¹ Nyɛ Jaki ke nyi azɔnwatɔ Mawu tɔn, bo nyi azɔnwatɔ Aklunɔ Jezu Klisi tɔn lɔ wɛ wlan wema kɔ lɔ ɖo xlan Juwifu Klisisɛntɔ ke kankan do gbe lɔ kpo mɛ lɛ, bo dogbe do xlan ye wɛ. ² nɔvi ce lɛ, hwenu ke ye nɔ do mi kpɔn alɔkpa lɛ kpo mɛ lɔ, ni nyi awajijɛnu na mi, ³ ɖo mi nywɛ ɖɔ nɛ nuɖiɖi mitɔn lido lɛ mɛ dokpɔn lɛ mɛ lɔ, e na zɔn bɔ e na ɖo sulu. ⁴ Ɖo lexa, mi do vivɛ nu bona sulu ke miɖo lɔ ni wa zɔn ganji, bo na mi na zun mɛ blebu, bo na kpayi le nu lɛ kpomɛ gɛ. ⁵ E ka le lexa, nɛ nunywɛ hwedo mɛɖɛ lɛ mi mɛ lɔ, ni byɔ Mawu nɛ e na na ɛ; ɖo Mawu nɔ nyɔ xomɛ bo nɔ na nu mɛ lɛ kpo. ⁶ Ɖo lexa, mɛ lɔ ni byɔ kpo nuɖiɖi bo ma xo nukpɔn gɛ; ɖo mɛ ke nɔ xo nukpɔn lɔ nɔ ɖi aslɔkɛ ke si te ɖo xu ji, bo jɛhɔn nɔ ze bo nɔ xo e do nuɖisi, bo nɔ lɛ xo e do amyɔ xwe ɖɔ hun. ⁷ Mɛ xɔn lɔ ni kpɔn lin mi na mɔ nuɖe yi le Aklunɔ si gɛ; ⁸ ɖo, le nu wiwa etɔn lɛ mɛ lɔ, ayixa etɔn ni nɔ nɔ fi lokpo gɛ; e ma ɖo jiɖiɖe do nu ke e le blo lɔ ji gɛ. ⁹ Nɔvi ke nyi wamamɔnɔ le Klisi me lɔ ni ja wa, ɖo Mawu le ze do tɛnmɛ ɖagbe. ¹⁰ Nɔvi ke nyi dɔkunnɔ le Klisi mɛ lɔ ni jawa ɖo Mawu le ze hwe wɛ. Nugbo lɔ, dɔkunnɔ we gbɛ na wa ci ɖi atin we sɛ ha. ¹¹ Hwe nɔ tɔn kpo zozo ɖaxo ɖe kpo, bo nɔ fyɔ atin lɔ, bɔ sɛ nɔ jɛ anyi, bɔ nyinyɔ etɔn nɔ bu. Ɖo lexa lɔ, dɔkunnɔ na wa jɛ anyi ɖo nu ke e nɔ blo lɛ mɛ. ¹² Donanɔ wɛ nyi mɛ ke nɔ do vivɛnu le xwlekpɔn hwenu; ɖo nɛ eɖe vivɛ donu etɔn xlɛ godo lɔ, e na mɔ gbɛ ganji yi; gbɛ ganji xɔn wɛ nyi akpagbe ke Mawu do na mɛ ke nyi wan n'i lɛ. ¹³ Na mɛɖe ɖo jlo na wa nu nyinyla, e ma ɖo na ɖɔ: «Mawu wɛ do un bɔ un wa nu nyinyla.» Mawu mɔ nɔ wa nu nyinyla kaka na do do mɛɖe ɖɔ ni bo wa nu nyinyla gɛ. ¹⁴ Vɔ lɔ, yɛ nɔ jɛ tɛnkpɔn me hwenu ke jlo nyinyla mɛ lɔsu tɔn zɔn mɛ, bɔ ye jɛ mɔ mɛ lɔ. ¹⁵ Exɔn godo lɔ, jlo nyinyla lɔ nɔ ji hwɛ huhu, bɔ hwɛ huhu lɔ wa lido kpokpo lɔ, e nɔ ji oku. ¹⁶ Nɔvi ce vivɛ lɛ, ye ni pkɔn blɛ mi gɛ. ¹⁷ Nu nina ɖagbe kposese, kpo nu namɛ ke nyɔ ganji lɔ, sɛxwe wɛ ye nɔ sɔn bo wa; ke nɔ wa sɔn Mawu ke blo nu ke jixwe bo na weziza lɛ de; Mawu mɔ ɖyɔ gɛ; e ɖo ɖebu lɔ, e mɔ ɖo zinvlun gɛ. ¹⁸ Ɖo le elɔsu wɛ jlo mɛ lɔ, e na gbɛ ganji mi gbɔn xo tɔn mɛ ke nyi xonugbo lɔ mɛ, bona mi nyi mɛ nukɔntɔn lɛ ɖo nuɖiɖi wiwa tɔn le kpomɛ. ¹⁹ Nɔvi vivɛ le, mi flin xo kɔ lɔ ganji: Mɛ ɖokpo ɖokpo ɖo na nɔ gbesisɔ mɛ, bo na nɔ se Mawu xo lɔ; ni kpɔn nɔ ɖɔ xo susu gɛ; ni kpɔn nɔ ya wu sin xomɛ gɛ. ²⁰ Ɖo mɛ ke nɔ sin xomɛ lɔ nɔ blo nu ganji le Mawu nukɔn mɛ gɛ. ²¹ Exɔn wutu lɔ, mi na jo nu kena ze mɛ kuɖi kpokpo kpo azɔn nyinyla kposese do. Mi yi xo ke Mawu ze do ayixa mitɔn me lɔ kpo xomɛ fifa kpo; ɖo xo lɔ ba lɔ, e na na mi hwɛnlɛngan. ²² Mikpɔn nɔ blɛ miɖe gɛ, bo na nɔ ɖoto Mawu xo lɔ kpo un gɛ; azɔn wɛ mi na ze blo ganji. ²³ Ɖo mɛ ke nɔ se Mawu xo lɔ, bo na nɔ ze wa zɔn gɛ lɔ ɖi mɛ ke le kpɔn nukpɔn ɛn mɛ kpɔn wɛ, bo mɔ le ke e lɔsu le ɖo. ²⁴ Ke e kpɔn eɖe godo lɔ, e sɔn, bo wɔn le ke e le do lɔ hɔnɖokpo. ²⁵ Vɔlɔ, mɛ ke nɔ gbeje sɛn ke na ɖo blo ke nɔ ɖe mi sɔn gbɛtɔ we kannu lɔ kpɔn ganji ceɖe ceɖe, bo na ɖo kanɖe ji, lo bo ma nɔ ɖoto kpo un, bo ma nɔ wɔn nu gɛ, bo nɔ blo ɖe ji lɔ, Mawu na xo ɖɛ do mɛ xɔn ji, ɖo nu ke e nɔ blo lɔ mɛ. ²⁶ Nɛ mɛɖe mɔ ɖɔ mi nyi sinsɛnnɔ, bo ka ma nɔ wle nutɔn gɛ lɔ, e le blɛ eɖe; sinsɛn tɔn nyi ma nyi nuti gɛ. ²⁷ Sinsɛn ke nyi ganji lɔ, sinsɛn nugbo le Mawu Tɔ lɔ nukɔn lɔ yi ke: ni wle nukɔn do tɔcyɔvi nɔcyɔvi lɛ kpo asukusi lɛ kpo wu le wuvɛ yetɔn lɛ mɛ; ye ni cɔ mɛɖe do nu ke mɛke nyi gbɛ fikɔ tɔn le blo lɛ go, bo ma ze mɛɖe kwiji gɛ.