¹ Nɔvi lɛ, na mi mɔ mɛ ɖe gan na gan na le bɔ e le da fɔ gbe, mi mɛ ke le gbigbɔmɛ lɛ, mi gbɛ nu ni le hun kuku mɛ. Mi cɔ mi ɖe na ye ni nɔ kpɔn tɛn mi kpɔn gɛ. ² Osɛn Klisi tɔn wɛ nyi ɖɔ: Mi hɛn sɔ mi ɖe. Hwe exɔn nu mi le wa de ji. ³ Na mɛ ɖe nɔ mɔ ɖɔ mi e jɛn wɛ, e yɔ ke ma nyi nu ti gɛ, e blɛ e ɖe. ⁴ Mɛ lokpo lokpo ni gbeje azɔn e tɔn kpɔn ganji. na e na nyi nu ɖe bo na vivi ni, e ɖe mɛ kɛ ɖɛ wɛ e na mɔ le, ma jlɛ e ɖe do mɛ di ɛ lɛ wu. ⁵ Ɖo mɛ lokpo lokpo na hɛn agban etɔn. ⁶ Mɛ ke e kpɔn oxo lɔ ɖo na ma onu ɖagbe etɔn lɛ xa mɛ ke le kplɔn ɛn lɔ. ⁷ Mi nɔ kpɔn blɛ mi ɖe ɖu gɛ, ɖo e mɔ nɔ ɖɔ nu ɖejan do Mawu go gɛ. Nu ke mɛ ɖe do wɛ e na ya. ⁸ Na mɛ ɖe do nu ke jlo e bo nyi nu nyinyla, e na ya nu ke jɛ godo na, na do ɖɔ onu nyinyla lɔ. Amɔ na e do nu ke yɔn na ojlo Ye Ɖeɖovo lɔ tɔn, e na ya sisɛn Yɛ Ɖeɖovo lɔ tɔn, na do ɖɔ, ogbɛ Mawu tɔn na hwe binu. ⁹ Mi nɔ kpɔn jo ɖagbe wiwa do gɛ, ɖo hwe lɔnu na wa, bɔ mi na ya na mi ma jo do gɛ. ¹⁰ Na mi ɖo jlɔjɛ lɔ hun, mi ni wa ɖagbe na mɛ lɛ kpokpo. Mi ni wa ɖagbe na taji yisenɔ lɛ. ¹¹ Wema ɖaxo ɖe lɛ ke, mi kpɔn, kpo alɔ ce lɔsu kpo wɛ un wlan na mi. ¹² Mɛ ke le do cɔcɔ na mi bɔ mi na do gbo ada lɛ, mɛ exɔn lɛ ba na ɖe ye ɖe xlɛ na hwɛ jijɔnɔ biba gbɛtɔ tɔn wutu. Linlin ye tɔn kpowun wɛ nyi ɖɔ ye ma ba na ji ya ɖo akluzu Klisi tɔn wutu gɛ. ¹³ Ɖo ye lɛ lɔsu ke gbo ada ma kpego bo le hɛn osɛn lɔ gɛ, amɔ ye ba ɖɔ mi e le na gbo ada bo na do mɔ gigo yi le ada gbibgo mitɔn mɛ. ¹⁴ Ni nɔ kpɔn wa na nyɛ gbeɖe na ma ze nyɛ ɖe gɛ, na e ma nyi akluzu Aklunɔ Jezu Klisi tɔn wutu gɛ. Akluzu lɔ wutu wɛ ye kɛ ayihɔn lɔ do Akluzu ji na nyɛ, bɔ nyɛ na ayihɔn lɔ. ¹⁵ Ɖo ada gbigbo kpo ma gbo kpo ma le nu ɖe ji gɛ, nu ke le taji tawun lɔ wɛ nyi ɖɔ Mawu lɛ blo mi do zun nu yɔyɔ. ¹⁶ Mɛ ke le zan gbɛ do gbɔn osɛn lɔ mɛ lɛ, fifa kpodo lɛ blanu ku na mɛ ni nɔ ye ji kpodo togun Mawu tɔn lɔ kpo kpo ji. ¹⁷ Odin mɛ ɖe ma si sɔ nyi tagba ce gɛ! Ɖo wun tun vivɛsise Jezu tɔn le go e. ¹⁸ Nɔvi sunu, yonu, na Aklunɔ Jezu Klisi ni do na mi! Ami.