¹ Bɔ Solu, yi e ji bo le sa ya na kpo bo le hu ahwanvi Aklunɔntɔn lɛɛ , e nɔ yi vɔsatɔ ɖaxo lɛɛ de ² bɔ e nɔ yi weman bo nɔ jwifu lɛɛ we okplɔngbasa lɛɛ do Damasi , bo na omɛ ke wa byɔ sinsɛn yɔyɔ me lɛɛ , sunnu kpo nyɔnnu lɛɛ , e nɔ kplan ye do wa bo nɔ bla ye wa Jeluzalɛmu. ³ Hwekenu e wle ali bo sɛkpɔ Damasi , azɔnɖokpo weziza ɖe sɔn ji bo wa lɛlɛ do ɛ; ⁴ e wa ja anyi bo jɛ ogbe ɖe se ji ɖɔ : " Solu , Solu, etɛ wutu ale saya na un ɖoʔ" ⁵ Solu yi gbe ɖɔ:" Mɛ wɛ anyi, Aklunɔʔ" Aklunɔ yi gbe n'i ɖɔ : "Nye Jezu wɛ ale saya na ; ⁶ cite bo yi toxo lɔ me , bɔ ye na ɖɔ onuke ablo lɔ na we . " ⁷ Sunnu ke kpo solu zɔn lɛɛ agbɔ kpe ye ; ye le se ogbe lɔ bo ka ma le mɔ omɛ ti gɛ . ⁸ Solu cite sɔn anyizan mɔ , ke e hun nukun etɔn lɛɛ e ma sɔ le mɔ gɛ; ye wle alɔ ni bokplan wa Damasi . ⁹ E ma mɔ nu gɛ kaka na azan atɔn bo ma ɖunu gɛ bo ma nu osin lɔsu gɛ . ¹⁰ Ahwanvi Jezu tɔn ɖokpo le Damasi ke ye nɔ ylɔ ɖɔ : Ananiasi; Aklunɔ ɖɔ n'i gbɔn numimɔ mɛ ɖɔ : "Ananiasi ." Bɔ e yi gbe ɖɔ :"nye ke Aklunɔ ." ¹¹ Aklunɔ ɖɔ n'i ɖɔ :" Cite bo yi mɔ ji le aɖusi kpa ji , ɖo Juda we xwegbe, kanse omɛ ɖe ke sɔn Tasisi ke ye nɔ jlɔ ɖɔ Solu ; ɖo e le xo ɖɛ ¹² bo wa mɔ sunnu ɖe bɔ e wa de ke ye nɔ ylɔ ɖɔ Ananiasi bo alɔ etɔn do tamɛ na ɛ bo xo ɖɛ n'i ɖɔ ni mɔ nukunnu ." ¹³ Bɔ Ananiasi yi gbe ɖɔ:" Aklunɔ omɛ sukpɔ ɖo oxo do sunnu kɔ wu , le ke e sa ya na togun to we ɖo qjeluzalɛmu ɖo. ¹⁴ E yi acɛ sɔn vɔsatɔmawu ɖaxo lɛɛ de bo nɔ wle omɛ ke nɔ ylɔ nukɔn to we lɛɛ." ¹⁵ Amɔ Aklunɔ ɖɔ n'i ɖɔ : "Yi, ɖo azɔnwanu ce wɛ e nyi bɔ e na ze nukɔn ce yi na kosi lɛɛ , na axɔlu lɛɛ kpo izlayelivi lɛɛ; ¹⁶ un na ɖe xlɛ awuve ke e na mɔ le nukɔn ce tame lɛɛ." ¹⁷ Ke Ananiasi se oxo exɔn , e yi ede byo oxwe lɔ gbe . Bo ze aḷɔ etɔn do tame n'i, bo ɖɔ n'i ɖɔ : nɔvi Sɔlu , Aklunɔ ke a mɔ le mɔ ji bɔ eɖe eɖe xlɛ wɛ lɔ , sɛ un do ɖɔ yɔ ni bo mɔ nu , gɔ kpo Oyɛ Ɖedovo Mawutɔn ." ¹⁸ Azɔnɖokpo lɔ, nuɖe flɛ sɔn nukun etɔn ji , bɔ e jɛ nu mɔ ji , ; e cite bɔ ye nylɔn do tɔmɛ ; ¹⁹ bɔ e ɖu nu bo mɔ hihlɔn. Solu nɔ ahwanvi lɛɛ de na azan sukpɔ. ²⁰ Sɔn hwenu xɔn , Solu nɔ ɖɔ oxo Jezu tɔn le Jwifu lɛɛ we sinsɛnxɔ lɛɛ mɛ , bo nɔ ɖɔ Jezu wɛ nyi Mawu . ²¹ Omɛ ke nɔ se oxo etɔn lɛɛ e nɔ kpaca ye bɔ ye nɔ ɖɔ :" E ma nyi omɛ xɔn wɛ nɔ saya na omɛ ke nɔ ylɔ nukɔn xɔn ɖaayi aʔ E wa fikɔ bo na wle ye yi na vɔsatɔ ɖaxo lɛɛ ." ²² Amɔ , Solu lɛvɔ mɔ hihlɔn, bɔ e tlɔzun awuvɛ ɖaxo ɖe na jwifu ke nɔ Damasi lɛɛ bɔ Solu lɔ nɔ ɖe xlɛ ɖɔ Jezu wɛ nyi Klisi. ²³ Le azan sukpɔ godo lɔ , jwifu lɛɛ blo onu ɖokpo bo na hu i. ²⁴ Amɔ Sɔlu se osɛnbla yetɔn lɛɛ.. Ye nɔ cɔ oto lɔ bo na mɔ omɔ bo na do hu i. ²⁵ Bɔ le ozan ɖokpo mɛ ahwanvi Jezu tɔn lɛɛ ze Solu do xija mɛ bo ze fla ado. ²⁶ Ke e wa jɛ Jeluzalɛmu , eba na sɛkpɔ ahwanvi lɛɛ , amɔ ye mɛ kpo jɛ obu ɖi ji n'i , ɖo ye ma nywɛ ɖɔ e yi se gɛ . ²⁷ Amɔ Banabasi ze bo kplan do wa omɛɖoxlan lɛɛ de . Solu ɖekunnu na ye le ke Jezu wa ɖe eɖe xlɛ myɛ ɖo Damasi mɔ ji , bɔ e ɖɔ Mawuxo kpo akpa kpo ɖo Jezu nukɔn ji. ²⁸ E tin me na ye hwe ke nu omɛɖoxlan lɛɛ byɔ bo tɔn sɔn Jeluzalɛmu. solu ɖɔ oxo mawutɔn kpo kanɖeji ɖaxo ɖe kpo ²⁹ bɔ e ɖɔ xo xa glesia jwifu lɛɛ; amɔ ye omɛ xɔn lɛɛ le ba omɛ kpo bo na do hu i. ³⁰ Ke nɔvi lɛɛ se , ye wa bo kplan wa Sezalee bɔ ye yi Taasisi . ³¹ Ɖo lexa , fifa ɖe nɔ agun Judaa tɔn ji , ɖo Galilee , kpo Samalii , ye do gan ye ɖe kpo xɛsiɖiɖi mawu tɔn gbɔn Oyɛ Ɖedovo Mawu tɔn ji , bɔ agun jɛ jiji de ji . ³² Odin e wa jɔ hwe ke nu Piyɛɛ le gbɔn toxo mɛ , e yi omɛ ke yi se le lidi tomɛ lɛɛ de . ³³ Le flɛn e wa mɔ sunnu ɖe ke e nɔ ylɔ ɖɔ Enɛɛ, ke ja azɔn sɔn kaka jɛ xwe cantɔn , ɖo e jɛ kplibɔ zɔn . ³⁴ Piyɛɛ ɖɔ n'i ɖɔ :" Enɛɛ , Jezu klisi ko gbɔ azɔn na we cite bo xotɛ ozan to we." Azɔnɖokpo lɔ e cite . ³⁵ Omɛ ke ɖo Libanu kpo Calɔni lɛɛ mɔ nu ke jɔ lɛɛ bɔ omɛkpo wa yi Aklunɔ Jezu se. ³⁶ Odin awhanvi ɖokpo ɖe ke ye nɔ ylɔ ɖɔ Tabita , tinmɛ tɔn wɛ nyi "Dɔkasi". Nyɔnu xɔn no wa dɔmenyɔ bo nɔ gɔ alɔ na wamamɔnɔ lɛɛ . ³⁷ Nyɔn xɔn wa jɛ azɔn bo ku ; ke ye blo ɖo godo , ye wa do singbo xomɛ le oji . ³⁸ ke libano sɛkpɔ Jopee lɔ , bɔ awhanvi lɛɛ se ɖɔ Piyɛɛ wa oto lɔ mɛ , ye sɛ omɛ awe do edee bo saa vo n'i ɖɔ : " kinklɛn wa kpɔn mi blewun ." ³⁹ Bɔ Piyɛɛ bo kpo omɛ ke sɛdo e lɛɛ . Bɔ asukusi lɛɛ kpo ɖo flɛn bo le avi , bɔ ye ze awu ke e na ye hwe ke ɖo gbɛ bo ze xlɛ Piyɛɛ. ⁴⁰ Piyɛɛ ɖe omɛ lɛɛ kpo tɔn ɖo oxo lɔ mɛ, bo jɛ klo bo xoɖɛ ; godo etɔn , e sɛkpɔ ocyɔ lɔ bo ɖɔ:" Tabita , cite !" Bɔ e hun nukun bo mɔ Piyɛɛ bo lɛ flan anyi . ⁴¹ Piyɛɛ wle alɔ etɔn bo ze cite . ke e ylɔ asukusi lɛɛ kpo nuɖitɔ lɛɛ , e ze nyɔnnu lɔ xlɛ gbɛɖe . ⁴² Nu xɔn ke jɔ omɛ lɛɛ kpo wɛ se le Jopee we tomɛ , bɔ omɛ lɛkpo we ɖinu na Aklunɔ . ⁴³ E wa jɔ ɖɔ Piyɛɛ nɔ Jopee bo blo azan sukpɔ ɖo omɛ ke ye nɔ ylɔ ɖɔ Sinmɔ , ayuzɔnwatɔ lɔ de.