁷ Jezu ka ɖɔ n'i ɖɔ : "Mɛlɔ jɛn ako le mɔ lé nukɔntowekɔ, é we nyi mɛka le dɔxo ŋawe din". ³⁸ Bɔ melɔ ɖɔ n'i ɖɔ: "Un dinu na wee Aklunɔ", bo jɛ klo bo døkɔ n'i. ³⁹ Jezu ka ɖɔ : "Un wa ojbɛ lɔ mɛ bo naɖe nú ma sɔgbe gbɛtɔ lɛ́ɛ tɔ jɛ agbawungba, na mɛka mɔ nɔ mɔ nü gɛ lɛ́ɛ na mɔ nü, bɔ mɛke ka ko le mɔ nǔ lɛ́ɛ na huzu nukuntintɔnnɔ. " ⁴⁰ Falizyɛn ɖe lɛka le flinxa Jesu, bo se xo ké é ɖɔ lɔ, bo kan ɛ so dɔ : " Mye lɔ su nyi nu kuntintɔnnɔ gba wɛ?" ⁴¹ Jezu kayi jbe na yě ɖɔ: " Enyi nukuntintɔn nɔ wɛ mi konyi, ohwɛmitɔn mabɔ na kpole kɔ na mi, ohwɛ mitɔn lɛ́ɛ kpo le kɔ na mi."