¹ Fitɛ adɔndidɔn lɛ, kpo jlɛ lɛ nɔ sɔn le tɛntin mitɔn? E ma nyi gbɔn nujijlɔ mitɔn lɛ ke le fun ahwan xa wutu nu mitɔn lɛ wɛ a? ² MI nɔ jlo nu, bɔ mi mɔ yi gɛ; mi nyi mɛhutɔ lɛ kpo un biatɔ lɛ, bɔ mi ma si nyi nu gɛ; mi nɔ dɔn adɔn bo na wa jlɛ, bɔ mi nɔ mɔ yi gɛ, ɖo mi nɔ byɔ ɖo nyinyla ji. ³ Mi nɔ byɔ, bɔ mi mo mɔ yi gɛ, ɖo mi mi nɔ byɔ ɖo nyinyla ji, bo na ze blo jlo mitɔn nyinyla lɛ. ⁴ Galɛtɔ lɛ wɛ mi nyi! Mi ma nywɛ ɖɔ wan nyinyi na gbɛ nu lɛ Mawu gbɛ a? Me ba na nyi wan na gbɛ lɔ na nyi kɛntɔ na Mawu. ⁵ Mi do sin wiwlan lɔ le ɖɔ xo vɔvɔ a? Kpo nu hwi hwan wɛ Mawu nɔ wle bona yɛ eton ke ze do mi mɛ. ⁶ Vɔlɔ, Mawu nɔ na, jɔmyɔ ɖagbe wugan; exɔn wutu wɛ winwlan lɔ ɖɔ: Mawu nɔ gbɛ wan na mɛ ke n ɔze ɖe do aji, vɔlɔ e nɔ na fɛnu mɛ ke ze eɖe hwe. ⁷ Mi hu hwɛ miɖe na Mawu; bɔ e na si le nukɔn mitɔn. ⁸ Mi sɛkpɔ Mawu bɔ Mawu na sɛ kpɔ mi. Mi klɔ alɔ mitɔn, hwɛhutɔ lɛ; mi blo ayixa mitɔn ɖo mimɛ ji, gbɛtɔ ke mɔ ze gbeta lɛ. ⁹ Nu mitɔn ni bla wu na mi; mi nɔ nubla wu me bo vyavi; nukiko mitɔn ni lilɛ zun nublawu, bɔ awajijɛ mitɔn ni lilɛ zun nublawu. ¹⁰ Mi ze miɖe hwe le Aklunɔ we nukɔn bɔ E na ze mi do aga. ¹¹ Nɔvi lɛ, mi ma ɖɔ xo nyinyla lɛ do miɖe wu gɛ. Ɖo me ke nɔ ɖɔ xo nyinyla ɖo nɔvi etɔn wu lɔ, alo e nɔ da hwɛ na nɔvi etɔn lɔ, e ɖɔ xo nyinyla do sɛn wu bo da hwɛ na sɛn lɔ. Ɖo lexa, mɛɖe da hwɛ na sɛn lɔ, e ma nyi sɛn blotɔ gɛ, vɔlɔ sɛn we hwɛ datɔ wɛ nyi. ¹² Mɔ ɖokpo wɛ nyi sɛn blotɔ kpo hwɛ datɔ, e yɔ wɛ mɛ ke na si hwlɛn mɛ gan bo na si ze mɛ bu; vɔlɔ yɔ, mɛ wɛ nyi, bo na da hwɛ nɔzo towe? ¹³ Odin, mi ke nɔ ɖɔ: e gbe alo sɔ na yi toxo kɔmɛ, mi na blo xwe ɖokpo, mi na yi bo na sanu, bɔ mi na mɔ ale! ¹⁴ Mi mɛ ke ma nyɔ nu ke na jɔ sɔ gɛ! Ɖo, etɛ gbɛ mitɔn? Mi le ɖi ahun ke nɔ nɔ anyi kpɛɖe, zanɖe e nɔ wa bu. ¹⁵ Vɔlɔ, lexa mi ɖo na ɖɔ: Nɛ Mawu jlo, mi na nɔ gbɛ, bɔ mi na blo le kpo lexa. ¹⁶ Vɔlɔ odin mi nɔ ze miɖe le linlin mitɔn zedaga mitɔn lɛ mɛ. E nyi nu nyinyla bɔ ye ze mɛɖe lexa. ¹⁷ Mɛ ke nyɔ le ke ye na blo nu ɖagbe bo gbɛ biblo lɔ, hwɛ wɛ e le hu.