¹ Aglipa ɖɔ na Pɔlu ɖɔ: « asi ɖɔ xo na yɔ ɖe.» Pɔlu ze alɔ tɔn ɖo ji bɔ ɖɔ wo bo ² ɖɔ: Un le awa ji jɛ me, ahɔlu Aglipa, ɖɔ un na ɖɔ xo bona ba Hwɛ jijɔ na nye ɖele meke le da Hwɛ na lɛ we nukɔn ke nyi Jwifunu lɛ; ³ Ɖo a (mɔ ɖɛ) ɖo mo jɛ ɖo Jwifunu lɛ we Akɔta go ganji. Exɔu utu un jlo ɖɔ mina ɖoto un ganji. ⁴ Jwifunu lɛ kpo wɛ nyɔn le ke un nɔ gbɛɖo le winya winya winya ce me le to ceme kpo Jeluzalɛmu. ⁵ Ye nyɔ wi sɔn kaka bibɛ me bo un nɔ gbɛ ɖi Falizinu, le sinsɛn gbɛta sisyɛn ɖokpo me le sunsɛn mitɔn me. ⁶ Odin wa ɖe fikɔ bɔ ye na da Hwɛ nami ɖo un le ba akpagbe ke Mawu do na tɔ mitɔn lɛ. ⁷ Ekɔ wɛ nyi akpagbe ke Mawu dona akɔta wawe le ke no sɛn Mawu lɔ zan kpo ke ze. Nukuu ɖiɖo xɔn utu, AHɔla Aglipa, Jwifunu lɛ le da Hwɛ na nù ɖo. ⁸ Etɛ utu meti male finu ɖɔ Mawu si fɔ mekuku gɛ jaa? ⁹ Kauɖe me wa yilɔ un linɖɔ nasi ylo nu sukpo bona sɔta Jezu Nazalɛtitɔn we nukɔn. ¹⁰ Un blo nu xɔn lɛ le Jɛluzalɛmu. Un sun sinsɛn sukpɔ ɖo ganme, gbɔn acɛ kpikpa ke yi sɔn vɔsatɔ daxo Mawu tɔn lɛ we alɔme, bɔ ne jɛ ye hu ji lɔ un no yigbe na . ¹¹ Un Hin to na ye susu lɛ sinsɛn vo jwifunu lɛ kpome bɔ un no lɛ zin ye ji ɖɔ yeni ɖɔ xo nyinyla ɖo Mawu go. Un sin xome do ye tan un bo no lɛ vɔ ya na ye ɖo to ɖovo lɔsu. ¹² Hwekenu un le blo nu kɔlɛ, un bɛ mɔ bo xwe Dama si kpo acɛ ke yi sɔn vɔsatɔ daxo Mawu tɔn lɛ wealɔ me; ¹³ Le mɔ lɔ ji, le gan wiawe, Ahɔlu, un mɔ weziza ɖe sɔn ji bo wa bo za ɖi Hwe ɖɔhun bo za lɛlɛ do mé kpo meke kodo un lɛ. ¹⁴ Ke mi mɛ kpa ja nyi lɔ, un se gbe ɖe le ɖɔ na mi le Eble egbe me ɖɔ: " Sɔlu, sɔlu, Etɛ utu ale saya nami? Ena vyawu nawe bɔ aze afɔ txe tɔ nu tɔ nu." ¹⁵ Bɔ yi gbe ɖɔ:" Mɛ wɛ Aklunɔ? Aklunɔ yi gbe ɖɔ: " Nye wɛ nyi Jezu ke le saya. ¹⁶ Na odin cite ɖo afɔ twe ji ɖo nuke utu un ɖe nye ɖe xlɛ welɔ, a din a zun mɛsɛntɔ ce kpo kunuɖetɔ ce na nuke anywɛ din kpo kena wa ɖe xlɛ we lɛ le nukɔn me; ¹⁷ Un na Hlɛn we gan sɔn togun kpo ko si le ke de un lɛ sɛ we do lɛ we alɔme, ¹⁸ Bo ana hun nukun naye bɔ ye na tɔnsɔn zinylu me bona wa we ziza me bona ɖe ye sɔn satani we Hihlɔn me wa Mawu we hihɔn me, ha ye na yi hwɛ sɔkɛ le Mawu de kpo guɖuɖu ke na ze wa meke ɖinu na lɛ ɖo vo." ¹⁹ Exɔn utu, Ahɔlu Aglipa, nye ma gbɛ tonu Sise na mimɔ sɛxwɛtɔn ²⁰ gɛ; vɔ lɔ, un bɛ Mawu xo ɖiɖɔ sɔn Damasi titan, yi Jeluzalɛmu, kpo Judée kansin me kpo kosilɛ du, ɖo ye ɖo na lɛxɔj ɔyetɔn utu. ²¹ Exɔn utu Jwifunu lɛ wle mi le sinsɛnxo bo na hu mi ɖo. ²² Mawu gɔ alɔ na kaka jɛ egbe, do un le te bole ɖe kunu na mexo lɛ kpo vikpɛ vu lɛ na nu ke xoyidɔtɔlɛ ɖɔlɛ kɛɖɛ kpo Moyizi ɖɔ lɛ na wa cicɛ me; ²³ ɖɔ klisi lɔ na si aya, e na nyi me tifan kena fɔn sɔn ku bɔ ye na yla we ziza na togun Jwifunu lɛ tɔn kpo kosilɛ.» ²⁴ Ke Pɔlu ja fɔ xo tɔnlɔ, Fɛsitusi da xwa: « Pɔlu a hun taɖu wɛ a, nu nywɛ to we zɔn bɔ a hun taɖu.» ²⁵ Vɔ Pɔluɖɔ:« nye ma hun taɖugɛ, mɛ vɛna Fɛsitusi; kpo akɔkpikpan un le ɖɔ xo hugbo kpo xo ganji wɛ. ²⁶ Ke Ahɔlu lɔ se xo xɔn lɛ bɔ odin vɔ awu bole ɖɔ xo, un ɖi nu ɖɔ xo xɔn lɛ ti ma nyi nu wi wla gɛ; ɖo ye ma blo le wi wla ma gɛ. ²⁷ Ahɔlu Aglipa, a dinu na xoyiɖɔtɔlɛ a? Un nywɛ ɖɔ aɖinu na ye.» ²⁸ Aglipa ɖɔ na Pɔlu ɖɔ: « A ba na nye lɔsu ma ɖinu na klisi lɔwe le gaxixo kɔ me a? » ²⁹ Pɔlu yi gbeɖɔ:« Un le xo ɖɛ e si nyi gan xixo kɔ me alo ɖevo, e ma nye yɔ kɛɖɛ gɛ, na we ɖevo lɛ ke se yo ce le gbe lɛ, bɔ ye zun hye dɔ hun bo ma na nyi kpo cɛni gou me tɔn kpo gɛ. ³⁰ Ahɔlu lɔ cite, kpo ahwangan Fɛsitusi kpo Belenisi kpo meke flanyi kpo ye kpo, ³¹ Ke ye le tɔn le xɔ me ye le ɖɔ xo le yeɖe lɛ me boɖɔ: « Sunu kɔ ma blo nuti ke ye na Hui gɛ alo ye na ze do gan me gɛ». ³² Aglipa dɔna Fɛsitusi ɖɔ:« Sunu kɔ yeɖo na jwe do ne lɔsu ma byɔ bona yi Sezalée gɛ.»