¹ Bɔ, Jesu yi sé ké é nɔ nɔ ylɔɖɔ olivutin we só lɔ ji. ² Ayihɔngbe étɔn zanfunnu tɛɛn, é lɛkɔ yi amisaxɔmɛ, bɔ mɛ lɛɛ kpo zɔn hóo bo wa é de, é flan yi, bo jɛ nu kplɔn yé ji. ³ Hwexɔnnu wɛ sɛnkplɔn mɛtɔ lɛe kpo do Falizyɛn lɛɛ kpo kplan nyɔnu ɖé wa, bo sɔɛ ɖó agun lɔ nukɔn; nyɔnu exɔn, afɔ wɛ é lé dogbe bɔ yé yi gbo é do. ⁴ Yé ɖɔ na Jezsé, u ɖɔ :"Mɛsi, nyɔnu ekɔ, afɔ wɛ élé do gbe bɔ mi yi gbo é do. ⁵ Mɔyizi wé osɛn lɔ ka ɖɔ, omɛ lexatɔn, Kɔwungo bɛ é bo na nyi do hwi. É tɛ yɔ ka lin d'éwu?". ⁶ Oxo éxɔn ké yé kan Jezu sé, omɔ wɛ e nyi bɔ yé ɖó n'i , bo na dó do hwɛ nii Jezu ka fɛ, bo jɛ nu wlan do ayizanmɔji kpo alɔvikpo. ⁷ Ké yé la kanxo wise ma gbɔkɔ, é jlɔkɔ bo ɖɔ né yɛ ɖɔ :"Mɛ ké lé mimɛ bo wa hu hwɛ kpɔn gbéɖé gɛ ni nyi kɔwunglo dó é jɛ nukɔn." ⁸ Ke é ɖɔ lexa, é lɛ fɛ, bo jɛ nuwlan do ayizan mó ji. ⁹ Ke mɛ ké kplan nyɔnu lɔ wa Jezu lɛe sé lɛe, yé jɛ sinsɔn ji ɖo kpo ɖo kpo bɛ sɔn mɛxo lɛji, bɔ éwa kpo Jezu ɖokpo nɔ gée kpo nyɔnu lɔ kpo. ¹⁰ Jezu le jlɔ kɔ, bo kan se nyɔnu lɔ ɖɔ: "Nyɔnu! Bɔ mɛlɛɛ le? mɛɖe ma sɔ dahwɛ na we ba? ¹¹ Nyɔnu lɔ yi gbé nii ɖɔ:"Mɛ ɖé kpékpé sɔ dahwɛ na wun gɛ, Aklunɔ. " Jezu ka ɖɔ nii ɖɔ:"Nyɛ lɔ su ma dahwɛ na we gɛ; bo yi, sɔn adin, nɔ kpɔn sɔ huhwɛ ɖe ba gɛ." ¹² Jezu lɛ jɛ nukplɔn mɛ lɛɛ ji le amisa hɔmɛ, bo ɖɔ na yé ɖɔ:"Nyɛ wɛ nyi wéziza ogbɛ lɔ tɔn; mɛ ke xodo un ma kpego na gbɔn zinvlu mɛ gbɛɖe, amɔ, é na mɔ weziza ke nɔ na gbɛ jɔ gbɛ mɛ lɔ". ¹³ Falizyɛn lɛɛ ka ɖɔ ni ɖɔ:"Kunnu wɛ alé ɖé na yɔ lɔ su; é xɔn wutu, xó towé ma nyi xonugbo gɛ." ¹⁴ Jezu ka yi gbe na ye dɔ:"Ena bo nyi kunnu wɛ un le ɖe na nyɛ lɔ su, xo ko un lé ɖɔ lɔ, xonugbo wɛ é nyi; ɖo un nyɔ fi ke un sɔ, bo ka lɛ nyɔ fiké un xwe. Miyé, mi mɔ nyɔ fiké un sɔn wi gɛ, mi ma ka lɛ nyɔ fiké un xwe lɔ gɛ. ¹⁵ Leka gbɛtɔ lɛɛ nɔ dahwɛ ɖó, wɛ mi na da hwɛɖo; nyɛ, un mɔ nɔ ɖɔ hwɛxa meɖe gɛ. ¹⁶ Enyi , un ke dahwɛ jɛn wɛ, bé ohwɛ jijlɔ wɛ un nɔ ɖɔ, ɖó un ma nyi nyɛ ɖokpo nɔ gɛ, Ta ce ké ɖo un ɖo xlan lɔ kpo nyɛ kpo we lé kpɔ. ¹⁷ Ẽ ka ko wlan do Mawuxo wema mitɔn lɔ mɛ ɖɔ:"Nu ke mɛ we ɖe kunnu ɖokpo lɔ na, xonugbo wɛ ényi." ¹⁸ Un le ɖe kunnu na nyɛ lɔ su wɛ, Ta cé ke ɖo ɖo xlan lɔ su ka le ɖe kunnu na un." ¹⁹ Ye kan se wi ɖɔ:"Bɔ wɛ Ta towe lɔ ka lé? Jezu yi gbe na ye ɖɔ:"Mi ma nyɔ wi gbɛ, mi ma ka lɛ nya Ta ce wi gɛ. É nyi mi ko nyɔ wi wɛ, mi na ko nyɔ Tace lɔ su wi." ²⁰ Hwenu ké Jezu le ɖɔ xo é xɔn lɛɛ, nu wɛ e lé kplɔn mɛ lɛɛ le amise hɔmɛ, le ogba ke mɛ e nɔ zé kɔ bɔ do lɔ kpa, mɛ ti maka wle gɛ, ɖo gan etɔn ma ko xo gɛ. ²¹ Jezu ka lɛ ɖɔ na ye ɖɔ:"Un lé sɔn, mi na din un, amɔ, mi na ku do hwɛ mi tɔn lɛɛ mɛ, dó mi ma kpego na yi fike un xwe lɔ gɛ." ²² Jwifu gan lɛɛ ka jɛ ɖiɖɔji lé yè lɔ su lɛɛ cyɛn cyɛn ɖɔ:"É lɔ su hu gbé wɛ éka ja? ɖo é dɔ:"Mi makpégo nu yi fi ké un xwelɔ gɛ. ²³ Jezu ka yi gbe na ye bo ɖɔ:Mya lɛɛ, ayizanji fikɔ tɔn mi nyi, amɔ nyɛ oji dɔn tɔnwɛ un nyi:ogbɛ ékɔ tɔn mi nyi, amɔ nyɛ, un ma nyi ogbɛ éké tɔn ge. ²⁴ É xón wutu wɛ, un ko ɖɔ na mi ɖɔ, ohwɛ mitɔn lɛɛ mɛ wɛ mi na ku do. Enyi mi ma ɖinu do un nyi mɛ ké un nyi gɛ, mi na ku do hwɛ mitɔn lɛɛ mɛ." ^{25 26 27} Yé ka lɛ kan é sé ɖɔ:"Mɛ wɛ a ka nyi? Jezu yi gbe na yé ɖɔ:"Mɛ ké un ko dɔ na mi sɔn bibe ɖɔ un nyi lɔ wɛ un nyi. Un ɖó nu susu bo na ɖɔ dó mi wu, bo na ɖɔ hwe do nu susu wu na mi; amɔ mɛke ɖo un do xlan lɔ, xonugbo dɔtɔgbotɔwɛ, bɔ na nu ke un se sɔn onu étɔn lɔ keɖɛ wɛ un le ɖɔ na ogbɛ lɔ." Yé ma ka mɔ nukunnu jɛ wu otɔ lɔ xo wɛ éle ɖɔ na emye lɛɛ jɛ. ²⁸ Bɔ Jezu ɖɔ na yé ɖɔ:"Hwenu ka mi na wa sɔ ovigbɛtɔn lɔ do ji, mi na nyɛn ɖɔ un nyi mɛké un nyi lɔ, bɔ un ma ka nɔ ɖɔ nuɖe kpe kpé lé nyɛn lɔsu we acɛmɛ gɛ; nu ké Tace kplɔn lɛe keɖɛ wɛ un nɔ ɖɔ. ²⁹ Meké do un ɖo xlan lɔ ka le kpɔ xa un; é ma jo un do gɛ, ɖó nuké nɔ nyɔ nukun étɔn mɛwɛ un hɔ bló tɛgbɛ." ³⁰ Ké Jezu lé dɔ xo ɖo lexa, mɛ susu ɖinu nii. ³¹ Jezu ɖo na Jwifu ké ɖinu n'i lɛɛ ɖɔ:" É nyi mi se gbé na un, mi nyi xodotɔ ce xonugbo. ³² Mi na nyɔ nu gbo lɔ wi, bɔ nugbo lɔ na ɖé mi sɔn kannu mɔ gbé nu." ³³ Ye ka yi gbe n'i ɖɔ :"Ablaxamu vi wɛ mɛ nyi, mi ma nɔ kannu mɔ gbenu mɛɖatɔn kpɔn gbeɖé gɛ; etɛ wutu a ka ɖɔ e bo na ɖe mi sɔn kannumɔ gbenu?" ³⁴ Jezu ka ɖɔ na yé ɖɔ:"Ma ɖɔ xonugbo ne mi: ( mɛ ke nɔ huhwɛ) hwɛhutɔ ɖe kpekpe, ohwɛ wé kannu mɔ wɛ e nyi; ³⁵ amɔ, mɛ ké nyi kannumɔ ɖé mɔ nɔ xwegbo kaka sɔ yi gɛ. ³⁶ É nyi ovi lɔ ɖe mi sɔn kannumɔ gbénu, mi na tɔn sɔn kannumɔ gbenu xonugbo. ³⁷ Un nyɔɛn ɖɔ Ablaxamu vi wɛ mi nyi xonugbo; amɔ, mi ka lé din na hu un, ɖo mi ma ɖinu na oxo ca lɛe gɛ wutu. ³⁸ Nu ké un mɔ le Tace ɖe wɛ un le dɔ; bɔ myé lɔ su ka lé blo nu ké mi se sɔn otɔ mɛtɔn ɖé. ³⁹ Ye yi gbe n'i ɖɔ:"Ablaxamu wɛ nyi ta mi tɔn. Jezu ka ɖɔ na yetɔ:"enyi Ablaxamu we ovi wɛ mi ko nyi xonugbo, mi na ko nɔ wa nu di i ha. ⁴⁰ Amɔ, nyɛ ka ɖɔ nugbo ke un se le Mawu nu lɔ na mi, co mi ka lɛ le din na hu un; Ablaxamu ma ka nu xɔn ha kpɔn gbeɖe gɛ. ⁴¹ Nuke mye tɔ nɔ wa lɔ jɛn mye lɔ su la wa ɔn". Ké é ɖɔ le, ye mɛ kpo sese yi gbe n'i ɖɔ:"mi ma nyi agavi gɛ; Mawu wɛ nyi otɔ ɖokpo gée ke mi ɖo." ⁴² Jezu ka yi gbe na ye ɖɔ:"Enyi Mawu jen nyi otɔ na mi xonugbo, mi na ko nyi wan na un, ɖo Mawu ɖé wɛ un sɔn bo wa jlo nyɛ lɔ su tɔn mɛ mɛ un wa do gɛ; amɔ, É we ɖo un ɖo xlan. ⁴³ Étɛ wu mi ma ka mɔ nu jɛ xo ce lɛɛ mɛ gɛ? Ɖó xo ce! vɛ sisé nu mi. ⁴⁴ Owovi wɛ ta mitɔn, bɔ nuké nɔ jloé lɛɛ wiwa wɛ nɔ nya nukun na mi. Mɛhutɔ wɛ é konyi sɔn bibɛmɛ, é ma nyi wan na xonugbo gɛ, dó xonugbo dé ma lé onu étɔn mɛ gɛ é na ɖ'awo, onu le ogbe un gba wɛ , ɖó élɔ su lɔ kpokpo sésé ko nyi awosi, bo lɛ nyi awonɔ lɛ wɛtɔ. ⁴⁵ Amɔ, nyɛ, xonugbo wɛ un nɔ ɖɔ, é xɔn wu wɛ mi ma nɔ ɖi nu na un gɛ. ⁴⁶ Mɛ ka le mi bo na sixu ɖe xlɛ dɔ un hu hwɛ kpɔn? E nyi un ka lé ɖɔ nugbo na mi, étɛ wu mi ma nɔ dinu na un gɛ? ⁴⁷ Mɛké nyi Mawu tɔn, Mawuxo we énɔ ɖoto; myé mi ka mɔ nɔ ɖo tó Mawuxo lɔ gɛ, ɖo mi ma nyi etɔn gɛ wutu." ⁴⁸ Jwifu ke gbɛ wan na Jezu lɛɛ ka yi gbe n'i ɖɔ:"Ké mi ɖɔ Samalinu wɛ yɔ bo nyi, bɔ oyɛ nyinylan bo le ji we, amɔ ɖɔ ahwɛ mitɔn jɔ?" ⁴⁹ Jezu ke yi gbé na yé ɖɔ:"Oye nyinyla ɖé ma lè ji'e gɛ, Tace wɛ un lé sɔ su , bɔ myé ke lé ɖo hɛn un. ⁵⁰ Un mɔ nɔ sɔ nyɛ lɔ su su ge, Mawu wɛ nɔ sɔ un su, bo nɔ ɖɔ hwɛ. ⁵¹ Ma ɖɔ xonugbo na mi: e nyi mɛɖe se xo ce, bo blo d'eji, mɛ lɔ ma kpewu na ka gbe ɖa gɛ." ⁵² Jwifu ké gbɛ wan na Jezu lɛɛ, yi gbe n'i dɔ:"Mi mɔ din ɖɔ oyɛ nyinylan wɛ le jiwe xonugbo; Ablaxamu ko ku xóxó, bɔ xoy dɔtɔ Mawutɔn lɛɛ kpokpo ko ku , bɔ yɔ ka wa ɖɔ din dɔ:"Enyi mɛɖe bo se xo emy étɔn bo blo d'eji mɛ lɔ bo ma kpégo na ku gbɛ da gɛ. ⁵³ Yɔ xugan tɔ gbo mitɔn Ablaxamulɔ wɛ ? É yɔ ko ku, bo xoyi ɖɔtɔ Mawutɔn lɛɛ lɔ su ko ku. Mɛ a ka nɔ sɔ ɖ'ewé do mɔ?" ⁵⁴ Jezu ke yi gbé na ye dɔ:"Enyi nyɛ lɔ su wɛ sɔ ɖi'é su, susu ce ma kpewu na yi biti gɛ. Taca wɛ ka nɔ sɔ un su. Myé ké ɖɔ i bɛ bo nyi Mawu na e nyé lɛɛ, ⁵⁵ Co mi ma ka nyɛn wi gɛ, nyɛ, un ka nyɛn wi. Enyi unɖɔ un bo ma nyɛn wi gɛ, un na nyi awonɔ ɖi myé ha. Amɔ, nyɛ un nyɛnwi; bo nɔ blo do xo étɔn lɛɛ ji. ⁵⁶ Awa jijɛ ɖaho wɛ enyi na tɔgbo mitɔn Ablaxamu, ɖo éle nukun ɖiɖo mɛ na wiwa ce, é ka mɔ xonugbo, bɔ xomɛ hun i." ⁵⁷ Jwifu ké gbɛ wan Jezu lɛɛ ka kan e se ɖɔ:"A ma ko ɖo xwe kanɖe awo lɔsu gɛ, bo ka mɔ Ablaxamu wɛ a ɖɔ?" ⁵⁸ Jezu ka ɖɔ na ye dɔ:"Ma ɖɔ xónugbo na mi hwɛkpo na Ablaxamu na wa gbɛ, nyɛ ko lé xoxo. ⁵⁹ Bɔ ye fɔ okpin, bo na nyi do e; Jezu ka bɛ, bo tɔn sɔn amisa xɔ lɔ mɛ.