¹ sɔlu yi gbe na Etyɛni we oku . Azan xɔngbe oyasame ɖaxo ɖe bɛ do agun Jeluzalɛmu tɔn ji ; bo nuɖitɔ lɛɛ kpokpo gbado kpe Judea kpo Samalii , meɖoxlan lɛɛ kɛɖɛ ci Jeluzalɛmu . ² Omɛ ke no xodo Mawu we osɛn lɛɛ ze ocyɔ Etyɛni tɔn bo wɛ ɖi bo vi avi tintɛngbe. ³ Amɔ sɔlu ka sa ya na agun lɔ tintɛngbe ; e nɔ byɔ oxwe lɛɛ gbe bo nɔ nyan omɛ lɛɛ bo nɔ wle ye do gan mɛ. ⁴ Hwe xɔn nu nuɖitɔ lɛɛ kpo gbado bo le ɖɔ mawuxo. ⁵ Lexa wɛ Filipu wa toxo Samalii tɔn mɛ bo ɖɔ oxo do Klisi go . ⁶ Ke omɛ lɛɛ mɔ bo se onu ja wu kpo akpa jlɛ ke Filipu blo lɛɛ , ye se onu ke e ɖɔ lɛɛ . ⁷ Omɛ susu ke mɛ oyɛ nyinylan le lɛɛ mɔ kantuntun ye tɔn kpo axwa ɖaxo ɖe ; kpo do omɛ ke jɛ kplibɔ zɔn kpo sekunɔ lɛɛ kpo mɔ azɔn gbigbɔ. ⁸ Bɔ awajijɛ ɖaxɖe byɔ toxo xɔn mɛ . ⁹ Le toxo mɛ omɛ ɖe ke ye ylɔ ɖɔ Simɔɔ, ke nɔ blo majiki ɔ ; e nɔ ze nu ke no blo lɛɛ do kpaca omɛ lɛɛ ɖanyi bo no eɖe gbɛtɔ jɔ gbɛtɔ ɖo Samalii . ¹⁰ Samaliinu lɛɛ kpokpo , sɔn ovi lɛɛ kpo omɛxo lɛɛ kpo nɔ setonu n'i; omɛ lɛɛ kpo nɔ ɖɔ: " Sunnu kɔ ɖo hihlɔn ɖaxo Mawu tɔn , ke ye nɔ ylɔ ɖɔ Ɖaxo." ¹¹ Omɛ lɛɛ nɔ se oxo etɔn lɛɛ ɖo e kpaca ye hwenu sukpɔ wa yi kpo majiki etɔn lɛɛ. ¹² Ke ye ɖi nu na Wɛnɖagbe ke Filipu wa jla lɔ , do axɔsuɖuto Mawutɔn kpo nukɔn Klisu tɔn . Ye ylɔn ye ɖo tɔmɛ , sunnu kpo nyɔnnu lɛɛ kpo. ¹³ Sinmɔn lɔsu wa yi se ; bɔ ke ylɔn ɖo tɔmɛ godo lɔ , e tɛdo Filipu wu bɔ ke e le mɔ nu ja wu lɛɛ e kpaca ɛ . ¹⁴ Odin , mɛɖoxlan ke le Jeluzalɛmu lɛɛ se ɖɔ Samaliinu lɛɛ yi mawuxo lɔ, ye wa sɛ Piyɛɛ kpo Jaan do ye . ¹⁵ Ke ye wa ye xoɖɛ xa ye , ni ye na yi Oyɛ Ɖedovo Mawutɔn . ¹⁶ Kaka jɛ hwenu xɔn omɛti ma yi Oyɛ Ɖedovo hɔnɖe gɛ.; nyinylɔnɖotɔmɛ le Jezu Klisi we nukɔn ji jɛ ye yi. ¹⁷ Odin Piyɛɛ kpo Jaan ze alɔ do ye ji bɔ ye yi Oyɛ Ɖedovo Mawutɔn . ¹⁸ Ke Sinmɔɔ mɔ ɖɔ Oyɛ Ɖedovo Mawutɔn wa ye ji gbɔn alɔ zemɛji gbɔn omɛɖoxlan lɛɛ , e ze akwɛ na ye . ¹⁹ Bo ɖɔ mi na nye lɔsu hihlɔn xɔn , bɔ ni nye lɔsu ze alɔ do omɛ ɖe ji lɔ ni mɔn Oyɛ Ɖedovo lɔ yi." ²⁰ Bɔ Piyɛɛ yi gbe n'i ɖɔ : akwɛ to we ni gble kpo yɔ lɔsu kpo , ɖo a lin dɔ myɛ bo na xɔ Mawu we nunina kpo akwɛ kpo . ²¹ Nu ɖe makan we le fikɔ gɛ , ɖo ayixa to we ma jlɔ le nukɔn gɛ . ²² Lɛvɔ jɔ sɔn ayixa nyinnylan to we mɛ, bo xo ɖɛ na Aklunɔ , bɔ ni ze ojlo nyinnlan to we ze kɛ we . ²³ Ɖo un mɔ we le aɖivɛ ɖe , kpo okan hwɛhuhu tɔn mɛ ." ²⁴ Sinmɔɔ yi gbe n'i dɔ :" Mi xoɖɛ na Aklunɔ na mi na nu ti ni wa jo do ji ce gɛ." ²⁵ Ke Piyɛɛ kpo Jaan ɖe kunnu bo ɖɔ oxo Aklunɔtɔn vɔ lɔ , ye lɛkɔ yi Jeluzalɛmu ; le mɔ lɔ ji , ye jla Wɛnɖagbe le gletoxo sukpo mɛ le Samalii . ²⁶ Odin wɛnsagun Mawutɔn ɖokpo wa ɖɔ na Filipu ɖɔ :" Ci te bo yi oto we afɔligbe , omɔ ke sɔn Jeluzalɛmu wa yi Gaza ɔ ji . ²⁷ E cite bo te bo yi . Sunnu etiopinu ɖokpo ke lɛkɔ sɔn Jeluzalemu bo wɛ sɛn Mawu , bo wa xwe oxwegbe . Sunnu xɔn ɔ , axɔluzɔnwatɔ ɖaxo wɛ nyi , bo nɔ kpɔn axɔsi etiopinu we adɔkun lɛɛ kpo ji ; ²⁸ ke e lɛkɔ wa bo jijɔn anyi le kɛkɛvi etɔn me, bo le xa xoyiɖɔtɔ Mawutɔn Ezayii we weman. ²⁹ Oyɛ lɔ ɖɔ n'i ɖɔ:" Yi bo sɛkpo kɛkɛvi exɔn ." ³⁰ Bɔ Filipu do wezun bo sɛkpɔ ɛ , bɔ e se ɖɔ e le xa weman oxoyiɖɔtɔ Mawutɔn Ezayii, bɔ e ɖɔ n'i ɖɔ : " Weman ke a le xa aɖo mojɛmɛ etɔn aʔ " ³¹ Etiopiinu lɔ n'i ɖɔ : " Naɖe na si mo jɛ mɛ etɔn ni mɛɖɛ ma gɔ alɔ na gɛ ʔ " E sa vo na Filipu ɖɔ ni wa flan anyi ɖo akpa myiɛ tɔn ɖo kɛkɛvi lɔ mɛ. ³² Nu ke etiopiinu lɔ le xa yi ke :" Ye ze yi huhu gbe ɖi lɛgbɔvi ɖɔhun ; ɖi lɛgbɔvi ke ye bla onu na le omɛ ke le kpa ofun etɔn we alɔ mɛ, boma kɛ nu gɛ. ³³ Gbɔn mɛɖezehwe etɔn me hwɛdida etɔn lɛvɔ syɛn . Bɔ ovi etɔn lɛɛ mɛ ɖɔ xo yetɔn ʔ Ɖo ye ɖe sɔn ogbɛ kɔ me." ³⁴ Bɔ e kanse Filipu ɖɔ :" Kin klɛn mɛ xo wɛ xoyidɔtɔ le ɖɔ ʔ E lɔsu wɛ a alo omɛɖevo xo wɛ e le ɖɔ ʔ " ³⁵ Filipu yi gbe n'i ɖɔ bo bɛ sɔn weman Ezayi tɔn ji , do Jezu wu. ³⁶ Ke ye yi nukɔn kpɛɖe , ye mɔ osin ; etiopiinu lɔ ɖɔ n'i ɖɔ " Kpɔn osin ke etɛ na kɔ nyinnylɔndotɔme na un ʔ" ( ³⁷ - ³⁸ ) Bɔ e ɖɔ n'i ɖɔ ye ni dote kɛkɛvi lɔ , bɔ ye yi osin ɔ mɛ, Filipu kpo sunnu lɔ ; bɔ Filipu nylɔn ɛ do otɔ mɛ. ³⁹ Ke ye tɔn le otɔ lɔ me , Oyɛ Aklunɔtɔn ze Filipu sɔn le de , bɔ sunnu lɔ ma sɔ ɛ gɛ , sunnu lɔ ɖo awajijɛ me bo wle omɔ . ⁴⁰ Amɔ Filipu wa Azɔti we tome . E gbɔn toxo xɔn kpokpo me bo jla Wɛnɖagbe kaka wa jɛ sezalee .