¹ Mi din, akwatɔnɔ lɛ! mi vyavi bo mɔ awuvɛ, na awuvɛ ke na wa mi ji lɛ. ² Dɔkun mitɔn lɛ glɛ, bɔ avɔ miton lɛ nu ɖu ye. ³ Sika mitɔn kpo kɔbɔ mitɔn mitɔn lɛ gbɛ; bɔ nu gbigbɛ lɔ cite bo ɖe kunu do mi wu, bɔ e na gbe gbaza mitɔn kpo zo. Mi xo tɛ ɖɔkun mitɔn lɛ le azan vivɔnu tɔn lɛ! ⁴ Kpɔn fi, azɔn watɔ ke wa zɔn na mi le gle mitɔn lɛ we akwa, bɔ mi sa ya na ye lɛ, we akwa le do axwa, bɔ axwa glezɔn watɔ xɔn lɛ wa jɛ to cemɛ nye Aklunɔ ahwankpa lɛ tɔn. ⁵ Mi nɔ gbɛ jɔ gbɛ kpo gbɛ ɖagbe lɛ le ayizanji, mi ze me huhu lɛ ze gɔ xo na ayixa mitɔn lɛ. ⁶ Mi da hwɛ, mi hu mɛ jijlɔ, ke ma lɔn adɔn xa mi gɛ. ⁷ Mi yi sulu, nɔvi lɛ kaka wa Aklunɔ we wiwa. Kpɔn fi, gletɔ nɔ nɔ te gbɔn jinukun ɖagbe ayizan ji tɔn, bo yi sulu, kaka jɛ hwekenu jokun titan kpo godo tɔn na ja hwɛkpo. ⁸ Mi lɔsu, mi ku hun, mi do gan ayixa mitɔn, ɖo Aklunɔ we wiwa sɛkpɔ. ⁹ Mi ma da hwɛ na miɖe gɛ, nɔvi lɛ, bo na ye na wa da hwɛ na mi gɛ: Kpɔn fi hwɛdatɔ le hɔntogbo lɔ nu. ¹⁰ Mi ze, kpɔndewu xo yiɖɔtɔ lɛ ke do xo ɖo Aklunɔ we nukɔn ji lɛ, nɔvi ce lɛ. ¹¹ Kpɔn fi, mi ɖɔ donanɔ wɛ mɛ ke kuhun bo ji ya. Mi se Jɔbu we hunkuku, bɔ mi mɔ nu ke Mawu wa blo n'i le vivɔnu, ɖo Aklunɔ nyɔ dɔme bo nublawu ku na mɛ. ¹² Hwɛ kpo nu lɛ kpo mɛ, nɔvi ce lɛ, mi na tanu kpo jixwe kpo ayizan kpo nu ɖe vo gɛ. Vɔlɔ ɛn mitɔn ni nyi ɛn, bɔ ewo mitɔn ni nyi ewo, bo na mi ma na jɛ hwɛ dida Mawu tɔn mɛ gɛ. ¹³ Mɛɖe le tɛntin mitɔn bo le awuvɛ mɛ a? Ni ji han lɛ. ¹⁴ Mɛɖe le tɛntin mitɔn bo jɛ azɔna? Ni yɔ agun mɛxo lɛ, bɔ agun mɛxo lɛ ni xo ɖɛ n'i bo sa mi n'i le Aklunɔ mɛ; ¹⁵ nuɖiɖi we ɖɛ na hɛn azi ɔn lɔ gan, bɔ Aklunɔ na vɔ ze cite; nɛ blo nu nyinyla ɖe, ye na ze kɛ. ¹⁶ Mi ɖɔ hwɛ mitɔn lɛ na miɖe lɛ, bɔ bɔ mi xo ɖɛ na miɖe lɛ, bo na mi na mɔ azɔn gbigbɔ. Hwɛjijɔnɔ ke we ɖɛ syɛn lɔ nɔ wa sukpɔ. ¹⁷ Eli lɔsu nyi gbɛtɔ ɖi mye ha: E xo ɖɛ kpo vivɛ bo na jokun ni kpɔn gɛ, bɔ jokun lɔ ma ja gɛ do ayizan ji kaka na xwe atɔn adaɖe. ¹⁸ E lɛ vɔ xo ɖɛ lɔ ɖevo, bɔ Mawu na bɔ jokun ja, bɔ ayizan na jinukun lɛ. ¹⁹ Nɔvi ce lɛ, nɛ mɛɖe le tɛntin mitɔn bɔ sɛ zɔ yi le xojɔxo ɖe lɔ, bɔ mɛ ɖevo lɛ kplan do wa xojɔxo lɔ mɛ, ²⁰ mɛ xɔn nu nywɛ ɖɔ mɛ ke hwlɛn mɛ ɖe gan sɔn hwɛ etɔn mɛ le mɔ ke e ze do wa lɔ hwlɛn alindɔn ɖokpo wa sɔn ku mɛ bɔ e ze nu cɔn hwɛ etɔn susu lɛ ji.