¹ Ntɛ Pɔlu, mɛɖodoxlan le Jezu klisi mɛ gbɔn ojlo Mawu tɔn mɛ, kpo nɔvi Timɔthee kpo wɛ ɖo wema ekɔ do xlan. ² Na mɛɖe ɖɔ xo Mawu tɔn lɛ kpo. Nɔvi le KLisi me lɛ ke le Kolosi; jɔmyɔ kpo fifa na nyi mitɔn sɔn Mawu Otɔ lɔ de! ³ Mi do kpɛ na Mawu, Otɔ Jezu Klisi Aklunɔ mitɔn, bɔ mi gɔn gbe ɖɛ ma xo do ta mitɔn mɛ gɛ. ⁴ Ke mi se nuɖiɖi ke mi ɖole Klisi mɛ Jezu me lɔ kpo wanyinyi tɔn na mɛ mɛ ɖeɖovo lɛ kpo lɔ. ⁵ Le nukun ɖiɖo ke le te kpɔn mi le jixwe lɛ, bɔ ke xo nugbo lɔ, kpo Wɛn Ɖagbe Mawu tɔn lɔ ɖe xlɛ mi d'anyi. ⁶ Wɛn Ɖagbe lɔ le kankan, bo le wa zɔn le Klisi sɛntɔ lɛ we gbɛ me gbɔn gbɛlɔ kpokpo mɛ, le ke e blo le cɛncɛn mitɔn sɔn gbe ke gbe mi mɔ jɔmyɔ Mawu tɔn lɔ gbɔn oxo titan, lobo kplɔn nu ke nyi lɔsu lɔ, bo nywɛ. ^{7 8} Azɔn gbɛ mitɔn wanyinanɔ mitɔn Epaflazi wɛ kplɔn xɔn lɔ mi; mɛsɛntɔ Klisi tɔn gbejinɔtɔ wɛ nyi, bo le wa azɔn le tɛn me wɛ. Wanyinyi ke Yɛ Ɖeɖovo na mi lɔ, e ɖɔ xo tɔn na mi. ⁹ Exɔn wu lɔ wi wɛ sɔn gbe ke gbe mise xo mitɔn lɔ, mi ma gbɛ ɖɛ xixo na mi gɛ. Mi nɔ byɔ Mawu ɖɔ ni na nu nywɛ kpo nukunnu mɔjɛnumɛ ke Yɛ Ɖeɖovo nɔ na un lɔ kpokpo mi, bo na mi na nywɛ nyɔ jlo Mawu tɔn ganji. ¹⁰ Ɖo lexa, mi na kpe go bo na nɔ zan gbɛ mitɔn le ke Aklunɔ ba ɖo lɔ, bo na blo nuke nyɔ nukun etɔn mɛ hwe le kpo nu. Mi na nɔ blo nu ɖagbe ɖevo ɖevo lɛ, bo na nɔ nyɔ Mawu wi deji. ¹¹ Mi na byɔ Mawu ɖɔ ni ze hihlɔn tɔn susunɔ lɔ do na mi hihlɔn ke jɛxa mi, bo na kpego ku hun bo ɖo akɔn na nu lɛ kpokpo xomɛhunhun. ¹² Mi do kpɛ na Mawu Tɔ lɔ kpo awajijɛ, ɖo e blo bɔ mye lɔsu mi ɖo mima ɖo ɖagbe axɔsuɖutɔ wezi zatɔn ke e ze do anyi lɔ mɛ, na mi mɛ ke nyi etɔn lɛ. ¹³ Xojɔxo lɔ, e yi mi sɔn zinvlun we hihlɔn mɛ, bo ze mi ɖɔ vitɔn vɛna lɔ we axɔluɖuto mɛ. ¹⁴ Vi vɛna xɔn wɛ zɔn, bɔ Mawu yi sɔn kanumɔ gbenu, bo ze hwɛ mitɔn lɛ kɛ mi. ¹⁵ Klisi lɔ, akpajlɛ Mawu ke ye mɔ mɔ gɛ tɔn wɛ nyi. Vi titan wɛ e nyi, bp hugan nu ke Mawu blo lɛ kpo. ¹⁶ Ɖo Klisi jiwɛ Mawu blo nu lɛ kpo nu ke le ji le kpo ke le ayizan ji lɛ kpo gbɔn: Nu ke e nɔ mɔ lɛ kpo nu ke ye mɔ nɔ mɔ gɛ lɛ, hihlɔn gbigbɔ mɛtɔn lɛ, axɔlu zinkpo lɛ, ganɖuɖu lɛ, acɛkpikpa lɛ. E yɔ jiwɛ Mawu blo nu lɛ kpo gbɔn, bɔ nu lɛ kpo nyi etɔn. ¹⁷ Ke le hwɛkpo nu lɛ kpo wa jlɔ; e yɔ wɛ wle nu le kpo ɖo tɛn yetɔn mɛ, lɛ kpo ke ye le xa ɛ lɔmɛ. ¹⁸ E yɔ wɛ nyi ta na gbaza lɔ; agbaza lɔ wɛ nyi agunlɔ; ke mɛ gbɛ yɔyɔ lɔ bɛ ɖɔ, e yɔ wɛ nyi mɛ titan ke Mawu fɔn sɔn ku lɔ, bo na do nɔ nukɔn na nu le kpo. ¹⁹ Ɖe e nyɔ na Mawu ɖɔ nu lɛ kpo ni nɔ vi mye tɔn mɛ blebu. ²⁰ Mɔ ɖo kpo lɔ, e ba na ɖɔ hwɛ gbo xa mye kpo nu lɛ kpo, ke le jixwe lɛ kpo ke le ayizan ji lɛ, bo na blo fifa xa mye, gbɔn Klisi we hun ke kɔn do anyi le akluzu ji lɔ. ²¹ Bɔ mi mɛ ke nyi jonɔ lɛ kpo kɛntɔ lɛ d'anyi gbɔn linlin kpo azɔn wiwa nyinyla mitɔn lɛ, e ɖɔ hwɛ mitɔn gbo gbɔn ku Klisi tɔn ɖo agbaza mɛ ji. ²² Bo na mina nyi mɛ ɖeɖovo lɛ, mɛ ma ɖo blɔ lɛ kpo mɛ ke ye mɔ xo do wu gɛ lɛ Mawu we nukun mɛ . ²³ Nɛ mi lido vɔvɔ lɛ kpo mi ma nɔ te gli lɛ nuɖiɖimɛ, bɔ lɛkɔ sɔn nukun ɖiɖe we wɛn Ɖagbe ke mi se lɔ we godo lɔ, ke ye jla na gbɛ lɛ kpo le ayizan ji, bɔ ke nyɛ Pɔlu, un nyi azɔn mAwutɔn wa tɔ. ²⁴ Un le awajijɛ lɛ awuvɛ ce lɛ mɛ ɖo ta mi tɔn mɛ; nuke kpo le Klisi mɛ lɔ un fo e gbɔn agbaza ce mɛ, na agbaza Klisi tɔn, ke nyi agun Mawu tɔn lɔ. ²⁵ Agun lɔ wutu wɛ nyi Mawu zɔn watɔ, gbɔn azɔn ke Mawu ze na nyɛ ɖoɖo mi wutu, bo na ma jla xo Mawu tɔn blebu. ²⁶ Nu wiwla hɛ lɛkpo tɔn kpo xwe sukpɔ tɔn, vɔ lɔ ye ze xlɛ mɛ ɖeɖovo lɛ din. ²⁷ Ke Mawu ba na ze xlɛ ye lɛ wɛ nyi ahwɛ xixo gigo Mawu tɔn na nu wiwla xɔn le kosilɛ cɛncɛn, wɛ nyi Klisi ɖo mi mɛ, nukun ɖiɖo gigo tɔn wɛ. ²⁸ Klisi lɔ wɛ mɛ ke mi le jla xo tɔn na mi, bo le do gan mɛ le kpo, bo le kplɔn nu mɛ lɛ kpo kpo nu nywɛ, bo na mina ze mɛ lɛkpo xlɛ Mawu, bɔ ye na nyi mɛ blɛbu ɖo nuɖiɖi mɛ. ²⁹ Exɔn lɔ wutu un le wa zɔn, bo le fun ahwan kpo hihlɔn Mawu tɔn, ke le wa zɔn le gbɛ ce lɔ.