¹ Bɔ, xwe wyɛnɛ godo, un lɛ kɔ yi Jeluzalɛmu nyɛ kpo Banabasi kpo, un dɔn titi lɔsu gba. ² un lɛ kɔ ɖo Mawu wɛ ɖɔ na un do. Le Jeluzalɛmu, un ze xlɛ yisenɔ lɛ Wɛn Ɖagbe ke un la le ma nyi Juwifunu lɛ gɛ de. Un lɛ ze xlɛ nukɔntɔ lɛ le okple vo ɖe mɛ. Ɖo un ma ba ɖɔ azɔn ce egbe din tɔn kpo osɔ ke wa yi lɛ tɔn kpo ni bu gɛ. ³ Amɔ e ma trɛ ɖɔ dandan na Titi ke nyi Grɛkinu bo le kpɔ xa un ɖɔ ni bo gbo ada gɛ. ⁴ Co nɔvi awonɔ lɛ le ba do le. Ye byɔ cɛncɛn mi tɔn ɖi kɛntɔ mitɔn le ha. Ye wa do wa le kpɔn le ke mi vo ɖo, vivo mitɔn ke sɔn Jezu Klisi de. Ye ba na ze mi lilɛ kannumɔnɔ. ⁵ Amɔ mi ma jo mi ɖe do na ye gɛ, hwenu vu de lɔsu gɛ, bo na do hɛn xojɔxo Wɛn Ɖagbe tɔn lɔ do te na mi. ⁶ Nu kɔntɔ le lɔsu le mɛ gba. Na do ɖɔ, nu ke ye nyi, e ma nyi onu ta ji ɖe na nyɛ gɛ, ɖ Mawu mɔ nɔ cyan mɛ ɖe le mɛ ɖe mɛ gɛ. Nu kɔn tɔ xɔn lɛ ma ɖɔ dandan na un ɖɔ nyɛ ni bo blo nu ɖe de ji gɛ. ⁷ Na do ɖɔ, nu ke ye mɔ ke: Mawu byɔ un ɖɔ nyɛ ni bo la Wɛn Ɖagbe na mɛ ke ma nyi Juwifunu lɛ gɛ, bo byɔ Pyɛɛ ɖɔ ni bo la na mɛ ke nyi Juwifunu lɛ. ⁸ Mawu ze Pyɛɛ na apotru Juwifu le tɔn, bo ze nyɛ na mɛ ke ma nyi Juwifunu lɛ. ⁹ Jaaki, Sefasi kpodo Jaan kpo, ye ze ye ɖi agunmgan. Bɔ ye le yɔ nu nina ke Mawu ze na un. Ye drɛn alɔ do xlan nyɛ kpo Banabasi kpo bo do ɖe xle ɖɔ mye lɛ lɔsu kpo le kpɔ xa mi. Mye ɖo na yi ma nyi Juwifu lɛ de, bɔ ye lɛ ɖo na yi Juwifu lɛ de. ¹⁰ Ye byɔ mi kpo un ɖɔ mi ni bo gɔ alɔ na ma ɖo ɖe nɔ lɛ, bɔ un blo kpodo ayixa ce bi kpo. ¹¹ Hwenu ke Sefasi wa Sili to mɛ, un sɔ ta wi le mɛ lɛ kpose nu kɔn, ɖo ohwɛ jɔ. ¹² Hwɛ kpo mɛ ke sɛ kpɔ Jaaki lɛ na do wa, Sefasi nɔ ɖu nu xa ma nyi Juwifunu lɛ. Bɔ hwe ke nu mɛ dyɛ lɛ wa, e sɛ e ɖe xwe, e ma sɔ le zɔn xa ma nyi Juwifunu lɛ gɛ, e nɔ ɖi bu na yisenɔ ke nɔ jɛ un do hwɛndomɛ nu Juwifu lɛ tɔn wu. ¹³ Nɔvi dyɛ lɛ ke nyi Juwifunu lɔso lɔsu lɛ lɛ nyi awonɔ xu e yɔ lɔsu, bɔ nu kplɔn mɛ awonɔ ye tɔn zi Barnabasi lɔsu de mɛ. ¹⁴ Un mɔ ɖɔ ye ma le ɖi zɔnli ɖagbe ɖi le ke Wɛn Ɖagbe lɔ ɖɔ ɖo gɛ. Bɔ un do na Sefasi le mɛ lɛ kpose nu kɔn: «Yɔ Jwifu bo le zan gbɛ le fi ɖi mɛ ke ma nyi Juwifunu lɛ gɛ ha, a ma zan gbɛ do Moyizi we sɛn ji gɛ. Odin ajlo na do cɔcɔcɔ na mɛ ke ma nyi Juwifunu lɛ gɛ na do wa nu ɖi Juwifunu lɛ! Etɛ wutu do le?» ¹⁵ Mye , ye ji mi Juwifu! Mi ma nyi togun ɖevo ɖe tɔn gɛ, ke nɔ do vɔ na osɛn Mawu tɔn. ¹⁶ Co, mi yɔ ɛn, gbetɔ le ma mɔ hwɛ jijɔ yi na e na do nyi sɛn Moyizi tɔn gɛ, amɔ na ye na do ɖi nu na Jezu Klisi kpo wun. Bɔ mye le lɔsu, Jezu Klisi wɛ mi ɖi nu na bɔ e do mɔ mi hwɛ jijɔnɔ. E mɔ mi hwɛ jijɔnɔ ha ɖo tonu se na Jezu Klisi, e ma nyi tonu se na osɛn lɔ gɛ. Gbeɖe, «mɛ ti ma si yɔ kpɔn na Mawu bo na nyi hwɛ jijɔnɔ na e ze e ɖe ze jo na osɛn lɔ gɛ.» ¹⁷ Mye mi ba e na ze mi do mɔ hwɛ jijɔnɔ ɖo Klisi lɔ kpo nɔ wutu. Amɔ na ye nɔ mɔ mi hwɛ hu tɔ, mye lɔsu etɛ wɛ e le ɖɔ? Ɖo Klisi le wa zɔn na ohwɛ wɛ? un ma ɖi gɛ. ¹⁸ Na un lɛ kɔ yi osɛn ke un jo do lɔ de, un le da hwɛ na nyɛ lɔsu. ¹⁹ Nyɛ osɛn lɔ wutu wɛ un jo gbɛ zizan na osɛn lɔ ji do. Nu kɔ lɛ kpose wa na ma do zan gbɛ na Mawu. Kpodo Klisi kpo un ku le akluzu ji. ²⁰ Un le gbe, amɔ nyɛ mɛ le gbɛ gɛ, Klisi wɛ le gbɛ le nyɛ mɛ. Odin, ogbɛ ce gbɛtɔ nyi nyi tɔn, un le zan do ɖi nu na ovi Mawu tɔn ke nyi wan na un bo ze ogbɛ e tɔn jo do nye wutu. ²¹ Un ma jlo na ze Mawu we nu nina kɔ do vɔ mɛ gɛ. Na osɛn lɔ wɛ nɔ lɛ mɛ zun hwɛ jijɔnɔ, hun Klisi ku vɔ.